Linibang siya niya tanan manga anak, dapat imaw diman gid kay magpanrukuan. Magkun siya, “Pabay-ani yi lang niyu aku! Mamatay aku magpanhimanglaw dahil sa pagkamatay niku anak.” Ag parargu siya maglumi dahil sa kan Husi.
Dapat sinmagut ti tawuhan, “Una pakan-an waya nimu aku 1,000 bilug pilak, balaw duy niku matyun ti anak hari. Nasaydan nimi ti sugu hari sa kanmu, sa kan Abisay hanggan sa kan Itay, kuntay danga niyu pagsakti si Absalum pag kan-akan para sa kanya.
Magkun si Huab, “Mag-uyang lang aku udas sa kanmu!” Bag-u nagbuul siya tulu ka bangkaw ag inatag si Absalum buhi waya mabitinan sa puun kayu insina. Bag-u hinarug niya bangkaw sa dubdub si Absalum.
Nangirkirug si Dabid. Dinmayik siya sa sulud-sulud sa tungud puwirtahan banwa ag nanlumi. Habang magdayik siya, magkun siya, “Absalum, anak niku, aku yi lang mana ti namatay sa halip kawu. Absalum, anak niku, anak niku!”
Nagsugu si Hari Dabid sa kanda ni Huab, ni Abisay ag ni Itay, “Ungud duy para sa kangku, danga niyu pagsakti si Absalum pag kan-akan.” Nasaydan tanan gurupu tunda pag sugu ni Dabid sa manga kumandir niya.
“Pakan-an niku ispiritu maawaun ag maradarangin ti manga linahi ni Dabid hanggan ti manga taga Hirusalim. Bantayan nida aku kanda binunu, ag manlumi sida parihu sa gurang maglumi sa pagkamatay nida bugtung anak ngatay anak panganay.