2 Samwil 1:2 - Hanunuu

² Pagka sa ikatlu pag sirang, may tawu rinmas-ug sa Siklag ginan sa kampu ni Saul, gitas kay rutay ag may manga galbuk kay ulu bilang pagpakakit karukuan. Nag-ati siya sa kan Dabid ag nagyuk-ub sa kay atubangan bilang paggalang.

2 Samwil 1:2 Iomraidhean Croise

Gimpuunan 22:4

Pagka sa ikatlu pag sirang sa kanda maglakaw, nakitan ni Abraham balaw arayu ti rugar sinabi Diyus sa kanya.

Gimpuunan 37:29

Igu binmalik si Rubin sa bubun, udyi lagan ati si Husi. Nakan ginitas niya kay rutay dahil sa karukuan.

Gimpuunan 37:34

Ginisi ni Hakub kay rutay ag nanrutay saku bilang pagpakakit niya karukuan. Nanhimanglaw siya dugay sa pagkamatay niya anak.

Gimpuunan 43:28

Nagsagut sida, “Buhi waya duy si amang ag masulung di siya.” Bag-u nagyuk-ub maan sida sa kanya bilang paggalang.

2 Samwil 1:3

Pinaingana siya ni Dabid, “Naan ginan kawu?” Sinmagut siya, “Nakapalagiw duy aku ginan sa kampu manga Israilita.”

2 Samwil 13:19

Kay binwat ni Tamar, ginisi niya kay marinu ag aba pag rutay, ag namauli siya dapug sa kay ulu. Bag-u linmakaw siya maglumi habang matakluban kay kamang sa kay uyahun.

2 Samwil 14:4

Nag-ati ti babayi sa hari, linmuhud ag yinmuk-ub siya bilang paggalang. Pagkatapus, magkun ti babayi, “Awati duy nimu aku, Mahal Hari!”

2 Samwil 15:32

Pagka rinmas-ug sida ni Dabid sa katayungtungan Bantud Ulibu, nu naan pagsambahun ti Diyus, sinulang siya ni Husay usa ka Arkiyu. Gitas kay rutay ag may dapug kay ulu bilang pagpanruku.

2 Samwil 24:20

Pagka nakitan ni Arauna si Dabid hanggan kay manga tawuhan magras-ug, linmuwas siya ag linmuhud sa kay atubangan ni Dabid bilang paggalang sa kanya.

2 Samwil 4:10

Kaybi may tawu nanabang sa kangku sa Siklag kay sabi tigbak yi si Saul, kay isip mayad pag barita kay dara sa kangku. Bagkus ngap, siya kang ipinadakup ag ipinamatay. Tunda kang ipinakaun pag pirimyu sa kanya, sa kay ibinarita sa kangku.

Istir 4:16

“Paglakaw yi kawu, tipuna nimu ti tanan Hudiyu atay sa Susa ag danga kamu maghandum karan-unun para sa kangku. Danga kamu magkaun ngatay mag-inum danum sa sulud 3 ka sirang. Aku hanggan kang manga suruguun babayi unman diman manhandum karan-unun. Pagkatapus, atabug aku sa hari una labag sa kasuguan hari. Ag nu matyun aku, nakaalistu di aku mamatay.”

Istir 5:1

Pagka sa ikatlu pag sirang, isinulung ni Istir kay rutay pan-rayna, bag-u nagtindug sa sugkadan tukawan hari. Matukawan tunda katpung ti hari sa kay turukawan ag maatubangan sa sabian.

Kanta 66:3

Sabihi niyu siya, “Diyus, makadululaw gid kanmu manga buwat. Dahil sa kanmu daka pag kamaskihan, kanmu manga kalaban magluhud sa kanmu sa kadalaan.

Isikil 27:30

bag-u manlumi sida mabaskug dahil sa nangyari sa kanmu. Paulian nida galbuk kanda manga ulu bag-u pahuway sa dapug.

Husyas 6:2

Parihu kita sa namatay kay buhiun uman. Balaw dumugay bangunun niya kita, ag mangabuhi kita sa kay atubangan.

Huwil 2:13

Pag-ampu kamu sa buu niyu tagipusuun ag balaw pabalhinguun lang pag patawad sa panab-anan paggisi kanyu manga rutay. Pagbalik kamu sa Panginuun niyu Diyus, dahil maawaun siya ag marapasunaidun. Maawaun siya balaw magalitun. Alistu siya umanun kay isip hampay balaw yi mamadara parusa.

Matiyu 12:40

Nu kabitay si Hunas sa sulud tulu ka yabi tulu ka sirang sa basad tiyan laun pag isda, katunda diman ti Anak Tawu aban sa tinaguktukan batu sa sulud tulu ka yabi tulu waydi ka sirang.

Matiyu 16:21

Siyun ginan ipinaalam yi ni Hisus sa kay manga tuludluan kailangan siya umati sa Hirusalim. Pagka ati pakurian siya masyadu manga paggurangunun manga Hudiyu, manga pangulu manughandug hanggan manga manugtudlu Kasuguan bag-u kanda ipamatay siya. Dapat sa ikatlu pag sirang mabuhi maan siya uman.

Huswi 7:6

Dahil sa karukuan, ginitas ni Huswi hanggan manga takinan sa Israil kanda manga rutay ag pinaulian galbuk kanda manga ulu, bag-u napadapa sida sa atubangan Kaban Panginuun tugka sa yabi.

Ipinakakit 3:9

Malu, ti manga sakup ni Satanas manga magpabalhinguun kuntay sida Hudiyu dapat bukun waydi Hudiyu, manga pudilun lang. Paludhun niku sida sa kanmu atubangan, bag-u maalaman nida kawu kang gid pagmahalun.

1 Samwil 20:41

Pagka nakaginan yi ti anak, linmuwas si Dabid sa may batu paratag-an niya ag linmuhud sa atubangan ni Hunatan katlu ginan bilang paggalang. Bag-u nanharagkungan sida duwa ag nanlulumian, dapat mas matnug waya kan Dabid kay lumi.

1 Samwil 25:23

Pagka nakitan ni Abigil si Dabid, madaldali siya dinmugsun sa kay asnu ag linmuhud sa kay atubangan ni Dabid.

1 Samwil 4:12

Tunda diman katpung pag sirang, may usa ka tawu Binhaminita ti nalagiw ginan sa girahan tabug sa Silu. Ginisi niya kay rutay, pinaulian niya kay ulu daga hampay ipakakit kay karukuan.

1 Samwil 4:16

“Bag-u lang gid aku rinmas-ug ginan sa girahan. Nakapalagiw aku.” Magkun si Ili, “Kabitay duy ti nangyari ati?”