2 Pidru 3:11 - Hanunuu

¹¹ Katunda ngani aban ti pangatapusan tanan bagay, nakan ilubus niyu ipasakup kanyu sadili sa Diyus, kanyu ugali buhi pag-angay yi sa kay kagustuhan,

2 Pidru 3:11 Iomraidhean Croise

Kanta 37:14

Ginabut yi manga daut kanda manga baladaw ag linabtung nida kanda manga pamana hampay matyun ti manga makuri hanggan ti manga pugri magpangabuhi sa hustu.

Kanta 50:23

Maggalang sa kangku ti maghandug may pasalamat, ag ti magdahan sa kay pag-ugaliun iribri niku.”

Kanta 75:3

Nu matandug ti kalibutan ag takigan sa dala ti manga mag-uli siyun, aku ti manparig-un sa kay patakinan kalibutan.

Isayas 14:31

Panlumi kamu matnug, kamu pag manga nasakupan manga banwa Pilistiya. Dahil girahun kamu niyu manga kalaban ga anus ginan sa kanaway. Sida lunsay yi manga maraisug.

Isayas 24:19

Gumitlak ti kalibutan ag mabka.

Isayas 34:4

Matunaw ti tanan bagay sa langit, ag ti langit madura, ga kasuratan linuhut. Magkaralagpak ti manga pamgasan ga manga labung ubas ngatay igus magkarubay ag magkarubas.

Matiyu 8:27

Naglingut kay manga kaibahan magkun, “Hintay nguna pag tawu inda, hayga magpaniwala sa kanya una ti durus una ti humbak danum?”

Ruma 13:11

Mayad nu pagbuwatun niyu inda tanan, dahil alam niyu nu hintay pag udas yi kainda. Udas yi hampay mimata yi kamu kainda ginan sa katurugan dahil arani yi ti udas nita lubus pag karibrihan, balaw yi ga kaati katpung ga kanta bag-u nagsarig sa Panginuun.

Ruma 13:12

Mag-agaw sirang yabi arani yi magkasirang. Pagpakarayu yi kita ginan sa tanan buwat daut, ialistu nita kanta sadili sa buwat kaayadan.

2 Kurintu 1:12

Inda kanmi ipagdayaw sa Diyus, pagpatutuuhanan nimi naisipan unman may pabalhinguun kanmi magpakiusa sa tanan tawu ag lalu ngap sa kanyu angay sa kanmi magpasakup sa kay kabanalan hanggan katutuuhanan Diyus, dahil lang sa kay pakaun kaayadan Diyus, bukun yi sa kadunungan angay lang sa pagkatawu.

Pilipus 1:27

Nakan ngani kailangan gid kamu pag-ugali angay sa Mayad pag Barita tungkul sa kan Kiristu. Nu katunda una aku makaasan ag makitan niku kamu, una unman, maalaman diman niku mirinsan di kanyu turunu ag mag-arawatan kamu hampay maingatan ti kanta pagsarigan Mayad pag Barita una may manga kalaban.

Pilipus 3:20

Kita bay manga taga langit. Magpatigagad kita sa kanta Manugribri, sa Panginuun Hisu-Kiristu ginan sa langit.

1 Tisalunika 1:5

Dahil kanmi ipinadakit ti Mayad pag Barita sa kanyu balaw tugka lang sa bagaw. Kay makamaskihan pag manga buwat Ispiritu Banal ti nagpuruyba sa kanyu tungkul sa katutuuhanan Mayad pag Barita. Nakitan waydi niyu nu kabitay kami sa kanyu atubangan sa kanyu ikaayad.

1 Timutiyu 3:16

Tutuu gid madalum ag makadululaw pag katutuuhanan nita surundanun magkun, “Napakilala siya Diyus sa kay nabilug tawu, pinatutuuhanan siya Ispiritu Banal, nakitan siya manga anghil, itinudlu siya sa manga nasyun tawu, una naan pag rugar may nagpaniwala sa kanya, tinanggap siya ati sa langit may kadayawan.”

1 Timutiyu 4:12

Danga pasnuan nimu nu magpuya diman sida sa kanmu dahil anak waya kawu baliwa. Bagkus pagpakasipag kawu hampay kawu ti mustara sa manga magsarig sa kan Kiristu, sa kanmu pamagawan, sa kanmu ugali, sa kanmu pagmahal, sa kanmu pagsarig hanggan sa kanmu unman may huput daut una di.

1 Timutiyu 6:11

Dapat kawu duy ti suruguun Diyus, pag-iwas kawu sa tunda pag manga bagay. Isipa gid nimu, pagkaayad kanmu ugali sa magpakatadlung, sa pagpasakup sa Diyus, sa pagsarig, sa pagmahal, sa pagtiis hanggan sa maalumanay.

1 Timutiyu 6:3

Una si unu ti magtudlu tuhay sa inda pag manga katutuuhanan ag unman angay sa mayad pag manga bilin nita Panginuun Hisu-Kiristu, una hanggan sa manga tudlu tungkul sa kanta surundanun,

1 Timutiyu 6:6

Nu sa ungud, tutuu daka kanta pakinabang nu magpasakup sa Diyus ag nu naanadan nita ti magbaya una sa kaalwanan una sa kakurian.

Hibriyu 13:5

Danga kamu mag-ugali maraibgun sa kuwarta. Pagmasulung yi lang kanyu naisipan sa kanyu kahamtangan. Dahil Diyus diman ti may sabi magkun, “Una sa hintay ngarana balaw pakurangan niku kawu, una sa hintay ngarana unman gid pabay-anan niku kawu.”

Santiyagu 1:24

pagka binantayan niya kay sadili susun linmakaw, pinabay-anan lang niya kay sadili ayus.

Santiyagu 3:13

Hintay nguna sa kanyu ti madunung hanggan mapininsarun? Pakitan niya tunda sa kay mayad pag ugali, angay sa mapinakumbabaun pag kadunungan.

1 Pidru 1:15

Ti Diyus banal, imaw ti nagpili sa kanyu nakan kailangan ilubus niyu ipasakup kanyu sadili sa kanya sa tanan niyu buruwatun.

1 Pidru 2:12

Kailangan pag may kaayusan kanyu ugali sa karaw-an manga unman magsarig sa Panginuun. Una abi kamu kanda pagbangdanan sa buwat daut, makitan di nida kanyu mayad pag buwat hampay dumayaw di aban sida sa Diyus nu kaudasan yi karas-ugan ni Kiristu.

2 Pidru 1:3

Tinanggap nita dahil sa kay kamaskihan Diyus ti tanan nita manga pangailangan hampay mag-ugali kita marig-un sa kanya. Mangyari inda dahil sa kanta magkilala sa kan Hisus. Siya diman ti nagpili sa kanta sa panab-anan niya sadili kadayawan hanggan kaayadan.

2 Pidru 1:6

ti kaalaman dugangan niyu pagpigil sa sadili, ti pagpigil sa sadili dugangan niyu karig-unan, ti karig-unan dugangan niyu magpasakup sa Diyus,

2 Pidru 3:10

Rumas-ug ti kaudasan Panginuun parihu sa mananakaw. Sa tunda pag udas madnugan ti matnug gid pag tunug ag madura ti manga langit. Mairub ti init, ti bulan, hanggan ti manga pamgasan. Ti daga hanggan ti tanan bagay sa babaw daga madura diman.

2 Pidru 3:12

hanggan sa pag-alagdun waya niyu ti kaudasan Diyus kanyu pagpatigagadun. Sa ati katpung aban pag kaudasan mairub ti manga langit ag madura inda; mangatunaw diman ti tanan bagay sitay sa babaw daga sa masyadu gid pagka init.