2 Samwil 10:8 - Hanunuu

⁸ Napauli ti manga Amunita sa puwirtahan nida banwa, habang ti manga Aramiyu waydi ginan sa Suba ag Rihub kaibahan ti manga sundalu ginan sa Tub hanggan Maaka ati sa karatagan pag maulian.

2 Samwil 10:8 Iomraidhean Croise

2 Samwil 10:6

Naisipan manga Amunita kanda ginalit si Dabid, nakan nan-upa sida 20,000 sundalu Aramiyu ginan sa Bit Rihub hanggan Suba, bag-u 1,000 sundalu ginan sa hari Maaka, ag 12,000 sundalu ginan sa Tub.

2 Samwil 10:7

Pagka nasaydan tunda ni Dabid, ipinadara niya si Huab hanggan ti tanan niya sundalu hampay manlaban.

2 Samwil 10:9

Pagka nakitan ni Huab may manga kalaban sa sarangwan hanggan sa aday-an, nagpili siya manga anad pag sundalu Israil, bag-u pinangunahan niya sida sa maglaban sa manga Aramiyu.

2 Samwil 23:34

si Ilipilit kay anak ni Ahasbai taga Maaka; si Ilyam kay anak ni Ahitupil taga Gilu;

1 Hari 11:24

siya ti takinan manga tinipun niya maralaban. Pagka natalu ni Dabid ti manga sundalu ni Hadadisir, nag-atag si Risun hanggan kay manga tawuhan sa Damasku. Sinakup nida inda pag rugar ag ati sida pag nangulian.

1 Krunika 19:7

Ti kayamuun manga kalisa ag manga manugkalisa 32,000. Kinmuyug diman sa kanda ti hari Maaka ag kay manga sundalu. Nagkampu inda pag manga gurupu arani sa Midiba. Linmuwang waydi ti manga Amunita sa kanda manga banwa ag nag-alistu sa paglaban.

1 Krunika 19:9

Nanharatayan ti manga Amunita sa paglaban sa may sabian nida banwa, hanggan ti manga hari kinmuyug sa kanda nanharatayan diman sa karatagan.

Hirimyas 40:8

Nakan nag-atag inda pag manga takinan sa kan Gidalyas ati sa Mispa. Inda pag manga takinan sida ni Ismail kay anak ni Nitanyas, si Huhanan ag si Hunatan kay manga anak ni Karya, si Siraya kay anak ni Tanhumit, ti manga anak ni Ipay taga Nitupa, ag si Haasanyas ti anak taga Maaka. Kinmuyug sa kanda ti manga tawuhan nida.

Bilang 13:21

Nakan linmakaw ngani sida ag binantayan nida ti daga umpisa sa pangawakawaan Sin tugka sa Rihub arani sa Libu Hamat.

Huswi 19:28

Ibrun, Rihub, Hamun, Kana ag tugka sa Daka Sidun.

Talaghusay 1:31

Unman diman pinalayas lahi ni Asir ti manga mag-ulian sa Aku, Sidun, Aksib, Hilba, Apik, ag Rihub.

Talaghusay 11:3

Nakan inmighit si Hipti ginan sa kanda ag nangulian sa Tub, nu naan nagkuyug sa kanya ti usa ka gurupu manga tawu unman may pulus kanda manga pagbuwatun.

Talaghusay 11:5

Dahil siyun, ipinab-ul manga manugpamahala Gilyad si Hipti ati sa Tub.