2 Pidru 2:7 - Hanunuu

⁷ Dapat irinibri niya si Lut dahil siya matadlung. Irinuku gid ni Lut ti mahalay pag ugali manga magbuwat kadautan.

2 Pidru 2:7 Iomraidhean Croise

Gimpuunan 13:13

Ti manga tawu sa Suduma daut gid ag makasalanan. Subra gid kanda kadautan laban sa Panginuun.

Gimpuunan 19:16

Dayu waya mana man-ginan si Lut, dapat dahil sa pangaawa Panginuun sa kanda, inabat sida manga anghil ag dinara atag sa luwas banwa.

Gimpuunan 19:22

Ta, pagpalagiw yi kamu atabug, dahil balaw waya niku mabuwat kang buwatun habang udwaya kamu nakaras-ug ati.” Diit tunda pag banwa, nakan pag-ingarnan Suar.

Gimpuunan 19:29

Balaw nalimtan Diyus si Abraham igu rinuris niya ti manga banwa sa karatagan nu naan pag mag-uli si Lut, nakan irinibri dap niya si Lut hampay balaw siya maunu.

Gimpuunan 19:5

Tinawag nida si Lut ag pinaingana, “Naan yi kanmu manga manugsabang lalaki rinmas-ug taynguna pag yabi? Palwasan sida dahil gustu nimi sida ulidun.”

Kanta 120:5

Kaawaawa aku dahil mag-uli aku kaibahan sa kanyu parihu ka daut sa manga mag-uli sa Misik ag sa Kidar.

Hirimyas 23:9

Magkarunut kang tagipusuun dahil sa manga pudilun pag purupita. Pagtakigan hanggan kang manga but-ul, ga langu aku dahil sa banal pag tultulanun Panginuun laban sa kanda.

1 Kurintu 10:13

Unman may subuk rumas-ug sa kanyu nu unman mabata niyu. Masarigan gid ti Diyus, balaw pahintulutan niya kamu subukan sa udyi niyu makaya. Dapat dungan sa subuk magbuwat siya paraan hampay makalawuy kamu sa kakurian, hampay maagwanta niyu ti subuk.

2 Pidru 2:18

Palabi-labihun sida nu magbagaw dapat unman diman may kahulugan ti kanda pagsabihun. Kanda garamitun kanda daut pag kagustuhan naisipan hampay maudyukan bumalik maan sa kadautan ti manga bag-u lang magpakarayu sa manga tawu daut kay ugali.

2 Pidru 2:2

Mayamu pag tawu sumunud aban sa kanda manga buwat makakaray-a, ag dahil sa kanda buwat daut puyaan yi ngap manga tawu ti mayad pag katutuuhanan ginan sa Diyus.

2 Pidru 3:17

Taynguna duy manga patar-ari, alam yi niyu kailangan kamu pagmaingat barang kamu patalangun manga daut pag tawu kanda tudlu unman may katutuuhanan. Nu katunda kamu marig-un di, dayu gid mapuil.

Hudas 1:4

Dahil may manga tawu napalakay sa kanyu unman sida sakup sa Diyus. Binaliktad ngap nida kay pakaun Diyus kaayadan bag-u ilinubus nida kanda buwat kalukuhan. Pagdayuun nida si Hisu-Kiristu kanta ngap Pangulu ag Panginuun. Kaybi di waya sinabi yi sa Banal Kasuratan magkun, may parusa nakahanda sa kanda.