2 Samwil 16:3 - Hanunuu

³ Nagpaingana si Dabid, “Naan yi si Mipibusit, ti laki nimu amu ni Saul?” Sinmagut si Siyba, “Napatayak duy siya sa Hirusalim, dahil kay isip buwatun siya hari taynguna manga Israilita sa kaharian niya laki ni Saul.”

2 Samwil 16:3 Iomraidhean Croise

2 Samwil 16:4

Magkun si Dabid, “Nu katida, pag-ipakaun yi niku taynguna sa kanmu ti tanan kasiyunan ni Mipibusit.” Magkun si Siyba, “Mahal Hari, alistu duy aku sumunud sa kanmu. Pagmasulung mana kawu sa kangku.”

Kanta 101:5

Rurisun niku una si unu ti magpuya sa kay kaparihu. Balaw niku pasnuan ti manga buwat manga padayaw-dayaw hanggan palabi-labihun.

Kanta 15:3

Unman siya maglibak sa iba, unman siya magbuwat ngatay magbagaw daut sa kay kaparihu.

Kanta 88:18

Ipinakarayu nimu sa kangku kang manga pagmahalun ag manga kakilala; ti kadudulman imaw wadi kang kaibahan.

Pag-ighit 20:16

“Danga kamu magkastigus balaw tutuu sa kanyu kaparihu.

Kabagawan 1:19

Katunda ngani ti patabgan manga tawu mag-apu kasiyunan sa daut pag paraan. Mamatay sida sa katunda pag buruwatun.

Kabagawan 21:28

Ti pudilun pag kastigus balaw yi pagpabagawun, dapat ti magsabi kay tutuu pag kastigus parargu di pabagawun.

Mikas 7:5

“Dahil sa lantap yi ti kadautan, danga yi kamu magpaniwala sa kanyu kaparihu una sa kanyu kakilala. Pagdahan kamu sa kanyu pagsabihun sa iba una sa kanyu pagmahalun pag asawa.

Hudas 1:11

Madala gid kanda patabgan dahil naghuwad sida sa kay ugali ni Kain. Parihu sa kan Balaam sinukmahan nida ti kadautan basta may matanggap sida kuwarta. Parihu ga kan Kura, sa kanda maglaban sida midamhak aban.