2 Samwil 2:9 - Hanunuu

⁹ Ati pag ipinakilala niya hari sa buu Israil si Isbusit, kaibahan yi sitay ti manga rugar Gilyad, Asuri, Hisriil, Ipraim hanggan Binhamin.

2 Samwil 2:9 Iomraidhean Croise

Gimpuunan 30:13

Magkun si Liya, “Masulung gid aku! Taynguna ingarnan aku manga babayi masulung.” Nakan pinangaranan niya Asir ti lapsag.

2 Samwil 2:10

Si Isbusit 40 ka timpu yi kay idad katpung naghari siya sa Israil, naghari siya sa sulud duwa ka timpu. Si Dabid waydi ti pagkilalan-un pag hari manga taga Huda,

2 Samwil 3:6

Habang parargu ti labanan manga magpakampi sa kan Saul hanggan manga magpakampi sa kan Dabid, si Abnir nagmakapangyarihan pag takinan manga magpakampi sa kan Saul.

1 Krunika 12:29

Ginan sa lahi ni Binhamin pag manga katawuhan ni Saul: 3,000 ka sundalu. Sa manga lahi ni Binhamin parargu magkampi kan Saul.

1 Krunika 12:30

Ginan sa lahi ni Ipraim: 20,800 ka maisug pag manga sundalu ag bantug sa kanda manga magtal-anakan.

Kanta 108:8

Kangku ti Gilyad hanggan ti Manasis. Ti Ipraim ga kang pinagka kalu baul, ag ti Huda kang pinagka sugkud hari.

Huswi 16:5

Inda ti bahagi lahi ni Ipraim angay sa hinuray sa kada magtal-anakan: kay katugkaan inda sa butlakan ginan sa Atarut Adar ag atabug sa babaw baliwa Bit Hurun

Huswi 16:8

Ginan sa Tapwa, kay katugkaan atabug sa isalpan, bag-u maglawuy sa Luung Kana tugka sa Dagat Miditiranyu. Imaw inda ti daga ipinakaun sa lahi ni Ipraim hinuray angay sa kada magtal-anakan.

Huswi 16:9

Kaibahan sitay ti iba ka manga banwa ag manga baryu sakup daga manga lahi ni Manasis.

Huswi 17:1

May ipinakaun diman daga para sa katunga lahi ni Manasis kay panganay pag anak ni Husi. Ti Gilyad ag ti Basan sa butlakan Sapa Hurdan ipinakaun yi sa magtal-anakan ni Makir dahil mayad sida pag sundalu. (Si Makir kay ama ni Gilyad imaw ti panganay pag anak ni Manasis.)

Huswi 18:11

Ti un-an pag bahagi daga niatag sa lahi ni Binhamin. Ati inda sa tab-anan manga daga ipinakaun kaybi sa lahi ni Huda ag sa manga lahi ni Husi.

Huswi 18:20

Ti Sapa Hurdan imaw kay katugkaan sa butlakan baliwa. Imaw inda ti manga katugkaan daga natanggap lahi ni Binhamin angay sa kada magtal-anakan.

Huswi 19:18

Inda ti manga banwa sakup nida: Hisriil, Kisulut, Sunim,

Huswi 22:9

Ag rargu nuli ti manga nasakupan lahi ni Rubin, ni Gad, ag katunga lahi ni Manasis. Tinayakan nida kanda kaparihu manga Israilita sa Silu, sa daga Kanaan, bag-u nagbalik sa Gilyad sa kanda kabahagi pag daga angay sa isinugu Panginuun sa panab-anan ni Muysis.

Talaghusay 1:32

Nakan parargu inda pag manga Kananiyu mag-ulian ati kaibahan nida.

1 Samwil 29:1

Tinipun manga Pilistiyu ti tanan sundalu nida sa Apik, ti manga Israilita waydi kinmampu sa may bulbugan Hisriil.