2 Samwil 7:2 - Hanunuu

² Pagka sa usa ka sirang, magkun si Dabid sa kan Purupita Natan, “Bantayi nimu, mag-uli ngani aku sa marinu pag balay hari buwat sa kayu sidru, dapat ti Kaban Diyus ati sa turda lang.”

2 Samwil 7:2 Iomraidhean Croise

2 Samwil 11:11

Magkun si Uryas, “Ti Kaban Kasunduan Diyus hanggan ti manga sundalu Israil ag Huda ati duy sa manga kampu sa karatagan, ag ati diman kanmi kumandir si Huab hanggan ti manga may kangaranan niya. Maagwanta aw lugud niku muli sa kanmi agud mangaun, manginum ag mangulid sa kang asawa? Pag-itaratu niku sa kanmu balaw niku tunda mabwat!”

2 Samwil 12:1

Taynguna, sinugu Panginuun si Purupita Natan tabug sa kan Dabid. Pagras-ug niya sa kan Dabid, magkun siya, “May duwa ka tawu mag-uli sa usa ka banwa. Kay usa mayaman ag kay usa pugri.

2 Samwil 5:11

Nagpasugu manga manugbarita si Hari Hiram taga Tiru atabug sa kan Dabid kaibahan ti manga manugpanday hanggan ti manugrunut batu, ag may dara sida manga pinlud kayu sidru hampay buwatun balay ni Dabid.

2 Samwil 6:17

Ipinauli nida ti Kaban Panginuun sa sulud turda sa ipinatindug ni Dabid para sa siyun. Bag-u nagpakaun siya sa Panginuun manga handug pagsunugun hanggan manga handug para sa mayad pag pakiusa.

2 Samwil 7:17

Itinultul ngani ni Natan sa kan Dabid ti tanan sinabi Diyus sa kanya.

1 Hari 1:22

Habang maghampang waya si Batsiba sa hari, rinmas-ug si Purupita Natan.

1 Hari 1:8

Dapat unman napabliwa sa kanya si Manug-asiwa Saduk hanggan si Binaya anak ni Hihuyada, katunda diman si Purupita Natan, ag si Simiy, hanggan si Riy, hanggan diman ti manga guwardiya ni Dabid.

1 Hari 4:5

Ti takinan manga gubirnadur sa buu daga Israil si Asariyas anak ni Natan. Kay sadili tagapayu hari si Manug-asiwa Sabud, anak diman ni Natan.

1 Hari 8:17

“Gustu gid niku ama ni Dabid mamatindug Balay Diyus para sa kadayawan Panginuun, ti Diyus Israil.

1 Krunika 14:1

Kainda nagpadara si Hari Hiram taga Tiru manga manugbarita kan Dabid kaibahan ti manga panday ag manga masun, hanggan ti manga pinlud kayu sidru, hampay patindugan si Dabid balay hari.

1 Krunika 16:1

Ipinauli nida ti Kaban Diyus sa sulud turda ipinatindug ni Dabid para sa inda pag Kaban. Bag-u nansagda sida sa Panginuun manga handug pag sunugun ag manga handug para sa mayad pag pakiusa.

1 Krunika 22:7

Magkun si Dabid kan Sulumun, “Anak, gustu mana niku pumatindug Balay Diyus para sa kadayawan Panginuun niku Diyus.

1 Krunika 29:29

Ti tultulanun tungkul sa maghari ni Hari Dabid, ginan sa umpisa tugka sa katapusan, nisurat sa manga libru manga purupita sida ni Samwil, Natan ag Gad.

2 Krunika 1:4

Ati katpung, naisalyu yi ni Dabid ti Kaban Kasunduan ginan sa Kiryat Harim atabug sa turda kay inalistu para siyun, ati sa Hirusalim.

2 Krunika 29:25

Pagkatapus, nagtigana si Isikyas manga Libita sa Balay Diyus Panginuun may manga simbals, manga alpa, ag manga lira. Inda angay sa sugu Panginuun sa kan Hari Dabid sa panab-anan ni Gad kay purupita ni Dabid ag kan Purupita Natan.

2 Krunika 9:29

Ti iba waya ka tultulanun tungkul sa maghari ni Sulumun ginan sa umpisa tugka sa katapusan nisurat sa ribru ni Purupita Natan, sa Manga Itinultul ni Ahiyas Taga Silu, ag sa Manga Pangakakitun ni Purupita Idu, magtultul diman tungkul sa kay maghari ni Hirubuam kay anak ni Nabat.

Kanta 132:2

Alalahana kay taratu sa kanmu, Panginuun, ti Makamaskihan pag Diyus ni Hakub. Nagtaratu siya kuntay,

Kanta 132:5

tugka sa makakit aku ulian para maulian Panginuun, ti Makamaskihan pag Diyus ni Hakub.”

Pag-ighit 40:21

Ipinaslud niya ti Kaban sa sulud Turda Tiripnan, ag isinab-it ti limbun hampay matakipan ti Kaban Kasunduan angay sa isinugu Panginuun sa kanya.

Hagay 1:4

Maagwanta aw niyu mangulian kamu sa mararinu pag manga balay dapat daut kang Balay Diyus?

Huwan 2:17

Bag-u naisipan niya manga tuludluan ti pagsabihun sa Banal Kasuratan magkun, “Diyus, kang magpahalaga sa kanmu balay ga apuy malabdaban sa kang tagipusuun.”

Binwat 7:46

Lubus pagbayaun Diyus si Dabid. Nakan nagpamuhun si Dabid sa Diyus hampay pumatindug mana siya balay para sa kanya, sa Diyus ngani ni Hakub.