2 Samwil 13:3 - Hanunuu

³ May kakilala mahangal-hangal si Amnun kay ngaran si Hunadab. Anak siya patar-ari ni Dabid si Simya.

2 Samwil 13:3 Iomraidhean Croise

Gimpuunan 3:1

Sa tanan pag hayup linalang Panginuun Diyus, ti ulay ti pinakamadaya. Ati katpung, nagpaingana ti ulay sa babayi, “Ungud aw duy pag-irangan kamu Diyus magkaun una hintay pag burak kayu sa halamanan?”

Gimpuunan 38:1

Ati katpung, napablag si Huda sa kay manga patar-ari ag nangulian kaibahan ni Hira taga Adulam.

Gimpuunan 38:20

Udwaya dugay, ipinatibu ni Huda ti kambing sa kakilala niya sa kan Hira taga Adulam hampay bul-un ti ipinakaun niya pag manga bagay sa babayi bilang garantiya, dapat unman niya siya nakitan.

2 Samwil 13:2

Dapat unman niya magkabwat kay gustu buwatun sa kan Tamar dahil daraga waya inda ag pirmi may manugbantay. Dahil siyun, nagtuhay kay buut hanggan di sa nasakit siya.

2 Samwil 13:32

Dapat magkun si Hunadab, kay anak niya patar-ari ni Simya, “Mahal Hari, unman duy namatay ti tanan nimu anak nu unman si Amnun lang duy. Dugay yi duy pag gayak ni Absalum kay matyun si Amnun ginan waya katpung inulid ni Amnun kay patar-ari si Tamar.

2 Samwil 13:4

Usa ka sirang, nagpaingana siya sa kan Amnun, “Anak kawu hari, dapat hayga sirang-sirang niku kawu mag-akitan maruku? Tultulan duy sa kangku nu hintay kanmu mag-asaydan.” Magkun si Amnun sa kanya, “Magkaibug duy aku sa kan Tamar, kay patar-ari ni Absalum, patar-ari diman niku sa ama.”

2 Samwil 14:2

Nakan nagpabuul siya usa ka babayi madunung ginan sa Tikwa. Pagka rinmas-ug ti babayi, magkun si Huab sa kanya, “Pagpabalhinguun kawu magkaruku. Pagsulung kawu rutay panruku ag danga kawu magpayid mabanglu pag lana. Basta pag ga usa kawu ka tawu magpanrukuan dugay.

2 Samwil 21:21

Pagka pagpuyaan niya ti manga Israilita, minatay siya ni Hunatan kay anak patar-ari ni Dabid si Simya.

1 Krunika 2:13

Kay anak panganay ni Isai si Ilyab, kay ikadwa si Abinadab, kay ikatlu si Simya,

1 Krunika 27:32

Si Hunatan kay bapa ni Hari Dabid imaw kay manugpaanyu. Usa siya ka matinudukun pag tawu ag manugsurat. Si Hiyil anak ni Hakmuni imaw ti manugtudlu sa manga anak hari.

Istir 5:10

Madi katida pinigil di niya kay galit ag rargu yi nuli sa kay balay. Pagras-ug niya sa kay balay, tinawag niya kay manga kakilala hanggan kay asawa si Siris.

Istir 5:14

Magkun sa kanya kay asawa hanggan kay manga kakilala, “Hayga kawu unman magbuwat matarum pag kayu, 50 ka luk-an siku kay abwat. Bag-u aldaw surip, hilingun nimu sa hari kuntay tuhugan siyun si Murdukyu hampay makabaya kawu kaibahan ti hari sa inalistu pag yapun.” Nagustuhan inda ni Haman nakan rargu kay ipinabwat tunda.

Istir 6:13

Pagka rinmas-ug siya sa kay balay, itinultul niya sa kay asawa sa kan Siris hanggan sa kay manga kakilala ti tanan nangyari. Magkun kay asawa sa kanya hanggan kay manga manugpatigayun pag kakilala, “Amat-amat kawu magkatalu ni Murdukyu. Dayu nimu siya matalu dahil usa siya ka Hudiyu. Pihu gid matalu di kawu.”

Kabagawan 19:6

Mayamu ti magpakarani sa manga tawu kilala hampay mayadun sida, ag ti kada usa maki-upud sa manga maraayaw pag kakilala.

Hirimyas 4:22

Magkun ti Panginuun, “busal ti manga nasakupan niku; unman nida aku magkakilala. Sida manga kurang-kurang pag kalay-awan ag unman makaintindi. Anad sida magbuwat daut, dapat unman madunung magbuwat mayad.”

1 Kurintu 3:19

Dahil ti kadunungan kalibutan bukun ngap kadunungan nu sa Diyus. Dahil nisurat sa Banal Kasuratan magkun, “Pagpasalanun Diyus ti manga madunung sa kanda sadili pagdaya.”

Santiyagu 3:15

Ti katida pag kadunungan balaw ginan sa Diyus, nu unman taga sitay sa babaw daga, angay sa ikaayad lang sadili bilug ag ginan ngap sa manga labang.

Talaghusay 14:20

Kay asawa ni Samsun ipinaasawa sa pinakaun-an pag abay lalaki sa kanda kasal.

1 Samwil 16:11

Nagpaingana si Samwil sa kan Isai magkun, “Sida lang aw duy tanan kanmu anak?” Sinmagut si Isai, “May imaw waya duy, kay arian, dapat mag-alaga di siya manga karanidu.” Magkun si Samwil, “Pabul-an duy nimu siya. Balaw kita makaparargu sa kanta buruwatun tugka sa unman siya magras-ug.”

1 Samwil 16:9

Bag-u ipinaatag diman ni Isai si Sama sa kan Samwil, dapat sinabi ni Samwil, “Balaw diman siya ti pinili Panginuun.”