2 Samwil 21:3 - Hanunuu

³ ag pinaingana, “Hintay kang buwatun sa kanyu hampay mabayadan ti binwat kasalanan ni Saul sa kanyu, ag hampay papaladan niyu ti nasakupan Panginuun?”

2 Samwil 21:3 Iomraidhean Croise

2 Samwil 20:19

Usa duy aku sa manga magsarig pumarargu ti kahusayan sa Israil. Dapat kawu, hayga pagpilitun nimu wasakun ti usa sa manga magpanguna pag banwa sa Israil? Hayga gustu niyu wasakun ti magkaapu Panginuun pag banwa?”

Pag-ighit 32:30

Pagka sa dumasun pag sirang, magkun si Muysis sa manga tawu, “Nakabuwat kamu daka pag kasalanan. Dapat tumukad aku taynguna sa bantud, ati sa Panginuun; barang maawatan niku kamu maipatawad kanyu kasalanan.”

Libitiku 1:4

Ikupa niya kay kamang sa kay pag-ihandug ulu baka, ag tanggapun inda Panginuun hampay malukat siya sa kay manga kasalanan.

Hunas 1:11

Pagka inmamat binmaskug ti bagyu, magkun ti manga manugpasigu sa barku tag sa kan Hunas, “Hintay kanmi buwatun sa kanmu hampay humubung ti dagat ag balaw kami maunu?”

Hibriyu 9:22

Angay sa Kasuguan harus ngani ti tanan bagay paglumpiyuhun sa dugu, ag nu unman may nabuhus dugu, unman waydi may kapatawadan sa kasalanan.

1 Samwil 2:25

Magkun waya gid si Ili, “Nu ti usa ka tawu magkasala laban sa kay kaparihu, mahimu ti Diyus di ti manab-anan sa kanda. Dapat nu ti usa ka tawu magbuwat kasalanan laban sa Panginuun, si unu waya ti manab-anan sa kanda?” Dapat madi katida kay tamyaw nida ama, unman diman naniwala sa kanya kay manga anak, dahil paggayakun yi Panginuun matyun sida.

1 Samwil 26:19

Mahal Hari, patingihi nimu kang sabihun. Nu ti Panginuun ti nag-udyuk sa kanyu hampay matyun aku, tanggapun mana niya kang handug para sa kapatawadan. Dapat nu ginan lang inda sa tawu, saadan mana sida Panginuun. Dahil pinalayas nida aku sa magkaapu Panginuun pag daga ag sinabihan pagsamba sa iba ka diyus.