2 Samwil 5:3 - Hanunuu

³ Nakan ati sa Hibrun, nagbuwat kasunduan si Dabid sa manga manugpamahala sa Israil sa atubangan Panginuun. Bag-u binuhusan nida lana ulibu kay ulu ni Dabid bilang pagkilala siya yi ngani ti hari Israil.

2 Samwil 5:3 Iomraidhean Croise

2 Samwil 2:4

Unman nagdugay, nag-ati ti manga takinan sa Huda sa Hibrun ag pinayidan lana ulibu kay ulu ni Dabid para kilalahun siya hari sa Huda. Pagka naalaman ni Dabid ti manga taga Habis Gilyad ti naglubung sa kan Saul,

2 Samwil 2:7

Taynguna, pagpakarig-un kamu ag pagmatutum kanyu naisipan una namatay yi kanyu hari si Saul. Aku waydi ti pinili manga taga Huda bilang kanda hari.”

2 Samwil 3:21

Magkun si Abnir sa kan Dabid, “Mahal Hari, pasnui duy nimu aku lumakaw hampay sabihan ti tanan nasakupan Israil kuntay awati kawu bilang hari. Sa panab-anan siyun, magkasundu kamu ag tanggapun nida kawu bilang hari. Bag-u humari yi kawu sa buu Israil, sa gustu nimu pag palakaw.” Nakan pinasnuan ni Dabid si Abnir linmakaw may kahusayan.

1 Hari 1:34

Nu rumas-ug kamu ati, Saduk hanggan si Natan, kamu ti humaplas lana ulibu sa ulu ni Sulumun sa pagpakakit siya ti pinili pag hari sa Israil. Bag-u patunuga niyu ti budyung pagringgit, ‘Mabuhi si Hari Sulumun!’

2 Hari 11:17

Ipinabwat ni Hihuyada ti hari hanggan ti manga tawu kasunduan sa Panginuun, agud sida nasakupan Panginuun. Katunda diman ti kasunduan tabug sa hari hanggan sa manga tawu.

1 Krunika 11:1

Nag-atag ti tanan Israilita kan Dabid sa Hibrun ag magkun, “Manga kadugu nimu kami.

1 Krunika 11:3

Nakan ati sa Hibrun, nagbuwat si Dabid kasunduan sa manga manugpamahala sa Israil sa atubangan Panginuun, ag pinayidan nida lana kay ulu ni Dabid sa pagpakakit kuntay siya yi ti hari Israil, angay sa itinaratu Panginuun sa panab-anan ni Samwil.

1 Krunika 28:4

Dapat una katida, pinili aku Panginuun, ti Diyus Israil, ginan sa buu nimi magtal-anakan bumaliw hari sa Israil tugka aban. Pinili niya ti lahi ni Huda bilang takinan pag linahi. Ginan sa inda pag linahi, pinili niya kang magtal-anakan, ginan sa kang magtal-anakan ikinabaya niya ti pagpili sa kangku bilang hari sa buu Israil.

2 Krunika 23:16

Nagbuwat kasunduan si Hihuyada kaibahan ti manga tawu hanggan ti hari kuntay sida nasakupan yi Panginuun.

Nihimyas 9:38

“Dahil siyun, kami pag manga Hudiyu nagbuwat usa ka marig-un pag kasunduan. Isinurat inda ag pinirmahan nimi manga takinan, manga manughandug, hanggan manga Libita.”

Pag-ighit 3:16

Bag-u magkun waya ti Panginuun sa kan Muysis, “Paglakaw yi kawu ag tipuna ti manga manugpamahala sa Israil bag-u sabiha nimu sa kanda, ‘Ti Panginuun, ti Diyus niyu ginurang, nida ni Abraham, ni Isaak, ag ni Hakub, napakakit sa kangku. Magkun siya: Pagbantayan gid niku kamu, ag nakitan niku ti pagbuwatun manga Ihipsiyu sa kanyu.

Huswi 10:36

Ginan sa Iglun, tinmukad si Huswi hanggan ti manga Israilita sa Hibrun bag-u ginira nida inda.

Talaghusay 11:11

Nakan kinmuyug si Hipti sa kanda, pinili siya manga taga Gilyad bilang kanda pinagka takinan ag kumandir. Bag-u ati sa Mispa, sa atubangan Panginuun, sinabi ni Hipti kay manga taratu bilang takinan.

1 Samwil 11:15

Nag-atag ngani sida tanan sa Gilgal, bag-u kanda ibinantala si Saul bilang hari sa atubangan Panginuun. Ati sida naghandug manga hayup para sa mayad pag pakiusa, ag nagkaimaw sida daka pag handaan.

1 Samwil 16:13

Nakan bin-ul ni Samwil ti lana ulibu ag pinayidan niya sa ulu si Dabid sa atubangan niya manga patar-ari. Tunda ginan pag sirang, pag-ulianan yi banal Ispiritu Panginuun si Dabid. Bag-u nuli waydi sa Rama si Samwil.

1 Samwil 23:18

Nagbuwat kasunduan sida duwa sa atubangan Panginuun. Bag-u nuli yi si Hunatan dapat napatayak di si Dabid sa Huris.