2 Samwil 4:11 - Hanunuu

¹¹ Taynguna, hintay pag pirimyu kang ipakaun sa daut pag manga tawu parihu sa kanyu magmatay sa tawu ud may binwat salan, sa kay gid ngap sadili ulian ag igyaan pag minatay niyu? Balaw aw dapat niku kamu matyun hampay madura yi kamu sa kalibutan?”

2 Samwil 4:11 Iomraidhean Croise

Gimpuunan 4:11

Dahil sa kanmu binwat, saadan niku kawu. Inda ginan balaw yi kawu mahimu magtanman sa daga imaw ti natuyungan dugu nimu ari kanmu minatay.

Gimpuunan 6:13

Nakan magkun siya sa kan Nuwi, “Rurisun niku ti tanan tawu. Dahil sa kanda, nangalat ti kadautan sa kalibutan. Rurisun niku sida kaibahan kalibutan.

Gimpuunan 7:23

Rinuris niya ti tanan tawu hanggan ti tanan manga hayup sa kalibutan. Si Nuwi lang hanggan kay manga kaibahan sa sulud barku ti unman namatay.

2 Samwil 16:8

Pagbalusan kawu Panginuun sa kanmu pagmatay sa kan Saul hanggan sa kay magtal-anakan. Bin-ul nimu kay karampatan, dapat taynguna, ipinakaun inda Panginuun sa kanmu anak sa kan Absalum. Natalu kawu dahil manugmatay tawu kawu!”

2 Samwil 3:27

Pagka ati yi si Abnir sa Hibrun, tinaban siya ni Huab atag sa may puwirtahan banwa ag nagpabalhingu para hampangun niya sida-sida lang duwa. Bag-u siyun pag hinandus ni Huab si Abnir sa tiyan bilang balus sa pagmatay ni Abnir sa kay patar-ari sa kan Asahil, ag namatay si Abnir.

2 Samwil 3:39

Una aku ti pinili hari kainda, unman niku kaya sida ni Huab ni Abisay pag manga anak ni Siruya. Mabisug man sida sa kangku. Nakan ti Panginuun yi lang ti bumalus sa tunda pag manga daut tawu dahil sa binwat nida daut.”

Kanta 9:12

Unman niya pagkalimtan ti magpaawat manga pag-unuunuhun; pagbalusan niya ti manga magpakuri sa kanda.

Pag-ighit 21:12

“Una si unu ti manakit ag makamatay tawu kailangan diman matyun.

Pag-ighit 9:15

Una kaybi waya, kaya yi kawu niku matyun hanggan kanmu nasakupan sa panab-anan manga panakitun, ag udyi mana kawu kainda.

Kabagawan 2:22

Dapat ti manga daut pag tawu ag maradaya palayasun. Pangayitun sida parihu sa manga ilamnun.

Kabagawan 25:26

Ti matadlung pag tawu nu magpaangay sa daut pag tawu parihu sa malubug pag bulbugan ngatay mauring pag bubun.

Hirimyas 10:11

Sabihun niyu sa manga magsamba sa tuhay pag diyus, “Kanyu manga diyus balaw naglalang langit ag daga pihu madura di sa kalibutan.”

Habakuk 1:12

Magkun si Habakuk, “Panginuun, kawu ti Diyus ginan sa kabag-u. Kawu kang banal pag Diyus ag unman kawu may kamatayan. Panginuun, palalan-iban pag batu, pinili nimu ti manga taga Babilunya hampay pumarusa sa kanmi.

Habakuk 1:4

Nakan nagbaliw unman may pulus ti kasuguan. Ag unman diman pag-ipatupad ti katadlungan dahil ti manga tawu may kasalanan imaw ti magpanalu sa atubangan husgadu balaw ti unman may kasalanan. Nakan nadura ti katadlungan.”

1 Huwan 3:12

Balaw parihu sa kan Kain. Sakup siya May Puun Kadautan nakan linibun niya kay ari. Nakan kan Kain linibun kay ari dahil matadlung ti buwat niya ari, kan Kain bay lunsay kadautan.