2 Pidru 3:7 - Hanunuu

⁷ Sa kay kapangyarihan diman niya bagaw iningatan inda pag langit hanggan daga hampay sunugun aban sa apuy pagka udas yi sintinsiyahan sa kadamhakan ti manga makasalanan pag tawu.

2 Pidru 3:7 Iomraidhean Croise

Kanta 102:26

Inda sida magkaradura, dapat kawu pumarargu diman. Magabuk sida tanan parihu sa rutay. Ag parihu diman sa rutay, ilisan nimu sida ag madura sida.

Kanta 50:3

Rumas-ug ti Diyus ag balaw siya manahimik lang. Sa kay unahan may maglabdab pag apuy ag sa kay sangput may mabisug pag bagyu.

Isayas 51:6

Bantayi niyu ti langit hanggan ti kalibutan. Madura ti langit ga anus, madaut ti kalibutan ga rutay, mamatay ti manga nasakupan ga manga iyay. Dapat kang iayaw pag karibrihan pumirmaminti hanggan aban. Ti panalu ag katuwiran ginan sa kangku mapasa-kanyu hanggan aban.

Isayas 66:15

Pagpatingi kamu! Rumas-ug ti Panginuun may dara apuy. Sumakay siya sa kay kalisa pan-gira parihu sa buhawi. Ipakakit niya kay galit sa kay manga kalaban, ag parusahan niya sida maglabdaban pag apuy.

Danyil 7:9

“Bag-u nakitan niku may ipinauli manga tukawan, ag tinmukaw sa kay tukawan ti Diyus Buhi unman may Katapusan. Masilaw kay rutay hanggan kay buhuk dahil sa kalagtian. Maglabdab kay tukawan may manga gulung.

Sipanyas 3:8

“ ‘Nakan kamu pag manga matinupadun pag taga Hirusalim, alagda niyu ti sirang unu-unuhun niku ti manga nasyun. Dahil nagpasya yi aku tipunun ti manga nasyun hanggan ti manga kaharian hampay ibuhus niku sa kanda ti mahigpit niku pag pangagalit parihu sa apuy mag-irub sa buu kalibutan.

Malakyas 4:1

Magkun ti Panginuun Makamaskihan, “Pihu gid rumas-ug ti sirang kaparusahan. Bumaliw inda ga maglabdaban pugun. Parusahan niku ti tanan mayabang hanggan magbuwat daut parihu sa magtutud dayami. Bumaliw sida ga tinutdan kayu unman gid may nasawad una di sanga hanggan gamut.

Matiyu 10:15

Ungud duy kang pagsabihun sa kanyu, nu sa udas pagsintinsiya aban, subra waya pag kaparusahan ti malakawan manga tawu sa ati pag banwa balaw lang ga kanda nalakawan manga taga Suduma ag Gumura.”

Matiyu 11:22

Dapat kang pagsabihun sa kanyu, nu kaudasan yi sintinsiya aban lalu waya mabuyat kay sintinsiya Diyus sa kanyu balaw lang ga sa manga taga Tiru ag taga Sidun.

Matiyu 11:24

Dapat kang pagsabihun sa kanyu, nu kaudasan yi sintinsiya aban, lalu ngap mabuyat kay sintinsiya Diyus sa kanyu, balaw lang ga sa manga taga Suduma.”

Matiyu 12:36

“Pagsabihun niku sa kanyu nu kaudasan sintinsiya aban may kapanagutan ti manga tawu sa kada bagaw kay binagaw unman may kabuluhan.

Matiyu 24:35

Madura di aban ti langit hanggan ti daga, dapat kang manga bagaw dayu pumalya.”

Matiyu 25:41

“Kumumun maan ti Hari sa manga tawu sa wala baliwa, ‘Pagpakarayu kamu sa kangku ginan, kamu ti manga sinaadan, pag-ati kamu sa apuy unman magkapsa inalistu para sa diyablu hanggan sa kay manga anghil.

Markus 6:11

Ag una naan pag banwa nu dayu kamu tanggapun hanggan patingihan, pag-ighit yi kamu siyun ginan, pagpaga ti galbuk ginan sa kanyu raprapa bilang paandam sa kanda magdayu sa Diyus.”

Huwan 12:48

Dapat may sumintinsiya sa tawu nu siya magdayu sa kangku ag nu unman siya magpaniwala sa kang pagbagawun. Kang ngap manga binagaw imaw ti sumintinsiya sa kanya sa katapusan panahun aban.

Ruma 2:5

Dapat ay sa kaganitan nimu tagipusuun ud waydi mag-ampu sa kanmu kasalanan, pagpakadugangan nimu ti parusa kay ganti Diyus sa kanmu nu ipaburayhaw kay galit Diyus aban sa kaudasan niya matadlung pag sintinsiya.

1 Kurintu 3:13

ti buwat kada tawu makitan di aban. Dahil nu kaudasan yi pagras-ug ni Kiristu bag-u maalaman yi tunda. Sapagka sa apuy pihu pag makilala. Ti apuy ti sumubuk kada tawu buwat nu kabitay.

Pilipus 1:28

Danga kamu madiklahan sa manga mag-unuunu sa kanyu. Pirmi pagmatutum kanyu naisipan. Kanyu matutum pag naisipan imaw ti malinaw pag puruyba kuntay sida pihu aban talu. Kamu bay kay iribri Diyus.

2 Tisalunika 2:3

Sa una waya kabitay pag paraan tawu, danga kamu padaya. Ti kaudasan Panginuun balaw rumas-ug hanggan sa ud mangyari dapu ti katapusan pag maglaban sa Diyus ag hanggan sa ud mibantala ti May Puun Kadautan, ti daan ihinanda para tabug sa unman may katapusan pag kaparusahan.

1 Timutiyu 6:9

Dapat ti tawu nu maghingbut sa yumaman, madara siya sa tuksu ga nasduk sa mayamu pag kadautan ag sa unman may kabuluhan pag manga paghangadun, imaw ti magdara sa kanya tabug sa kadamhakan.

Hibriyu 12:29

Dahil kanta Diyus ga apuy maghirut.

2 Pidru 2:9

Ti Panginuun madunung magparibri sa manga lubus napasakup sa kanya nu may malakawan sida subuk. Madunung waydi siya sa manga unman matadlung hampay sida maparusahan hanggan sa udwaya udas sintinsiya.

2 Pidru 3:10

Rumas-ug ti kaudasan Panginuun parihu sa mananakaw. Sa tunda pag udas madnugan ti matnug gid pag tunug ag madura ti manga langit. Mairub ti init, ti bulan, hanggan ti manga pamgasan. Ti daga hanggan ti tanan bagay sa babaw daga madura diman.

2 Pidru 3:12

hanggan sa pag-alagdun waya niyu ti kaudasan Diyus kanyu pagpatigagadun. Sa ati katpung aban pag kaudasan mairub ti manga langit ag madura inda; mangatunaw diman ti tanan bagay sitay sa babaw daga sa masyadu gid pagka init.

1 Huwan 4:17

Nu katunda, pirmi di pagdagdagan Diyus kanta pagmahal hanggan sa udyi may kurang, hampay unman kita magkadala sa kaudasan yi aban nu pihuun ti manga tawu nu daut nu mayad. Dahil nu kabitay si Kiristu katunda diman kita sitay sa kalibutan.

Hudas 1:7

Isipa diman niyu ti banwa Suduma hanggan ti banwa Gumura ag kay manga kaarani pag banwa. Nagumun diman sida sa manga mahalay pag buwat hanggan sa kalukuhan nakan sida pinarusahan sa apuy unman may katabuhan, bilang ga usa ka paalaala sa tanan tawu.

Ipinakakit 17:11

Ti hayup malangas buhi kaybi, dapat taynguna udyi, imaw yi ti ikawalu pag hari aban, madi minsan diman siya sa pitu. Kadamhakan kay patabgan niya aban.

Ipinakakit 17:8

Ti kanmu nakitan pag hayup malangas buhi nu kaybi, kainda bay udyi dapat lumuwang maan uman ginan sa kaabasad-basadan bag-u midamhak di gid maan siya aban. Ti manga tawu magkabuhi sa babaw daga ag kanda ngaran unman nakalista sa ribru kabuhian ginan waya sa gimpuunan kalibutan, tunda pag manga tawu lumingut nu makitan nida ti hayup malangas. Dahil kaybi buhi, siyun ginan udyi siya, dapat aban lumuwang maan.

Ipinakakit 20:11

Bag-u nakitan niku ti laun pag malagti pag tukawan hari hanggan ti matukawan siti. Naparaw sa kay atubangan ti daga hanggan langit, udyi maan nakitan uman.

Ipinakakit 21:1

Bag-u nakitan niku may bag-u pag langit hanggan may bag-u pag daga. Naparaw yi ti daan pag langit hanggan daan pag daga, naparaw yi waydi hanggan ti dagat.