2 Samwil 10:5 - Hanunuu

⁵ Magkay-a gid sida nuli dahil sa kanda uyahun. Pagka nabaritaan ni Dabid ti nangyari, namadara siya manga manugbarita hampay sabihun sa kay manga takinan pag-ati dap sida sa Hiriku tugka sa tumubu kanda manga bungut. Bag-u mahimu yi sida makabalik.

2 Samwil 10:5 Iomraidhean Croise

2 Samwil 10:4

Nakan ipinadakup ni Hanun ti manga takinan ni Dabid, inuguy kanda katunga bungut, bag-u tinunga kanda manga rutay ginan sa awak tugka sa raprapa ag pinauli sida.

2 Samwil 10:6

Naisipan manga Amunita kanda ginalit si Dabid, nakan nan-upa sida 20,000 sundalu Aramiyu ginan sa Bit Rihub hanggan Suba, bag-u 1,000 sundalu ginan sa hari Maaka, ag 12,000 sundalu ginan sa Tub.

1 Hari 16:34

Pagka sa panahun maghari ni Akab, ipinatindug maan ni Hiyil taga Bitil ti Hiriku. Habang pag-ipatindug niya kay manga paratukawan inda, namatay kay anak panganay si Abiram. Ag habang pag ipabuwat maan niya kay sabian inda, namatay kay kap-usan niya pag anak si Sigub. Nangyari inda tanan angay sa sinabi Panginuun sa panab-anan ni Huswi kay anak ni Nun.

1 Krunika 19:5

Magkay-a gid sida muli. Pagka nabaritaan ni Dabid ti nangyari sa kay manga tawuhan, nagpadara siya manga manugbarita hampay sabihan kay manga tawuhan kuntay pumirmaminti lang dapu sida sa Hiriku tugka sa tumubu kanda manga bungut, ag rargu makauli yi sida.

Huswi 6:1

Tinalakpan gid mayad manga mag-uli ati ti sabian Hiriku dahil sa manga Israilita. Unman may makasulud ngatay makaluwas manga tawu sa banwa.