2 Samwil 7:1 - Hanunuu

¹ Pagka nangulian si Hari Dabid sa kay balay hari, pinakan-an kahusayan Panginuun kay kaharian; unman siya paggirahun niya manga kalaban.

2 Samwil 7:1 Iomraidhean Croise

2 Samwil 5:11

Nagpasugu manga manugbarita si Hari Hiram taga Tiru atabug sa kan Dabid kaibahan ti manga manugpanday hanggan ti manugrunut batu, ag may dara sida manga pinlud kayu sidru hampay buwatun balay ni Dabid.

2 Samwil 6:23

Dahil siyun, unman nagkaanak si Mikul tugka sa namatay siya.

2 Samwil 7:11

ginan sa kang nagpauli manga takinan sa kang manga nasakupan Israilita. May kahusayan kanmu maghari ag unman yi may manga kalaban man-gira sa kanmu. Aku, ti Panginuun, magkumun sa kanmu pirmi humari ti usa sa kanmu manga linahi.

1 Hari 5:4

Dapat taynguna pinakan-an aku Panginuun niku Diyus kahusayan sa palibut; unman yi aku may kalaban ag unman yi waydi may kadilikaduhan.

1 Krunika 22:6

Bag-u ipinatawag ni Dabid kay anak si Sulumun ag isinugu hampay pumatindug Balay Diyus para sa Panginuun, ti Diyus Israil.

1 Krunika 22:7

Magkun si Dabid kan Sulumun, “Anak, gustu mana niku pumatindug Balay Diyus para sa kadayawan Panginuun niku Diyus.

1 Krunika 28:2

Pagka nagkatipun yi sida, nagtindug si Dabid ag magkun, “Patingihi niyu aku, manga patar-ari ag nasakupan niku. Gustu gid niku pumatindug Balay Diyus para paulian Kaban Kasunduan Panginuun kanta Diyus, para may tarat-an kay lulud. Ag nakagayak yi aku sa pagpatindug inda.

2 Krunika 14:6

Ag habang mahusay, pinaulian ni Asa manga alad batu ti manga banwa Huda. Unman may nanlaban sa kanya sa inda pag udas, dahil pinakan-an siya Panginuun kahusayan.

2 Krunika 20:30

Nakan may kahusayan ti kaharian ni Husapat dahil pinakan-an siya niya Diyus kahusayan sa kay palibut.

Kanta 132:5

tugka sa makakit aku ulian para maulian Panginuun, ti Makamaskihan pag Diyus ni Hakub.”

Kanta 18:1

Pagmahalun niku kawu, Panginuun. Kawu kang kabisugan.

Kabagawan 16:7

Nu pagbayaun Panginuun kanta ugali, una manga kalaban buwatun niya kaibahan nita.

Matiyu 25:16

Ti panawuhun nakatanggap lima ka libu susun yi linmakaw nan-nigusyu. Pagka dugay nakatubu siya lima waydi ka libu.

Binwat 7:46

Lubus pagbayaun Diyus si Dabid. Nakan nagpamuhun si Dabid sa Diyus hampay pumatindug mana siya balay para sa kanya, sa Diyus ngani ni Hakub.

Huswi 21:44

Pinakan-an sida Panginuun kapayapaan sa kanda manga kalaban sa sangput, angay sa itinaratu Panginuun sa kanda manga ginurang. Unman sida natalu nida manga kalaban dahil pinanalu sida Panginuun sa tanan nida kalaban.

Huswi 23:1

Sa kadugayun, pinakan-an Panginuun kaariwayahan ti Israil sa kanda manga kalaban sa sangput. Gurangun yi gid si Huswi,