2 Samwil 7:8 - Hanunuu

⁸ “Sabiha waya nimu sa kan Dabid aku, ti Panginuun Makamaskihan, magkumun, ‘Manug-alaga kawu kaybi manga karanidu, dapat pinili kawu niku hampay manpanguna sa manga nasakupan niku Israilita.

2 Samwil 7:8 Iomraidhean Croise

2 Samwil 12:7

Bag-u magkun si Natan sa kan Dabid, “Kawu tunda pag tawu! Indaay ti pagsabihun Panginuun, ti Diyus Israil: ‘Pinili niku kawu hari Israil ag irinibri niku kawu sa kan Saul.

2 Samwil 14:13

Magkun ti babayi, “Balaw aw kasalanan nimu inda sa nasakupan Diyus, ti apinan nimu kang anak? Taynguna, kawu yi ti pagkilala sa kanmu sadili binwat, dapat kanmu pinalayas pag anak balaw nimu pagpabalikun.

2 Samwil 23:1

Ipinabantug Kaabwat-abwatan pag Diyus si Dabid kay anak ni Isai. Pinili siya Diyus ni Hakub hampay maghari, ag nanurat siya mararinu pag kanta Israil. Inda kay uryan binagaw:

2 Samwil 24:17

Pagka nakitan ni Dabid ti anghil magmatay manga tawu, magkun siya sa Panginuun, “Aku ti may kasalanan. Inda pag manga tawu parihu sa manga karanidu unman may nabwat kasalanan. Aku yi lang duy hanggan kang magtal-anakan ti parusahi nimu.”

2 Samwil 5:2

Ginan di waya sa kabag-u, una si Saul waya kanmi hari, kawu yi ti magpanguna sa manga Israilita sa girahan. Nagkumun diman ti Panginuun, ‘Giyahan nimu kang manga nasakupan Israilita parihu sa paggiya usa ka manug-alaga sa kay manga karanidu. Kawu ti takinan nida.’ ”

2 Samwil 6:21

Magkun si Dabid sa kan Mikul, “Binwat niku tunda sa atubangan Panginuun, ti nagpili sa kangku kailis nimu ama ngatay una waya si unu sa kay linahi. Pinili niya aku mamunu sa manga nasakupan niya Israilita nakan iparargu niku kang magbaya sa atubangan Panginuun.

1 Hari 3:6

Nagsagut si Sulumun, “Pinakakitan nimu daka pag kaayadan kang ama si Dabid, kanmu manugsirbi, dahil tapat siya sa kanmu, matadlung, ag mayad kay pangabuhi. Parargu nimu pag-ipakakit sa kanya kanmu daka pag kaayadan sa panab-anan pagpakaun sa kanya usa ka anak bilang hari taynguna.

1 Hari 8:16

‘Ginan sa panahun ipinalwas niku kang nasakupan manga Israilita sa Ihiptu, unman aku nagpili banwa sa una naan pag linahi Israil hampay patindugan Balay Diyus para sa kang kadayawan. Dapat, pinili niku si Dabid hampay mamahala sa manga nasakupan niku Israilita.’

1 Krunika 17:7

“Sabihi waya gid si Dabid kuntay aku, ti Panginuun Makamaskihan, magkumun, ‘Sa kabag-u manugbantay kawu sa manga karanidu, dapat pinili niku kawu manugpanguna sa kang nasakupan manga Israilita.

1 Krunika 21:17

Magkun si Dabid sa Diyus, “Aku ti nagsugu kuntay isinsus ti manga tawu. Aku ti nagsalan. Inda pag manga tawu unman may alam parihu sa manga karanidu. Unman sida may nabwat kasalanan. Ungud Panginuun niku Diyus, aku yi lang ag kang magtal-anakan ti parusahi. Danga pagpakuriani kanmu nasakupan sa inda pag sarut.”

Amus 7:15

Dapat sinabihan aku Panginuun tayaki niku kang tarabahu manug-alaga karanidu, ag pagtultul aku kay tultulanun sa kanyu manga taga Israil sa kay nasakupan.

Binwat 7:46

Lubus pagbayaun Diyus si Dabid. Nakan nagpamuhun si Dabid sa Diyus hampay pumatindug mana siya balay para sa kanya, sa Diyus ngani ni Hakub.

1 Samwil 10:1

Bag-u nagbuul si Samwil usa ka sukadan may sukad lana ulibu, ibinuhus niya sa ulu ni Saul, bag-u kay hinagkung ag magkun, “Ti Panginuun imaw ti nagpili sa kanmu hampay pumanguna sa kay magkaapu pag nasakupan.

1 Samwil 2:8

Pagbangunun niya ginan sa kakurian ti manga makuri. Pag-ipatukaw niya sida kaibahan manga kilala pag manga tawu bag-u pagdayawun. Siya ti may apu paratukawan kalibutan.

1 Samwil 9:16

“Aldaw sa kainda diman pag udas, paasantagun niku sa kanmu ti usa ka tawu ginan sa rugar Binhamin. Payidi nimu siya lana ulibu sa kay ulu bilang palatandaan siya yi ngani kang pinili pag takinan niku nasakupan Israilita. Iribri niya kang manga nasakupan ginan sa kamang manga Pilistiyu dahil nakitan niku kanda kakurian, nadnugan niku kanda magdangup sa kangku.”