2 Timutiyu 1:12 - Hanunuu

¹² Tida ngani kay dahilan nakan aku mag-agwanta inda pag kakurian. Dapat ay una katida unman aku mag-alinlangan. Dahil lubus niku magkakilala kang Panginuun kang pagsarigan. Pihu gid kaya niya maingatan ti kang inintirga sa kanya hanggan sa ud rumas-ug ti kaudasan Panginuun.

2 Timutiyu 1:12 Iomraidhean Croise

Kanta 31:5

Pag-iintirga niku sa kanmu kang buhi. Ribrihan aku, Panginuun, Diyus masarigan.

Kanta 56:9

Diyus, nu magdangup aku sa kanmu, manpalalagiwan kang manga kalaban. Inda nalakawan niku, dahil kawu, Diyus, mag-alaga sa kangku.

Kanta 9:10

Magsarig sa kanmu ti magkilala sa kanmu pag manga tawu. Dahil balaw nimu pagbugyahan ti manga magdangup sa kanmu.

Isayas 12:2

Kawu pag Diyus kang Manugribri. Manarig aku sa kanmu ag balaw yi madala. Kawu, Panginuun, ti magpakaun kabisugan sa kangku, kawu kang karantahun. Kawu ngani ti nagribri sa kangku.”

Isayas 50:7

Dapat balaw aku nakaramdam kay-a, dahil inawatan aku Panginuun Diyus. Nakan napaganit aku ga tanang batu, dahil alam niku balaw aku mangay-a.

Isayas 54:4

Danga kawu magkadala dahil balaw kawu mangay-a. Malimtan yi nimu ti kakay-ahan nimu kalay-awan katunda diman kanmu pagkaburanday.

Nahum 1:7

Mayad ti Panginuun; marig-un siya pag darangpan sa udas kakurian, ag pag-alagaan niya ti magdangup sa kanya.

Matiyu 12:21

Ag ti manga tawu sa tanan pag nasyun sumarig sa kanya.”

Matiyu 24:36

Sinabi ni Hisus magkun, “Dapat unman may tawu umalam nu kapira tunda pag mangyari aban una kay sirang, una kay udas. Unman may makaalam una manga anghil sa langit, una paman ti Anak. Ti Ama lang ti makaalam tunda.

Matiyu 7:22

Sa ati katpung aban pag kaudasan mayamu ti sumabi sa kangku magkun, ‘Panginuun, Panginuun, unman aw sa kanmu ngaran kami nagpurupita? Sa kanmu diman ngaran pag nagpalwas kami manga labang ag nagbuwat kami mayamu makadululaw.’

Lukas 10:12

Kang pagsabihun sa kanyu nu kaudasan pagsintinsiya Diyus aban lalu waya makuri kay kaparusahan malakawan tawu siyun pag banwa balaw lang ga sa manga taga Suduma.”

Lukas 23:46

Nagtawag laun si Hisus magkun, “Amang iintirga yi niku kang buhi sa kanmu kamang.” Pagka sinabi niya katida, naugtasan siya arup.

Huwan 17:15

Unman aku magdarangin hampay bul-un nimu sida ginan sa babaw daga. Dapat kang pag-idarangin sida hampay kanmu iribri sida sa Puun Kadautan.

Huwan 6:44

Unman may tawu makapasakup sa kangku purya lang nu siya butungun niku Ama, imaw ti nagsugu sa kangku. Bag-u buhiun niku siya uman sa katapusan panahun aban.

Binwat 13:46

Dapat matutum di kanda naisipan nida ni Pablu ni Birnabi magkun, “Sa kanyu dapu kailangan pag-itultul ti Bagaw Diyus. Dapat ay kainda ginan kami dayi sa kanyu. Ati yi kami sa manga balaw Hudiyu. Dahil ipinurya niyu ti Bagaw Diyus ag pinasnuan niyu kanyu sadili kuntay unman may karampatan kamu sa tutuu pag buhi unman may katapusan.

Binwat 13:50

Dapat ay nag-udyuk ti manga Hudiyu sa manga mayaman pag babayi manga niabay sa surundanun Hudiyu hanggan sa manga lalaki may kangaranan sa banwa hampay unu-unuhun nida sida ni Pablu ni Birnabi. Bag-u tinulak ngani sida siyun ginan pag manga rugar.

Binwat 21:13

Dapat sinabi ni Pablu magkun, “Hayga katida kamu? Hayga kamu maglumi ag magparuku diman sa kang tagipusuun? Dahil una aku kanda gapusun una mamatay waya aku, handa gid aku dahil sa kang magpasakup sa Panginuun Hisus.”

Binwat 7:59

Sa katpung pagbatuhun waya nida si Istiban, nandarangin siya magkun, “Panginuun Hisus, tanggapa gid nimu kang karadwa.”

Binwat 9:16

Ipaalam diman waydi niku sa kanya ti tanan niya kailangan tiisun sa kay magpakilala sa kangku sa manga tawu.”

Ruma 1:16

Balaw gid niku pag-ikakay-a ti Mayad pag Barita, dahil imaw yi ti kapangyarihan Diyus sa ikaribri kada tawu nu sumarig, una sa tanan sa manga Hudiyu, bag-u hanggan sa manga balaw Hudiyu.

Ruma 9:33

imaw ti nisurat sa Banal Kasuratan magkun, “Nagpauli aku sa banwa Siun usa ka batu karadayaanun, laun pag batu kanda matalakpahan. Dapat balaw mibuyu una si unu pag tawu nu sumarig sa kanya.”

1 Kurintu 1:8

Si Hisu-Kiristu diman ti pumarig-un sa kanyu hanggan tugka sa katapusan hampay unman may ikasabi sa kanyu sa kaudasan pagras-ug nita Panginuun Hisu-Kiristu.

1 Kurintu 3:13

ti buwat kada tawu makitan di aban. Dahil nu kaudasan yi pagras-ug ni Kiristu bag-u maalaman yi tunda. Sapagka sa apuy pihu pag makilala. Ti apuy ti sumubuk kada tawu buwat nu kabitay.

Pilipus 1:20

Daka gid kang kagustuhan ag may pag-asa aku dayu gid aku umalinlangan. Bagkus pirmi matutum kang naisipan lalu waya ngap inmamat taynguna agud sa mamatay sa mabuhi man hampay nu makitan aku manga iba, lalu waya dayawun nida si Kiristu.

Pilipus 3:10

Kang gustu lang gid makilala si Kiristu, maungdan ti kamaskihan niya pagkabuhi uman ag masaydan niku kay kakurian ag miparihu aku sa kanya hanggan sa kay kamatayan.

Pilipus 3:21

Gamitun niya kay kamaskihan hampay kanta malumuy pag ginhawa bag-uhun niya agud pumarihu sa kay sadili bilug may kadayawan. Tunda pag kamaskihan imaw diman kay paggamitun hampay masakup niya ti tanan pag manga bagay tabug sa kay sadili.

Pilipus 3:8

Balaw lang kang pagtupad sa Kasuguan, hanggan ti tanan pag manga buruwatun kang sinipagan kaybi pag-isipun niku udyi gid ngap mahalaga sa kangku taynguna. Dahil ti pinakamahalaga sa kangku kang pagkilala hanggan kang pakiusa sa kan Kiristu Hisus sa kang Panginuun. Dahil sa kanya dinayu yi niku ti tanan pag manga bagay, ga paruk yi lang balaw yi pagpahalagahan niku hampay sa kangku yi si Kiristu, imaw ti tutuu gid mahalaga,

1 Tisalunika 2:16

Nakan pilit gid kanda mana pag-amparahun kanmi pagtudlu Mayad pag Barita sa manga balaw Hudiyu sa ikaribri nida. Aput yi ngani sa katugkaan kanda buwat kadautan nakan sa katapusan nangyari ngani sa kanda ti pangagalit Diyus.

1 Tisalunika 5:4

Dapat kamu, manga patar-ari, balaw yi sa kadudulman, nakan kamu dayu mabiglaan sa udas ati nu rumas-ug parihu sa mananakaw.

1 Timutiyu 6:20

Kawu duy Timutiyu, ingatan nimu ti iinintirga sa kanmu. Iwasan nimu ti manga harampangan unman ikabaya Diyus hanggan ti salalumpangan.

2 Timutiyu 1:14

Kanmu mahalaga pag katungkulan kailangan alagaan nimu sa awat Ispiritu Banal, imaw ti nangulian sa kanta.

2 Timutiyu 1:16

Pag-idarangin niku ti magtal-anakan ni Unisipuru hampay kaawaan sida Diyus. Balaw di kas-a sinaya niya aku. Balaw aku kinay-ahan niya madi aku pirisu.

2 Timutiyu 1:18

Pagsa kanya kay pangaawa Panginuun nu kaudasan yi aban pagbalik Panginuun. Alam diman gid nimu nu kabitay siya pag nagsirbi sa iglisya ati sa Ipisu.

2 Timutiyu 1:8

Nakan ngani danga magkay-a magtultul tungkul sa Panginuun. Danga waydi ikakay-a nimu kang mapirisuhan dahil sa kanya. Bagkus ngap pagdamay sa kakurian dahil sa magtudlu Mayad pag Barita, pagsarig sa kamaskihan Diyus.

2 Timutiyu 2:9

Dahil sa kang magtudlu Mayad pag Barita nakan aku mag-agwanta sa kakurian hanggan sa pirisuhan parihu sa may kasalanan. Dapat balaw magkagapus ti Bagaw Diyus.

2 Timutiyu 4:8

Matanggap yi niku aban kang pirimyu sa kang nanalu. Panginuun ti matadlung pag talaghusay, imaw ti pumakaun kang pirimyu ati katpung pag kaudasan sa kay pagbalik niya aban. Balaw lang waydi aku ti makatanggap pirimyu. Makatanggap waydi kanda pirimyu ti tanan manga magmahal sa Panginuun, manga magpatigagad sa kay pagbalik niya aban.

Titu 3:8

Inda pag manga adal imaw ti katutuuhanan. Nakan ngani kang gustu pagkasipag kawu itudlu nimu inda hampay ti manga magsarig sa Diyus handa kanda naisipan sa pagbuwat mayad. Inda pag manga paanyu imaw ti pinakamayad ag mapakinabangan tanan tawu.

Hibriyu 12:2

Bantayan nita kanta manuggiya si Hisus. Siya diman ti turunu nita sarig. Dahil kabayaan kay patabgan, nakan inagwanta yi lang niya madi ipinurya siya sa kay pagkamatay sa kurus. Bag-u tinmukaw siya ati sa langit baliwa sa sikun Diyus, minsan sa karampatan Diyus.

Hibriyu 2:18

Sinubukan gid siya sa kay nalakawan kakurian. Nakan madunung siya makaawat sa manga tawu maglakaw subuk.

Hibriyu 7:25

Nakan ngani siya ti lubus makaparibri sa manga tawu magpakarani sa Diyus sa panab-anan niya, dahil pirmi di buhi siya hampay manab-anan sa kanda sa atubangan Diyus.

1 Pidru 1:5

Sinmarig kamu, nakan kay kamaskihan Diyus tig-ingat sa kanyu hanggan sa udwaya matanggap niyu ti karibrihan kay itinigana Diyus hampay ipaburayhaw nu katapusan yi panahun aban.

1 Pidru 4:16

Dapat una si unu sa kanyu danga mangay-a nu siya parusahan dahil sa kay magpasakup sa kan Kiristu. Lalu ngap pagpasalamat siya sa Diyus, dahil siya magpakiusa sa kan Kiristu.

1 Pidru 4:19

Nakan ngani ti manga mag-agwanta sa kakurian angay sa kagustuhan Diyus, pagbuwat sida mayad, bag-u intirgahan nida kanda buhi sa Manuglalang, dahil siya ti masarigan.

Hudas 1:24

Diyus lang ti makaingat sa kanyu hampay kamu balaw malagpak sa kasalanan. Mipaatubang diman niya kamu tabug sa kay kadayawan unman yi may daut kamu una di, nu ud lubus yi ngap sa kabayaan.