2 Samwil 7:6 - Hanunuu

⁶ Taynguna tugka unman waya aku nakaulian sa pirmaminti pag balay ginan kaybi sa kang nagpalwas sa manga Israilita sa Ihiptu. Nagpasalyu-salyu aku rugar; turda lang kang inulianan.

2 Samwil 7:6 Iomraidhean Croise

2 Samwil 11:11

Magkun si Uryas, “Ti Kaban Kasunduan Diyus hanggan ti manga sundalu Israil ag Huda ati duy sa manga kampu sa karatagan, ag ati diman kanmi kumandir si Huab hanggan ti manga may kangaranan niya. Maagwanta aw lugud niku muli sa kanmi agud mangaun, manginum ag mangulid sa kang asawa? Pag-itaratu niku sa kanmu balaw niku tunda mabwat!”

1 Hari 8:16

‘Ginan sa panahun ipinalwas niku kang nasakupan manga Israilita sa Ihiptu, unman aku nagpili banwa sa una naan pag linahi Israil hampay patindugan Balay Diyus para sa kang kadayawan. Dapat, pinili niku si Dabid hampay mamahala sa manga nasakupan niku Israilita.’

Binwat 7:44

“Kanda sa pangawakaan waya, siyun diman ti Balay Turda Panginuun sa kanta manga ginurang. Tunda pag Balay Turda binwat angay gid sa kay bilin Diyus ag angay sa mustara ipinakakit Diyus sa kan Muysis.

2 Kurintu 6:16

Una ti Balay Diyus balaw diman miusa sa diyus-diyusan. Kita ti Balay Diyus buhi. Siya diman waydi ti may sabi magkun, “Manahanan aku, pumurmar yi gid sa kanda, bag-u aku yi gid kanda Diyus. Sida kang yi gid nasyun.

Diyuturunumiyu 23:14

Dahil ti Panginuun niyu Diyus magpalibut sa kanyu kampu hampay iribri kamu ag iayaw sa kanyu ti manga kalaban niyu. Nakan kailangan malumpiyu kanyu kampu hampay unman siya may mag-akitan balaw mayad, ag hampay balaw niya kamu tayakan.

Huswi 18:1

Pagka natapus masakup manga Israilita tunda pag daga, naniripnan sida tanan sa Silu, bag-u namatindug Turda Taragbuan.

Ipinakakit 2:1

“Isurat nimu inda para sa anghil magbantay sa iglisya sa banwa Ipisu: “Inda ti magsabi imaw yi ngani ti may bitbit pitu ka pamgasan sa kay sikun pag kamang, tiglakaw sa karaw-an pitu ka sulu gintu:

Talaghusay 20:27

Sa tunda pag udas, ti Kaban Kasunduan Diyus asan sa Bitil, ag ti magpamahala inda si Piniis kay anak ni Iliyasar ag laki ni Aarun. Nagpaingana maan ti manga Israilita sa Panginuun, “Manlaban aw waya maan lugud kami sa kanmi kadugu manga Binhaminita ngatay danga yi lang?” Nagsagut ti Panginuun, “Paglaban maan kamu dahil aldaw papanaluhun yi niku kamu laban sa kanda.”