2 Pidru 3:15 - Hanunuu

¹⁵ Isipa gid duy niyu, nakan ngani magpadugay-dugay waya ti Panginuun hampay pakan-an waya kamu rugar agud miribri. Imaw diman kay isinurat ni Pablu, kanta mahal pag patar-ari, sa kay manga surat sa kanyu angay sa kadunungan kay ipinakaun Diyus sa kanya.

2 Pidru 3:15 Iomraidhean Croise

1 Hari 3:12

ipakaun niku kanmu paghagadun. Pakan-an niku kawu kadunungan ag pan-unawa, unman waya natanggap ni una si unu kaybi ginan hanggan sa aratubangun pag panahun.

1 Hari 3:28

Pagka nabaritaan nasakupan Israil ti pasya ni Hari Sulumun, daka gid kanda paggalang sa kanya, dahil nakitan nida may kadunungan siya ginan sa Diyus sa pagpanab-anan sa hustu.

1 Hari 4:29

Pinakan-an Diyus si Sulumun balaw kasarangan pag dunung ag pan-intindi, ag kaalaman balaw may tumupung.

Isra 7:25

“Kawu, Isra, angay sa ipinakaun Diyus pag kadunungan sa kanmu, pagpili kawu manga takinan hanggan manughusay may alam sa Kasuguan nimu Diyus. Manpatigayun sida sa tanan tawu sa purubinsiya isalpan Iyupratis. Ag ti manga tawu balaw nakaalam sa Kasuguan tudluan niyu.

Pag-ighit 31:3

Ilinubus niku sa kanya kang Ispiritu, ag kadunungan hanggan kakayahan sa una hintay pag buruwatun —

Pag-ighit 31:6

Pinili diman niku si Ahulyab kay anak ni Ahisamak, ginan sa lahi ni Dan, hampay mangawat sa kan Bisalil. Pinakan-an diman niku kakayahan ti tanan antigu pag manugpanday hampay mabuwat nida ti tanan niku pag-isugu sa kanmu:

Pag-ighit 35:31

Sinuldan siya Ispiritu Diyus ag pinakan-an kadunungan hanggan kakayahan sa una hintay pag buruwatun —

Pag-ighit 35:35

Pinakan-an sida Panginuun kakayahan bumuwat tanan kalasi buruwatun: ti pagriruk, ti pagbuwat pisahan, ag ti pagburda bunang malatuy, dungun ag marara sa pisahan linu. Kaya nida buwatun una hintay pag kalasi buruwatun, ag antigu gid sida magbuwat inda.

Manugtudlu 2:26

Sa kay tutuu, pagpakan-an Diyus kadunungan, hanggan kaalaman ag kabayaan ti magpakaun kasulungan sa kanya pag tawu. Dapat ti manga makasalanan pagpabudlayun niya sa kakatipun kayamanan, hampay kanda matipun iayaw niya sa manga tawu magpakaun kabayaan sa kanya. Ti pangabudlay manga makasalanan unman diman may pulus; ga parihu lang sa maglagas sida durus.

Isayas 30:18

Dapat mag-alagad ti Panginuun kamu pumakarani sa kanya hampay kaawaan niya. Alistu di siya iparanas sa kanyu kay pasunaid. Dahil ti Panginuun imaw ti Diyus matadlung, mapalad ti magsarig sa kanya.

Lukas 21:15

Dahil pakan-an niku kamu bagaw pananagut hanggan kadunungan hampay udyi makalaban udyi waydi tumanggi kanyu tanan manga kalaban.

Binwat 15:25

Nakan pinagkausahan nimi pumili kami manga masugu tabug sa kanyu, ipakuyug sa kanda ni Birnabi ni Pablu, kanta pagmayadun pag manga patar-ari,

Binwat 7:10

Binawi di niya si Husi ginan sa tanan niya kakurian ag pinakan-an siya kadunungan hanggan mabuut pag ugali sa atubangan ni Paraun, hari manga taga Ihiptu. Nakabaya gid si Paraun sa kan Husi, nakan pinili niya si Husi hampay gubirnadur siya sa Ihiptu hanggan sa tanan niya kasiyunan hari.

Binwat 9:17

Nag-ati ngani si Ananiyas. Pagka siya sinmaka yi sa balay, kinup-an niya kamang si Saulu, magkun, “Patar-ari Saulu, ti Panginuun ti nagsugu sa kangku, si Hisus yi ngani, imaw ti napakakit sa kanmu sa kanmu maglakaw sitay tabug. Nakan sinugu niya aku sitay tag sa kanmu hampay humiling maan kanmu mata ag hampay kawu lubus suldan Ispiritu Banal.”

Ruma 2:4

Aw ngatay barang udyi pagpahalgaan nimu ti Diyus dahil siya mayad gid ag maagwantahun ag matiniisun. Unman aw lugud alam nimu kay pagmahal Diyus sa kanmu tigpakaun rugar hampay umampu kawu sa kanmu kasalanan?

1 Kurintu 12:8

Dahil ti Ispiritu magpakaun bagaw kaalaman sa usa ka patar-ari, sa iba ti Ispiritu diman tigpaburayhaw sa manga bagay unman magkaalaman.

1 Kurintu 2:13

Tunda pag manga kaayadan kanta pag-itudlu sa manga tawu balaw sa bagaw lang angay sa kadunungan tawu nu unman angay ngap sa tudlu Ispiritu. Pag-ipaliwanag nita ti manga katutuuhanan tungkul sa Ispiritu sa manga tawu inulian waydi Ispiritu.

1 Kurintu 3:10

Aku ti nagpatindug batu paratungtungan tulduk ga usa ka madunung magpatindug balay angay sa ipinakaun Diyus sa kangku. Iba maan tig batak bat-angan. Dapat pagdahan ti kada tawu nu kabitay kay bumuwat.

Ipisu 3:3

Ipinakilala Diyus sa kangku ti madalum pag katutuuhanan udwaya daan ipinaburayhaw ga kang yi isinurat sa kabag-u.

1 Timutiyu 1:16

Dapat ay kinaawaan niya aku hampay mipakilala ni Hisu-Kiristu kay lubus matugway naisipan niya sa kangku, sa takinan manga makasalanan, bilang ga mustara sa tanan manga sumarig waydi sa kanya hampay may buhi waydi sida unman may katapusan.

Santiyagu 1:5

Dapat una si unu sa kanyu nu kurang sa kadunungan, paghagad siya sa Diyus, bag-u siya pakan-an. Dahil ti Diyus abunda kay pamakaun sa tanan tawu, balaw siya mag-irang.

Santiyagu 3:17

Dapat ti may kadunungan ginan sa Diyus pihu marinu gid kay ugali, mairibgun siya sa kahusayan, maalumanay, mapinaangayun, maawaun, hanggan masipag sa mayad buwat, balaw mag-ihid, unman waydi magpabalhinguun.

1 Pidru 3:20

Tunda ngani pag manga karadwa imaw ti manga unman naniwala kaybi madi pagpakaalagdun Diyus ati katpung kan Nuwi magbuwat sakayan. Kay pakinabang inda ginan pag binwat sakayan, walu-walu di ka tawu ti nakaribri sa karaw-an danum.

2 Pidru 3:2

Isipa niyu ti manga binagaw kaybi manga purupita lubus napasakup sa Diyus. Isipa diman ti ibinilin nita Panginuun imaw ngani ti Manugribri. Tunda pag manga ibinilin nadnugan niyu ginan sa kanyu manga apustul.

2 Pidru 3:9

Ti Panginuun unman gid pumalya sa kay taratu, balaw parihu ga paghantupun manga iba. Nakan udwaya pagtupadun niya tunda pag taratu dahil ngani sa kanyu. Pinakan-an niya rugar ti tanan tawu hampay sida makaampu sa kanda manga kasalanan ag makapasakup sa Diyus. Dahil unman gid gustu niya una si unu pag tawu ipadamhak sa kaparusahan.