2 Samwil 3:3 - Hanunuu

³ Si Kilyab kay pangadwa, kay anak niya sa kan Abigil, kay buranday ni Nabal taga Karmilu. Si Absalum kay pangatlu, kay anak niya sa kan Maaka, kay anak ni Hari Talmay sa Gisur.

2 Samwil 3:3 Iomraidhean Croise

2 Samwil 13:1

Kay anak ni Dabid si Absalum may marinu patar-ari kay ngaran si Tamar. Taynguna, si Amnun, usa diman sa manga anak ni Dabid, magkaibug sa kan Tamar.

2 Samwil 14:23

Siyun ginan, nag-ati si Huab sa Gisur ag dinara si Absalum pabalik sa Hirusalim.

2 Samwil 14:24

Dapat isinugu hari, “Ati dap siya sa kay balay pag paulia. Dayu aku makitan siya sitay sa balay hari.” Nakan nuli ngani si Absalum sa kay sadili balay ag balaw yi siya napakakit sa hari.

2 Samwil 14:32

Sinmagut si Absalum, “Dahil unman kawu nagluwang ataytag katpung pag-ipaataytag niku kawu. Gustu mana niku pag-atag kawu sa hari ag paingan-a siya nu hayga ipinab-ul waya niya aku ati ginan sa Gisur. Mas mayad waya nu ati lang aku. Taynguna, gustu niku makitan ti hari; nu nagkasala aku, matya niya aku.”

2 Samwil 15:7

Pagkalawuy upat ka timpu, magkun si Absalum sa hari, “Pasnui duy nimu aku makaatag sa Hibrun hampay tupadun kang taratu sa Panginuun.

2 Samwil 15:8

Katpung mag-ulian waya aku sa Gisur sakup Aram, nangaku aku sa Panginuun nu pabalikun maan aku Panginuun sa Hirusalim, mansamba aku sa kanya sa Hibrun.”

2 Samwil 18:33

Nangirkirug si Dabid. Dinmayik siya sa sulud-sulud sa tungud puwirtahan banwa ag nanlumi. Habang magdayik siya, magkun siya, “Absalum, anak niku, aku yi lang mana ti namatay sa halip kawu. Absalum, anak niku, anak niku!”

2 Samwil 2:2

Nakan nag-atag ati si Dabid kaibahan kay duwa niya ka asawa si Ahinuam taga Hisriil ag si Abigil kay balu ni Nabal taga Karmilu.

1 Hari 1:6

Ginan sa kabag-u pagpabay-anan lang siya ni Dabid ag balaw siya pagtamyawun sa kay manga pagbuwatun. Makurasug gid si Aduniyas imaw kay sunud sa kan Absalum kay patar-ari.

1 Hari 2:15

Nagsagut si Aduniyas, “Alam nimu aku yi mana ti hari, ag pag-alagdun inda buu Israil. Dapat tuhay ti nangyari; kang patar-ari imaw ti nagbaliw hari, dahil imaw inda ti kagustuhan Panginuun.

1 Krunika 3:1

Inda kay manga anak lalaki ni Dabid iinanak sa Hibrun: Kay panganay si Amnun anak niya sa kan Ahinuam taga Hisriil. Kay ikadwa si Danyil anak niya sa kan Abigil taga Karmilu.

1 Krunika 3:2

Kay ikatlu si Absalum anak niya sa kan Maaka anak ni Hari Talmay sa Gisur. Kay ikap-at si Aduniyas anak niya sa kan Hagit.

Diyuturunumiyu 3:14

Si Hair ginan sa lahi ni Manasis, ti may apu buu Argub sakup Basan tugka sa katugkaan daga manga Gisuriyu ag manga Maakatiyu. Inda pag sakup daga pinaingarnan ni Hair niya sadili ngaran, nakan tugka taynguna, ti Basan pag-ingarnan ‘Manga Banwa ni Hair.’

Huswi 13:13

Dapat unman natabug manga Israilita ti manga Gisuriyu ag manga Maakiyu, nakan mag-ulian sida kaibahan ti manga Israilita kainda tugka.

1 Samwil 25:3

Kay ngaran inda pag tawu si Nabal ginan sa lahi ni Kalib. Kay asawa niya si Abigil. Madunung ag marinu si Abigil dapat si Nabal maisug ag daut kay ugali.

1 Samwil 25:42

Madaldali sinmakay si Abigil sa asnu kinmuyug sa manga manugbarita ni Dabid. Kaibahan niya kay lima ka suruguun babayi ag inasawa siya ni Dabid.

1 Samwil 27:8

Ati katpung ginira ni Dabid hanggan niya manga tawuhan ti manga Gisuriyu, Gisrita ag Amalikita. Ginan di waya kaybi inda pag manga tawu mag-ulian yi sa rugar arani sa may Sur atabug sa may Ihiptu.