2 Pidru 2:9 - Hanunuu

⁹ Ti Panginuun madunung magparibri sa manga lubus napasakup sa kanya nu may malakawan sida subuk. Madunung waydi siya sa manga unman matadlung hampay sida maparusahan hanggan sa udwaya udas sintinsiya.

2 Pidru 2:9 Iomraidhean Croise

Hub 21:30

pirmi mag-iribri ti daut pag tawu sa sirang pagras-ug kaparusahan Diyus.

Hub 5:19

Pirmi di niya kawu iribri sa manga sarut ag mahawag.

Kanta 12:1

Panginuun, awati aku, dahil unman yi may nasawad maka-diyus hanggan masarigan.

Kanta 32:6

Nakan ti tanan tapat kailangan magdarangin sa kanmu sa udas kakurian, hampay nu rumas-ug ti kakurian ga baha, balaw sida maunu.

Kanta 37:33

Dapat balaw pag-ipahintulut Panginuun ti manga matadlung sa kamang manga daut. Balaw niya pag-ipahintulut masintinsiyahan kaparusahan ti manga matadlung nu darahun sida sa husgadu.

Kanta 4:3

Alalahana niyu, pinili Panginuun ti manga maka-diyus para sa kanya. Nakan ngani patingihan niya aku nu magdangup sa kanya.

Kabagawan 12:13

Ti baragawun daut pag tawu imaw ngap ti makapakaun sa kanya kaguluhan, dapat ti matadlung pag tawu mag-aman sa kaguluhan.

Kabagawan 16:4

May turunu ti tanan linalang Panginuun, una ti manga daut pag tawu itinagka niya midamhak.

Matiyu 10:15

Ungud duy kang pagsabihun sa kanyu, nu sa udas pagsintinsiya aban, subra waya pag kaparusahan ti malakawan manga tawu sa ati pag banwa balaw lang ga kanda nalakawan manga taga Suduma ag Gumura.”

Matiyu 6:13

Danga ipalakaw nimu kami sa mahigpit pagsubuk, dapat ingatan nimu kami sa May Puun Kadautan. Dahil kawu yi ngani tig hari may kamaskihan hanggan kadayawan hanggan waya aban. Amin.’

Ruma 2:5

Dapat ay sa kaganitan nimu tagipusuun ud waydi mag-ampu sa kanmu kasalanan, pagpakadugangan nimu ti parusa kay ganti Diyus sa kanmu nu ipaburayhaw kay galit Diyus aban sa kaudasan niya matadlung pag sintinsiya.

1 Kurintu 10:13

Unman may subuk rumas-ug sa kanyu nu unman mabata niyu. Masarigan gid ti Diyus, balaw pahintulutan niya kamu subukan sa udyi niyu makaya. Dapat dungan sa subuk magbuwat siya paraan hampay makalawuy kamu sa kakurian, hampay maagwanta niyu ti subuk.

2 Timutiyu 3:12

Ti tanan manga may gustu mangugali sakup sa Diyus ag magpakiusa sa kan Kiristu Hisus, pihu makalakaw pag-unuunu.

Titu 2:14

Ipinakaun niya kay sadili hampay lukatun niya kita sa tanan nita kasalanan, agud kita kay yi nasakupan, malumpiyu ag magkaibug magbuwat mayad.

2 Pidru 2:4

Unman pinatawad Diyus ti manga anghil. Bagkus ngap pagka sida nagkasala iyinmut sida atabug sa kaabasad-basadan, pinirisu sida sa basad piris pag madlum hampay mag-alagad sa sintinsiya.

2 Pidru 3:7

Sa kay kapangyarihan diman niya bagaw iningatan inda pag langit hanggan daga hampay sunugun aban sa apuy pagka udas yi sintinsiyahan sa kadamhakan ti manga makasalanan pag tawu.

Hudas 1:6

Isipa diman niyu tunda pag manga anghil ti naglakbang sa kanda sadili kahamtangan. Tinayakan ngap nida kanda sadili kahamtangan. Sida ginapus Diyus tunda unman magkabugtas pag tarikada pinirisu sa masyadu kadudulman hanggan sa udway kaudasan sintinsiya.

Ipinakakit 3:10

Ingatan diman niku kawu nu rumas-ug yi ti udas pagsubuk sa tanan manga tawu sa bilug kalibutan, dahil nag-agwanta kawu sa kanmu pagtupad sa kang bilin.

1 Samwil 29:10

Kaaga aldaw kawu pag-ipulaw, bag-u suminggit ti init pag-uli yi kawu kaibahan kanmu manga tawuhan.”