2 Samwil 4:12 - Hanunuu

¹² Nakan nagsugu si Dabid sa kay manga tawuhan kuntay matya sida ni Rikab ni Baana, ag sinunud ngani nida tunda. Pinlud nida ti kamang ag lulud magtar-arian, bag-u ibinitin kay bilug sa may arani tipunan danum sa Hibrun. Pagkatapus, bin-ul nida ti ulu ni Isbusit, ag ilinbung sa lulubngan ni Abnir sa Hibrun.

2 Samwil 4:12 Iomraidhean Croise

2 Samwil 1:15

Susun, tinawagan ni Dabid ti usa sa kay manga tawuhan ag sinugu, “Matya nimu inda pag tawu!” Nakan minatay ngani niya tawuhan ti kan-akan.

2 Samwil 16:8

Pagbalusan kawu Panginuun sa kanmu pagmatay sa kan Saul hanggan sa kay magtal-anakan. Bin-ul nimu kay karampatan, dapat taynguna, ipinakaun inda Panginuun sa kanmu anak sa kan Absalum. Natalu kawu dahil manugmatay tawu kawu!”

2 Samwil 2:8

Taynguna, ti kumandir manga sundalu ni Saul, si Abnir kay anak ni Nir nag-ati sa Mahanaim kaibahan si Isbusit kay anak ni Saul.

2 Samwil 21:9

Ipinakaun ni Dabid sida sa manga Gibyunita, ag pinanmatay sida pitu ati sa bantud arani sa rugar pagsambahan sa atubangan Panginuun. Pinabay-anan lang nida ati ti manga bangkay. Nangyari inda katpung mag-umpisa di waya ti aranihan sibada.

2 Samwil 3:32

Ilinbung si Abnir sa Hibrun, ag magngarugngug sa lumi si Hari Dabid ati sa kalubngan. Katunda diman ti mayamu tawu nanlubung maglumi ati.

Kanta 55:23

Dapat ti manga manugmatay hanggan ti manga magdaya iyamut niya sa ulian manga namatay, sa unman waya magbaligtunga kanda buhi. Dapat aku, sumarig sa Diyus.

Matiyu 7:2

Dahil pihuun kamu Diyus angay sa kanyu magpihu sa iba nu daut nu mayad. Kanyu gamitun pag panukat sa iba imaw diman pag panukat ti gamitun Diyus sa kanyu.