2 Samwil 1:8 - Hanunuu

⁸ Pinaingana niya nu si unu lugud aku. Sinmagut aku, usa duy aku ka Amalikita.

2 Samwil 1:8 Iomraidhean Croise

Gimpuunan 14:7

Siyun ginan, binmalik sida ag nakaras-ug sa In Mispat pag ingarnan Kadis taynguna. Ag nasakup nida ti tanan daga manga Amalikita hanggan manga Amuriyu mag-uli sa Hasasun Tamar.

2 Samwil 1:13

Nagpaingana waya gid si Dabid sa kan-akan nagbarita sa kanya, “Taga naan kawu?” Sinmagut siya, “Usa duy aku ka day-uhan Amalikita mag-uli sa kanyu daga.”

2 Samwil 1:7

Pagka napalisud siya, nakitan niya aku bag-u kay tinawagan. Sinmagut aku, ‘Unu duy ti miawat niku?’

2 Samwil 1:9

Susun, nagpakihampang siya sa kangku, ‘Abala kawu sa kang arani ag matya nimu aku, dahil magkakurian yi gid aku sa kang kahamtangan.’

Bilang 24:20

Bag-u nakitan ni Balaam sa kay pangakakitun ti nasakupan Amalik ag magkun siya: “Ti Amalik kaybi imaw tig panguna sa manga nasyun, dapat aban sa uryan maruris sida.”

1 Samwil 15:3

Nakan taynguna, giraha niyu ti manga Amalikita. Rurisa niyu lubus ti tanan ati. Matyun niyu sida tanan, manga lalaki, babayi, anak ag manga lapsag, hanggan yi kanda manga baka, karanidu, kambing, kamilyu ag manga asnu.’ ”

1 Samwil 27:8

Ati katpung ginira ni Dabid hanggan niya manga tawuhan ti manga Gisuriyu, Gisrita ag Amalikita. Ginan di waya kaybi inda pag manga tawu mag-ulian yi sa rugar arani sa may Sur atabug sa may Ihiptu.

1 Samwil 30:1

Pagka sa ikatlu pag sirang, nakaras-ug si Dabid hanggan kay manga tawuhan sa Siklag. Pagka ati naalaman nida ginira manga Amalikita ti Nigib, kaibahan yi ti Siklag. Sinunug nida ti Siklag

1 Samwil 30:13

Pinaingana siya ni Dabid, “Si unu kanmu amu? Taga naan kawu?” Sinmagut siya, “Usa duy aku ka Ihipsiyu, ag suruguun usa ka Amalikita. Pinabay-anan duy aku niku amu, dahil may sakit aku katpung manga nakalawuy tulu ka sirang.

1 Samwil 30:17

Ginira ni Dabid hanggan niya manga tawuhan sida, ginan sa mag-isalup init tugka waya sa sunud pag yabi. Unman nakapalagiw ti manga Amalikita, purya sa 400 kalay-awan lalaki sinmakay sa kamilyu ag nalagiw.