2 Samwil 2:8 - Hanunuu

⁸ Taynguna, ti kumandir manga sundalu ni Saul, si Abnir kay anak ni Nir nag-ati sa Mahanaim kaibahan si Isbusit kay anak ni Saul.

2 Samwil 2:8 Iomraidhean Croise

Gimpuunan 32:2

Igu nakitan sida ni Hakub, magkun siya, “Manga sundalu inda Diyus.” Nakan iningarnan niya Mahanaim tunda pag rugar.

Gimpuunan 32:3

May manga sinugu si Hakub pag-una sa kanya hampay manpakabta sa kay patar-ari, sa kan Isaw ati sa daga Siir, ti pag-ingarnan diman Idum pag rugar.

2 Samwil 17:24

Rinmas-ug yi sida ni Dabid hanggan kay manga tawuhan sa Mahanaim katpung dinmipay si Absalum hanggan kay manga tawuhan sa Sapa Hurdan.

2 Samwil 2:29

Buu yabi naglakaw si Abnir hanggan kay manga tawuhan sa Karatagan Hurdan. Nagdipay sida sa Sapa Hurdan ag parargu naglakaw hanggan magkasurip tugka sa nakaras-ug sida sa Mahanaim.

2 Samwil 2:7

Taynguna, pagpakarig-un kamu ag pagmatutum kanyu naisipan una namatay yi kanyu hari si Saul. Aku waydi ti pinili manga taga Huda bilang kanda hari.”

2 Samwil 3:38

Bag-u magkun si Dabid sa kay manga tawuhan, “Unman aw niyu magkaisip namatay ti usa ka makapangyarihan pag takinan Israil taynguna pag sirang?

2 Samwil 3:6

Habang parargu ti labanan manga magpakampi sa kan Saul hanggan manga magpakampi sa kan Dabid, si Abnir nagmakapangyarihan pag takinan manga magpakampi sa kan Saul.

1 Krunika 12:29

Ginan sa lahi ni Binhamin pag manga katawuhan ni Saul: 3,000 ka sundalu. Sa manga lahi ni Binhamin parargu magkampi kan Saul.

1 Krunika 12:30

Ginan sa lahi ni Ipraim: 20,800 ka maisug pag manga sundalu ag bantug sa kanda manga magtal-anakan.

1 Krunika 8:33

Si Nir kay ama ni Kis, si Kis kay ama ni Saul, ag si Saul kay ama nida ni Hunatan, ni Malkisuwa, ni Abinadab, ag ni Isbaal.

1 Krunika 9:39

Si Nir kay ama ni Kis, si Kis kay ama ni Saul, ag si Saul kay ama nida ni Hunatan, Malkisuwa, Abinadab, ag Isbaal.

Huswi 21:38

Pinakan-an waya gid sida upat ka banwa ginan sa daga lahi ni Gad. Inda ti Ramut sa Gilyad (usa sa manga banwa darangpan, nu naan pag makapatagu ti tawu nakamatay balaw niya sinadya), ti Mahanaim, Hisbun, ag Hasir, kaibahan kanda manga paraharaban.

1 Samwil 14:50

Kay asawa ni Saul si Ahinuam kay anak ni Ahimaas. Ti kumandir niya manga sundalu kay pinsan, si Abnir, anak niya bapa ni Nir.

1 Samwil 17:55

Ati katpung pagka nakitan ni Saul si Dabid magpakarani sa kan Gulyat hampay lumaban, pinaingana ni Saul si Abnir imaw ti kumandir manga sundalu, “Kantapu duy pag anak kan-akan tunda?” Sinmagut si Abnir, “Unman niku alam, Mahal Hari.”

1 Samwil 26:14

Nagringgit si Dabid sa kan Abnir hanggan sa kay manga kaibahan sundalu magkun, “Abnir, mag-adnugan aw nimu aku?” Sinmagut si Abnir, “Si unu kawu? Unu kanmu kailangan sa hari?”