2 Samwil 8:12 - Hanunuu

¹² ti Idum, ti Muab, ti Amun, ti Pilistiya hanggan Amalik. Isinagda diman niya ti manga naaghas nida ginan sa kan Hari Hadadisir taga Suba, kay anak ni Rihub.

2 Samwil 8:12 Iomraidhean Croise

2 Samwil 10:11

Magkun si Huab sa kan Abisay, “Nu makitan nimu magkatalu yi kami manga Aramiyu, awati niyu kami, dapat nu kamu waydi ti magkatalu yi manga Amunita, awatan nimi kamu.

2 Samwil 10:14

Pagka nakitan manga Amunita namalalagiwan ti manga Aramiyu, nalagiw diman sida ginan sa atubangan ni Abisay ag sinmulud sa kanda banwa. Nakan nuli yi waydi sida ni Huab tabug sa Hirusalim ginan sa labanan manga Amunita.

2 Samwil 8:2

Natalu diman ni Dabid ti manga Muabita. Pinahuway niya sida sa daga mahanayan ag sinukat sa panab-anan lubid. Ti manga niminsan sa sukat duwa ka lubid pinanmatay, ti manga niminsan sa ikatlu pag lubid pinabay-anan mabuhi. Ti manga pinabay-anan mabuhi pag manga Muabita napasakup sa kan Dabid ag namayad buhis.

1 Krunika 18:11

Isinagda inda ni Hari Dabid sa Panginuun, parihu sa kay binwat sa manga pilak ag gintu kay inagaw ginan sa iba pag manga nasyun kay tinalu — ti Idum, Muab, Amun, Pilistiya, ag Amalik.

1 Samwil 15:8

Rinuris nida lubus ti tanan Amalikita, dapat si Agag ti hari manga Amalikita unman nida minatay kanda lang binihag.

1 Samwil 27:8

Ati katpung ginira ni Dabid hanggan niya manga tawuhan ti manga Gisuriyu, Gisrita ag Amalikita. Ginan di waya kaybi inda pag manga tawu mag-ulian yi sa rugar arani sa may Sur atabug sa may Ihiptu.

1 Samwil 30:17

Ginira ni Dabid hanggan niya manga tawuhan sida, ginan sa mag-isalup init tugka waya sa sunud pag yabi. Unman nakapalagiw ti manga Amalikita, purya sa 400 kalay-awan lalaki sinmakay sa kamilyu ag nalagiw.

1 Samwil 30:20

Ag inaghas diman ni Dabid ti tanan karanidu hanggan manga baka. Ipinatabug niya inda sa kay manga tawuhan sa kanda mag-uli. Magkun sida, “Inda ngani ti manga naaghas ni Dabid.”