2 Samwil 1:16 - Hanunuu

¹⁶ Magkun si Dabid, “Kawu ti kailangan sisihun sa kanmu kamatayan. Kawu yi ngap ti nagkastigus laban sa kanmu sadili pagka kanmu sinabi minatay nimu ti hari pinili Panginuun.”

2 Samwil 1:16 Iomraidhean Croise

2 Samwil 1:10

Nakan pinakaranyan niku siya ag minatay dahil alam niku udyi waydi siya mabuhi sa masyadu niya pag biyag. Bag-u bin-ul niku kay kuruna sa kay ulu hanggan ti ugsung sa kay takyay, bag-u dinara niku sitay tag sa kanmu.”

2 Samwil 16:8

Pagbalusan kawu Panginuun sa kanmu pagmatay sa kan Saul hanggan sa kay magtal-anakan. Bin-ul nimu kay karampatan, dapat taynguna, ipinakaun inda Panginuun sa kanmu anak sa kan Absalum. Natalu kawu dahil manugmatay tawu kawu!”

1 Hari 2:37

Udas mighit kawu ag dumipay sa Luung Kidrun, pihu gid mamatay kawu, ag kawu ti sisihun nu mangyari inda.”

Hub 15:6

Balaw yi kailangan husgaan waya niku kawu. Dahil kanmu ngap pagbagawun imaw ti pumatutuu laban sa kanmu.

Kabagawan 6:2

nasduk kawu sa kanmu taratu,

Isikil 18:13

Magpautang siya may patubu. Mabuhi aw nguna siya? Unman! Mamatay gid inda pag tawu dahil sa tanan mayagting pag manga bagay niya binwat. Siya ti sisihun sa kay kamatayan.

Isikil 33:5

Dahil katpung nadnugan niya ti budyung unman siya pinansin. Nakan siya gid ti may saragtun sa kay kamatayan. Dahil nu namatingi lang siya, nairibri mana niya kay sadili.

Libitiku 20:27

Nu may imaw sa kanyu pandaniwan maghampang sa karadwa manga namatay, kailangan gid bintukun siya tugka sa mamatay. Siya di waydi ti dahilan niya kamatayan.

Libitiku 20:9

Una si unu ti manmuransa sa kay ama hanggan sa kay ina kailangan matyun.

Matiyu 27:25

Sinmabi di gid maan ti manga tawu, “Saragtun nimi hanggan nimi manga anak kay kamatayan niya.”

Lukas 19:22

Sinabi hari sa kanya, ‘Kawu minus pag panawuhun, pihuun yi ngap niku kawu ginan sa kam sinabi. Alam maaw nimu aku mahigpit pag tawu, mag-apu bukun kangku, paghanapun maaw niku kay tubas madi balaw aku ti nagpamgas.

Binwat 18:6

Pagka dugay naglaban yi sida sa kanya naglibak hanggan. Nakan winagwag ni Pablu ti galbuk sa kay rutay kay tanda laban sa kanda magkun, “Kanyu yi sadili kasalanan nu kamu midamhak sa kaparusahan. Unman yi aku may saragtun. Taynguna ginan aku atag yi sa manga balaw Hudiyu.”

Binwat 20:26

Nakan ngani taynguna pag sirang kang gid pagsabihun sa kanyu, unman aku may saragtun tungkul una sa kantapu sa kanyu, nu abi midamhak sa kaparusahan.

Ruma 3:19

Alam yi nita una hintay ti pagsabihun sa Kasuguan, sinabi yi ngani sa manga napasakup sa Kasuguan, hampay una si unu pag tawu balaw yi may isingyanan ag ti tanan-tanan tawu may kapanagutan nu sa kaudasan sintinsiya Diyus.

Diyuturunumiyu 19:10

Dugangi niyu ti banwa darangpan hampay balaw may tawu unman nagsalan ti mamatay sa kanyu daga, ti pag-ipakaun sa kanyu Panginuun niyu Diyus bilang mana, ag hampay balaw kamu may saragtun nu may mamatay unman may salan pag tawu.

Huswi 2:19

Nu may usa ka manluwas ag mangatag sa dalan, balaw yi kami may saragtun nu mamatay siya. Dapat may saragtun kami nu mamatay siya sa sulud nimu balay.

Talaghusay 9:24

Nangyari inda hampay gantihan si Abimilik hanggan ti manga taga Sikim, imaw ti nangawat sa kanya sa pagmatay sa 70 ka anak ni Gidyun kay manga patar-ari.

1 Samwil 25:39

Pagka nabaritaan ni Dabid kuntay namatay yi si Nabal, magkun siya, “Dayawun ti Panginuun! Siya ti nagbalus sa kan Nabal dahil sa kay pagpuya sa kangku. Balaw niya pinahintulutan aku waya ti makabuwat sa kanya tunda. Pinarusahan niya si Nabal sa daut niya pag binwat sa kangku.” Pagkatapus, nagpadara tultulanun si Dabid sa kan Abigil tabug kay paghilingun asawahun niya inda.

1 Samwil 26:9

Dapat magkun si Dabid sa kan Abisay, “Danga nimu siya pag matya! Parusahan Panginuun una si unu ti manmatay sa kay pinili pag hari.