2 Samwil 1:11 - Hanunuu

¹¹ Pagka nadnugan inda ni Dabid hanggan tanan niya manga tawuhan, ginitas nida kanda manga rutay bilang pagpakakit paghimanglaw.

2 Samwil 1:11 Iomraidhean Croise

Gimpuunan 37:29

Igu binmalik si Rubin sa bubun, udyi lagan ati si Husi. Nakan ginitas niya kay rutay dahil sa karukuan.

Gimpuunan 37:34

Ginisi ni Hakub kay rutay ag nanrutay saku bilang pagpakakit niya karukuan. Nanhimanglaw siya dugay sa pagkamatay niya anak.

Gimpuunan 44:13

Pagka nakitan inda magtar-arian, ginitas nida kanda manga rutay sa subra pag karukuan. Ipinasakay maan nida sa asnu kanda manga saku ag binmalik sa banwa.

2 Samwil 13:19

Kay binwat ni Tamar, ginisi niya kay marinu ag aba pag rutay, ag namauli siya dapug sa kay ulu. Bag-u linmakaw siya maglumi habang matakluban kay kamang sa kay uyahun.

2 Samwil 13:31

Tinmindug si Dabid ag ginitas kay rutay bilang pagpakakit karukuan, bag-u napalubnang sa daga. Ginisi diman niya manga suruguun matindugan ati kanda manga rutay parihu sa binwat ni Dabid.

2 Samwil 3:31

Pagkatapus, sinabi ni Dabid sa kan Huab hanggan sa tanan niya kaibahan, “Gisia niyu kanyu manga rutay ag pagrutay saku. Paghimanglaw kamu habang maglakaw sa unahan bangkay ni Abnir sa paglubung sa kanya.” Nanlubung diman si Hari Dabid magdasun sa kay uryan bangkay.

2 Hari 5:7

Pagka nabasa hari Israil ti surat, ginisi niya kay rutay dahil sa karukuan ag magkun, “Hayga sa kangku niya pag-ipinadara inda pag tawu hampay paayadun kay sakit sa lukub? Hintay aku, Diyus aw? May kapangyarihan aw lugud aku manmatay ag bumuhi? Magbuwat lang siya dahilan hampay man-girirahan kami!”

2 Krunika 34:27

Pinatingihan niku kanmu darangin, dahil nag-ampu kawu ag nagpakumbaba sa atubangan niku pagka nadnugan nimu ti sinabi niku laban sa inda pag rugar ag sa manga mag-uli sitay. Ginisi nimu waya kanmu rutay ag nanlumi sa kang atubangan bilang pagpakakit karukuan nimu. Nakan aku, ti Panginuun, magsabi

Isra 9:3

Pagka nadnugan niku inda, ginisi niku kang rutay sa karukuan rinabnut niku kang buhuk ag bungut, bag-u nanukawan aku may kabuyatan.

Istir 4:1

Pagka naalaman ni Murdukyu kay gayak ni Haman laban sa manga Hudiyu, ginitas niya kay rutay bilang pagpakakit kay karukuan. Bag-u nanrutay siya saku, namauli dapug sa kay ulu, ag nag-atag sa karaw-an banwa magpamurahaw sa lumi.

Hirimyas 36:24

Balaw gid nadala ti hari hanggan ti tanan niya takinan sa nadnugan nida sa pagkumnun kasuratan. Balaw nida ginitas kanda rutay palatandaan sa karukuan nida.

Huwil 2:13

Pag-ampu kamu sa buu niyu tagipusuun ag balaw pabalhinguun lang pag patawad sa panab-anan paggisi kanyu manga rutay. Pagbalik kamu sa Panginuun niyu Diyus, dahil maawaun siya ag marapasunaidun. Maawaun siya balaw magalitun. Alistu siya umanun kay isip hampay balaw yi mamadara parusa.

Binwat 14:14

Pagka naalaman nida ni Pablu ni Birnabi ti gayak manga tawu, ginisi nida kanda sadili rutay bilang ga mustara sa kanda unman magpasnu sa pagbuwatun manga tawu. Nagdali sida atag sa kayamuan tawu bag-u sinabi nida sa daraka buka,

Ruma 12:15

Pagpakibagay kamu sa manga magbaya, pagpakibagay diman sa manga maglumi.

Huswi 7:6

Dahil sa karukuan, ginitas ni Huswi hanggan manga takinan sa Israil kanda manga rutay ag pinaulian galbuk kanda manga ulu, bag-u napadapa sida sa atubangan Kaban Panginuun tugka sa yabi.