2 Timutiyu 1:10 - Hanunuu

¹⁰ Dapat niburayhaw lang inda pagka rinmas-ug si Kiristu Hisus kanta Manugribri. Tinalu niya ti kamatayan ag ipinakilala ti buhi unman may katapusan sa panab-anan Mayad pag Barita.

2 Timutiyu 1:10 Iomraidhean Croise

Isayas 43:3

Dahil aku ti Panginuun nimu Diyus, ti Banal pag Diyus Israil, kanmu Manugribri. Ipakaun niku sa iba ka nasyun ti Ihiptu, ti Itiyupya, hanggan ti Siba bilang ka ilis nimu.

Isayas 45:15

Diyus ag Manugribri Israil, balaw nimu pag-ipakakit kanmu sadili.

Isayas 45:21

Pagparaingan-an kamu sa usa kag sa usa, bag-u padnugan niyu kanyu katuwiran. Si unu lugud ti naghula kaybi tungkul sa manga bagay mangyari? Unman aw aku, ti Panginuun? Unman may iba Diyus nu unman aku lang — ti matadlung pag Diyus ag Manugribri.

Husyas 13:14

Iribri aw niku kamu sa kamatayan? Unman! Sumabi waya ngani aku, ‘Kamatayan, naan yi kanmu manga sarut? Naan yi kanmu kaparusahan para sa inda pag manga tawu?’ “Balaw gid niku kamu kaawaan.

Lukas 11:36

Nakan nu lubus marayaw ti buu nimu bilug ag udyi may patakip lunsay yi marayaw gid, parihu kawu ga sa atubangan sulu magkarayawan.”

Lukas 13:7

Magkun kay apu tag sa manug-alaga ubasan, ‘Malu ungud duy aku sa tulu ka timpu magpakasitay magpakahanap kay burak inda pag puun igus, dapat unman aku may mag-akitan. Pukana yi lang nimu. Sayang lang inda pag daga unman may pakinabang.’

Lukas 2:11

Dahil inanak yi taynguna sa Banwa ni Dabid ti Manugribri niyu, imaw ti Kiristu, ti Pinili Diyus Manugribri pag Hari, ti Panginuun.

Huwan 1:9

Tunda ngani ti tutuu gid pag sulu ti nagsitay sa kalibutan hampay kay marayawan ti tanan manga tawu.

Huwan 14:6

Sinmagut si Hisus sa kanya magkun, “Aku ti dalan, ti katutuuhanan, ti buhi. Ginan lang sa kangku pag makaati ti tawu sa Ama.”

Huwan 20:31

Dapat inda kang isinurat hampay kamu magpaniwala si Hisus yi ngani ti Pinili Diyus Manugribri pag Hari, ti Anak Diyus. Dahil nu katunda kanyu pagsarig, kamu may tutuu pag buhi sa kanyu magpakiusa sa kanya.

Huwan 4:42

Sinabi nida sa babayi magkun, “Magsarig kami taynguna sa kan Hisus balaw dahil sa kanmu sinabi sa kanmi. Taynguna kami magsarig dahil sa kanmi nadnugan sa kanya. Nakilala yi waydi nimi siya yi ngani ti Manugribri sa manga tawu sa kalibutan.”

Huwan 5:40

Dapat unman kamu magkaibug magtanggap sa kangku nakan unman diman waydi matanggap niyu ti tutuu pag buhi.

Binwat 13:23

Ginan sa kay manga linahi ni Dabid, pinili Diyus si Hisus hampay siya ti Manugribri nasyun Israil angay sa kay itinaratu Diyus kaybi di waya.

Binwat 5:31

Pinakan-an si Hisus kadayawan, ipinatukaw siya Diyus sa kay sikun baliwa minsan sa kay karampatan maghari. Nakan si Hisus yi ngani ti Takinan hanggan Manugribri hampay pakan-an rugar ti nasyun Israil makaampu sa kanda manga kasalanan ag makahagad kapatawadan sa Diyus, agud sida patawadun.

Ruma 16:26

Taynguna bay tunda pag katutuuhanan niburayhaw yi ngap sa Kasuratan manga Purupita. Bag-u ti Diyus ti unman may katapusan imaw ti nagpatigayun hampay ipakilala tunda pag katutuuhanan sa tanan manga nasyun tawu agud sida sumarig sa Diyus ag sumunud sa kanya.

Ruma 2:7

Ti manga iba magparargu sa magbuwat mayad dahil sa kanda maghingbut kadayawan, karangalan, hanggan sa unman may kamatayan. Sida pakan-an Diyus buhi unman may katapusan.

Ruma 3:31

Nu katida ibug aw sabihun udyi pagpahalgaan nimi ti Kasuguan? Bukun sa katida. Kanmi di ngap pagpahalgaan.

Ruma 6:6

Alam nita ti daan nita pagkatawu ipinaku sa kurus kaibahan ni Kiristu, hampay udyi may kapangyarihan kanta pagkatawu makasalanan ag sa udyi kita baliwun panawuhun kasalanan.

1 Kurintu 15:26

Taluhun diman niya aban ti nasawad pag kalaban imaw ngani ti kamatayan.

1 Kurintu 4:5

Nakan ngani danga dapu pagpihua una hintay pag tawu nu daut nu mayad hanggan sa ud rumas-ug ti Panginuun. Siya ti pumaburayhaw sa manga ilinihim ga sa madlum. Bulwatun niya aban ti pagkutubun tawu. Ati katpung ti kada tawu dayawun Diyus angay sa kay binwat.

2 Kurintu 5:4

Hanggan kita sitay waya sa kanta bilug inda ga turda, kita talaga magkakurian, magpakabitay waya balaw waydi tunda kuntay sa lukasun kanta bilug para sa daga, nu unman hampay ilsan yi bilug para sa langit. Nu katida, kanta buhi may katapusan ilsan aban buhi unman may katapusan.

Galasya 5:4

Nu kamu magkaibug pagkilalan-un Diyus kuntay kamu matadlung dahil sa kanyu magtupad sa Kasuguan, binmulag yi ngap kamu sa kan Kiristu, udyi matanggap niyu kay pakaun kaayadan Diyus.

Ipisu 1:18

Kang pag-idarangin kamu hampay marayawan kanyu naisipan hampay maalaman niyu kanta pag-asahan dahil sa kay pagbutung niya sa kanta. Kay ihinanda niya ti daka gid pag kaayadan sa tanan manga binanal,

Ipisu 1:9

hampay lubus maintindihan nita kay udwaya pinaburayhaw pag gayak niya.

2 Tisalunika 2:8

bag-u mibantala yi ti May Puun Kadautan. Pagka sa kaudasan niya pagras-ug ni Kiristu, arupan niya ti May Puun Kadautan kay papasun yi, matyun siya sa masyadu masilaw pag rayaw ni Kiristu.

2 Timutiyu 1:1

Inda ti may surat si Pablu. Aku ti kinaibgan Diyus hampay apustul ni Kiristu Hisus para manudlu aku tungkul sa buhi kay itinaratu Diyus sa kanta dahil sa kanta pakiusa sa kan Kiristu.

2 Timutiyu 1:8

Nakan ngani danga magkay-a magtultul tungkul sa Panginuun. Danga waydi ikakay-a nimu kang mapirisuhan dahil sa kanya. Bagkus ngap pagdamay sa kakurian dahil sa magtudlu Mayad pag Barita, pagsarig sa kamaskihan Diyus.

2 Timutiyu 4:1

Aku may pagsabihun gid sa kanmu sa atubangan Diyus ag ni Kiristu Hisus, imaw ti manbalik ag manhari, ag ti pumihu aban sa manga tawu buhi di waya hanggan sa manga namatay yi, nu daut nu mayad.

2 Timutiyu 4:8

Matanggap yi niku aban kang pirimyu sa kang nanalu. Panginuun ti matadlung pag talaghusay, imaw ti pumakaun kang pirimyu ati katpung pag kaudasan sa kay pagbalik niya aban. Balaw lang waydi aku ti makatanggap pirimyu. Makatanggap waydi kanda pirimyu ti tanan manga magmahal sa Panginuun, manga magpatigagad sa kay pagbalik niya aban.

Titu 2:11

Dahil ipinakakit Diyus kay pangaawa sa ikaribri tanan tawu.

Titu 2:13

Paggagadun nita ti pihu gid mangyari aban, ti madayaw pag kaudasan nu mihayag si Hisu-Kiristu sa karaw-an niya kadayawan. Siya yi ngani kanta makamaskihan pag Diyus hanggan Manugribri.

Titu 3:4

Dapat taynguna ipinaburayhaw Diyus kay pangaawa hanggan kay pagmahal sa manga tawu. Siya ngani kanta Manugribri.

Hibriyu 10:32

Alalahanun niyu ti manga nangyari kaybi pagka kamu linmakaw yi sa karayawan Panginuun. Ati katpung mahigpit pag kakurian kanyu tiniisan dapat unman kamu nagpatalu.

2 Pidru 1:1

Inda ti may surat si Simun Pidru, kay panawuhun hanggan apustul ni Hisu-Kiristu. Inda pag surat atag ngani sa kanyu, sa manga nakatanggap mahalaga pag sarig parihu ga kanmi pag sarig. Ti Diyus Manugribri imaw yi ngani si Hisu-Kiristu, ti may pakaun sa kanta inda pag sarig angay sa kay katadlungan.

2 Pidru 1:11

Nu katunda, tanggapun kamu may kabayaan sa kay kaharian unman may katapusan ni Hisu-Kiristu, imaw kanta Panginuun ag Manugribri.

2 Pidru 1:3

Tinanggap nita dahil sa kay kamaskihan Diyus ti tanan nita manga pangailangan hampay mag-ugali kita marig-un sa kanya. Mangyari inda dahil sa kanta magkilala sa kan Hisus. Siya diman ti nagpili sa kanta sa panab-anan niya sadili kadayawan hanggan kaayadan.

2 Pidru 2:20

Nakaiwas yi sa kadautan kalibutan ti manga tawu nakakilala sa kan Hisu-Kiristu sa kanda Panginuun Manugribri. Dapat ay nu maraibgun maan sida sa daan pag ugali daut bag-u nu rargu napatalu, lalu man makuri kanda kahamtangan balaw lang ga sa kabag-u.

2 Pidru 3:18

Pagparargu kamu, pagdaka sa kanyu kay kaayadan Diyus hanggan kanyu pagkilala sa kanta Panginuun Manugribri imaw yi ngani si Hisu-Kiristu. Sa kanya ti kadayawan taynguna una hanggan aban. Amin.

2 Pidru 3:2

Isipa niyu ti manga binagaw kaybi manga purupita lubus napasakup sa Diyus. Isipa diman ti ibinilin nita Panginuun imaw ngani ti Manugribri. Tunda pag manga ibinilin nadnugan niyu ginan sa kanyu manga apustul.

1 Huwan 1:2

Ipinaburayhaw inda pag buhi, nakitan gid nimi. Nakan kanmi pagpatutuuhanan ngani ag pag-ibarita sa kanyu ti tutuu pag buhi unman may katapusan. Kaybi ginan kaibahan siya Ama, bag-u ipinaburayhaw siya sa kanmi.

1 Huwan 4:14

Nakitan nimi ag kanmi pagpatutuuhanan kuntay sinugu Ama kay Anak hampay siya yi ngani ti Manugribri sa tanan manga tawu sa babaw daga.

Ipinakakit 18:1

Bag-u nakitan niku may magpakababa ginan sa langit usa ka anghil may daka pag kamaskihan hanggan karampatan. Narayawan ti bilug kalibutan dahil sa kay kadayawan.

Ipinakakit 2:7

“Ti may tuli kailangan pagpatingi sa pagsabihun Ispiritu sa manga iglisya. Ti manalu pag tawu imaw ti pakan-an niku karampatan makakaun sa burak kayu kabuhian sa halamanan Diyus.”

Ipinakakit 20:14

Bag-u ayinmut tag sa danaw apuy ti kamatayan hanggan ti ulian manga karadwa. Tunda pag danaw apuy imaw ti ikadwa pag kamatayan.

Ipinakakit 22:14

Papaladan Diyus ti maglumpiyu kanda manga rutay, pakan-an sida karampatan hampay makakaun burak kayu makapakaun tutuu pag buhi ag hampay makasulud sa banwa lakaw sa kay manga puwirtahan.

Ipinakakit 22:17

Pagsabihun Ispiritu hanggan aguman babayi magkun, “Pagsitay yi gid duy kawu.” Ti tanan nakadnug inda pagsabi waydi, “Pagsitay yi gid kawu.” Una si unu ti magkauwaw pagpakarani, pagbuul danum makapakaun tutuu pag buhi. Pakan-an diman siya unman may bayad.