2 Samwil 16:1 - Hanunuu

¹ Nakalawuy lang diit si Dabid sa katayungtungan bantud igu nasulang niya si Siyba kay suruguun ni Mipibusit. May duwa siya ka asnu may karga 200 tinapay, 100 akup pinauga ubas, 100 bilug lutu pag burak kayu, ag intus ubas maulian sa paknul pag sukadan.

2 Samwil 16:1 Iomraidhean Croise

2 Samwil 15:30

Maglumi magtukad si Dabid sa Bantud Ulibu. Unman siya may lapak maglakaw, ag may talukmung kay ulu dahil sa kay karukuan. May talukmung diman kay manga kaibahan ag maglumi habang magtukad.

2 Samwil 15:32

Pagka rinmas-ug sida ni Dabid sa katayungtungan Bantud Ulibu, nu naan pagsambahun ti Diyus, sinulang siya ni Husay usa ka Arkiyu. Gitas kay rutay ag may dapug kay ulu bilang pagpanruku.

2 Samwil 19:17

May kaibahan siya 1,000 Binhaminita, kaibahan yi siyun si Siyba ti suruguun magtal-anakan ni Saul, ag kay 15 niya ka anak lalaki hanggan 20 ka suruguun. Nagdaldali gid sida sa pagsulang sa kan Dabid sa Sapa Hurdan.

2 Samwil 19:32

Gurangun yi si Barsilay; 80 yi ka timpu kay idad. Mayaman siya, ag siya ti nagpakaun manga pangailangan ni Dabid katpung ati waya siya pag mag-uli sa Mahanaim.

1 Krunika 12:40

Nagdara waydi karan-unun kanda manga kadugu ginan waya sa arayu pag rugar sa Isakar, Sabulun, ag Niptali. Ikinarga nida inda sa manga asnu, manga kamilyu, manga mula, ag manga baka. Mayamu kanda manga arina, manga pinkul igus, ubas, intus, lana, baka, ag karanidu. Magbaya gid ti tanan Israil.

Kabagawan 18:16

Madali kawu makapakarani sa makapangyarihan pag tawu nu may dara kawu pamakaun sa kanya.

Hirimyas 40:10

Mamirmaminti aku sitay sa Mispa hampay umatubang sa manga taga Babilunya para sa kanyu nu rumas-ug sida sitay. Mangulian kamu una naan pag rugar kanyu gustu, anihun niyu ti manga ubas, manga ulibu, ag ti iba waya pag manga burak kayu, ag hamnuun niyu sa manga sukadan.”

Hirimyas 40:12

Nakan binmalik sida sa Huda ginan sa tuhay-tuhay pag rugar nida inatagan ag nag-atag sida kan Gidalyas sa Mispa. Bag-u namuul sida manga ubas ag iba waya manga burak kayu.

Amus 8:1

Inda ti ipinakakit Panginuun Diyus sa kangku: Nakitan niku ti usa ka balulang may sukad manga burak kayu lutu.

Mikas 7:1

Magkun si Mikas, “Kaawaawa aku! Ga tawu aku magkalun-us maghanap manga nasawad burak ubas ngatay igus dapat ay unman aku may nakitan una di usa.

1 Samwil 10:3

“Bag-u parargu kanmu lakaw siyun ginan ag rumas-ug kawu sa may daka puun kayu sa Tabur. Masulang nimu ati ti tulu ka lalaki atabug sa Bitil hampay mansamba sa Diyus. Kay usa sa kanda may dara tulu ka anak kambing, kay usa may dara tulu ka tinapay ag kay usa waya gid may dara bilugan paknul kay sukad intus.

1 Samwil 16:20

Nakan pinaati ngani ni Isai si Dabid sa kan Saul, may manga dara siya manga pamakaun: usa ka asnu may karga tinapay, usa ka paknul punu irinmun, ag usa ka anak kambing.

1 Samwil 25:18

Balaw gid nagpadugay si Abigil. Nagpab-ul siya 200 tinapay, 2 ka paknul punu irinmun, lima ka iniyaw karanidu, usa ka saku sinanglay butir, 100 ka akup pinauga ubas, ag 200 akup pinauga igus. Bag-u kay ikinarga inda sa manga asnu,