2 Pidru 3:14 - Hanunuu

¹⁴ Nakan ngani duy manga patar-ari, hanggan kamu mag-alagad waya, intindiha gid niyu kanyu ugali buhi hampay may kahusayan, unman may uring, ud may kadautan sa kay magbantay Panginuun.

2 Pidru 3:14 Iomraidhean Croise

Matiyu 24:26

“Nakan ngani nu sabihun nida sa kanyu, ‘Ati siya sa pangawakawaan’, danga kamu mag-ati. Nu sabihun nida, ‘Ati siya sa sulud-sulud’, danga kamu magpaniwala.

Matiyu 25:7

Bigla nagbangun ti sampulu ka daraga, inalistu nida kanda manga sulul-an.

Lukas 12:43

Masulung tunda pag panawuhun pagka naras-ugan siya magtupad sa kay buruwatun sa kay pagbalik niya amu.

Lukas 2:29

“Taynguna bay, Panginuun, natupad yi ngani nimu kam taratu. Una bul-un yi nimu kang buhi. Aku inda kanmu suruguun, may kahusayan yi sa kang naisipan.

1 Kurintu 1:8

Si Hisu-Kiristu diman ti pumarig-un sa kanyu hanggan tugka sa katapusan hampay unman may ikasabi sa kanyu sa kaudasan pagras-ug nita Panginuun Hisu-Kiristu.

1 Kurintu 15:58

Nakan ngani duy, manga patar-ari, pagmarig-un kamu, danga daradarahan, pagpirmi matinupadun kamu sa buruwatun Panginuun, dahil naalaman yi niyu balaw unman may kabuluhan kanyu magbudlay para sa Panginuun.

Pilipus 1:10

Nu katida madunung kamu magpili sa pinakamayad. Bag-u kamu manga malumpiyu yi ag unman may ikasabi sa kaudasan aban nu rumas-ug si Kiristu.

Pilipus 2:15

Sa kanyu manga kalibut may manga tawu unman mayad kay ugali ag daut kay pagbuwatun. Kailangan kamu pag manga anak Diyus ga mustara sa manga iba tawu malumpiyu kanyu ugali, unman may ikasabi sa kanyu. Nu katunda magduag yi kamu sa kanda karaw-an parihu ga manga pamgasan magrayaw sa langit.

Pilipus 3:20

Kita bay manga taga langit. Magpatigagad kita sa kanta Manugribri, sa Panginuun Hisu-Kiristu ginan sa langit.

1 Tisalunika 3:13

Nu katida ti mangyari, pabisugun niya kanyu tagipusuun hampay lubus yi kamu sakup sa Diyus Ama ag unman may kasalanan sa kay pagras-ug nita Panginuun Hisus kaibahan ti tanan manga napasakup sa kanya.

1 Tisalunika 5:23

Pag-idarangin niku kamu hampay kamu lubus pasakup sa Diyus. Siya yi ngani tigpakaun kahusayan. Pag-idarangin diman niku kamu hampay alagaan niya kanyu buu pagkatawu sa unman may kadautan una kanyu tagipusuun, una kanyu karadwa, una kanyu bilug hanggan sa ud rumas-ug kanta Panginuun Hisu-Kiristu.

1 Timutiyu 6:14

tupada nimu ti katungkulan iinintirga sa kanmu, pagmalumpiyu kam tagipusuun sa unman may ikasabi sa kanmu hanggan sa ud rumas-ug kanta Panginuun Hisu-Kiristu.

Hibriyu 9:28

Katunda diman waydi si Kiristu kas-a lang namatay, ipinakaun niya kay buhi sa Diyus ag inaku niya ti kasalanan kalibutan. Bumalik siya aban, balaw yi hampay mamatay maan tungkul sa manga kasalanan tawu, nu unman hampay iribri niya ti manga magpatigagad sa kanya.

Santiyagu 1:27

Kainda ay di ti pagkamatadlung ti kailangan ag pagbayaun nita Diyus Ama, nu ti tawu mag-awat sa manga ilu hanggan sa manga babayi buranday sa kanda kakurian, ag nu mainingatun siya sa kay sadili bilug hampay balaw madara sa daut pag ugali kalibutan inda.

1 Pidru 1:7

Ti gintu kabay madi madaut di aban, pagtunawun nida sa apuy hampay makitan nu lunsay yi ngani gintu. Katida diman waydi kanyu pagsarig subra waya sa gintu kay kahalaga, pag-ipalakaw sa manga subuk hampay maalaman nu ngatay buu. Nu buu kanyu pagsarig, kamu aban bayaun, purihun hanggan dayawun ati katpung aban sa kay kaudasan nu mihayag si Hisu-Kiristu.

2 Pidru 3:1

Inda yi ngani duy manga patar-ari kang ikadwa pag surat tabug sa kanyu. Sa duwa ka surat niku inda pagpulawun niku kanyu mayad pag naisipan, pagpaala-alahanan niku kamu.

2 Pidru 3:16

Sa tanan niya pag manga surat kainda diman kay pirmi pag-ipaalaala tungkul sa inda pag katutuuhanan. Kay iba niya pag manga isinurat makuri masalman kay ibug sabihun, nakan ti manga malumuy kay intindi magsalan sa kanda magpakahulugan. Katunda diman waydi kanda pagbuwatun sa iba pag manga bahagi Banal Kasuratan sa ikadamhak ngap nida sadili bilug.

1 Huwan 3:3

Una hintay pag tawu ti magsarig katunda sa kan Kiristu, mag-ingat sa kay sadili bilug hampay malumpiyu kay buhi, ga kan Kiristu waydi malumpiyu.