2 Pidru 2:3 - Hanunuu

³ Manga maramuun sida, nakan magpabalhinguun sida sa kanda tudlu hampay sida pakan-an niyu kuwarta. Ginan waya sa kabag-u ihinanda yi ti sintinsiya sa kanda, alistu yi sumintinsiya.

2 Pidru 2:3 Iomraidhean Croise

Hub 6:27

Hayga, matadlung aw lugud kamu? Magkabwat ngani niyu ti usa ka ilu buwatun usa ka suruguun, aw ngatay ipabili ti usa ka kakilala!

Kanta 18:44

Mag-asaydan di waya nida aku, magluhud sida sa kadalaan, ag rargu magsunud sa kang sugu.

Kanta 66:3

Sabihi niyu siya, “Diyus, makadululaw gid kanmu manga buwat. Dahil sa kanmu daka pag kamaskihan, kanmu manga kalaban magluhud sa kanmu sa kadalaan.

Kanta 81:15

Ti manga magkagalit sa kangku, manluhud sa kangku sa kadalaan. Kanda parusa unman may katapusan.

Isayas 5:19

Pagsabihun waya niyu, “Daldaliun mana Banal pag Diyus Israil buwatun ti pagsabihun niya pag parusa hampay makitan yi nimi. Pagtutuu mana kay gayak, hampay maalaman nimi inda.”

Isayas 56:11

Ga manga idu sida daluk ud magkabsug. Ti manga manugbantay Israil unman may intindi. Ti kada usa sa kanda magbuwat una lang hintay kanda gustu buwatun. Sadili lang ikaayad ti kanda pagpabalagan.

Isayas 60:22

Pira-pira sida, dapat yumamu di. Manga pugri sida, dapat ingarnan sida makapangyarihan pag nasyun. Aku, ti Panginuun, ti bumuwat inda sa pagras-ug hustu pag kaudasan.”

Hirimyas 6:13

“Ginan sa pinakapugri tugka sa darayawun, pararihu lang sida manga maramuun sa kuwarta. Una ti manga purupita ag manga manughandug manga manugdaya diman.

Hirimyas 8:10

Nakan ipakaun niku sa iba kanda manga asawa hanggan manga tanman. Dahil ginan sa pugri tugka sa may kaya pararihu nagbaliw maramuun sa kuwarta, hanggan yi ti manga purupita ag manga manughandug.

Isikil 13:19

Paglabagun niyu aku sa atubangan niku nasakupan dahil lang sa pira ka akup sibada ag pira ka bilug tinapay. Sa panab-anan niyu pamudil, pagkumnun niyu mamatay ti balaw dapat mamatay, ag pagkumnun diman niyu balaw mamatay ti dapat mamatay. Ag magpaniwala kang nasakupan sa kanyu kapudilan.

Mikas 3:11

Pagkampihan niyu sa hukuman ti manga magpakaun suhul sa kanyu. Ag kamu pag manga manughandug magtudlu lang nu pagbayadan. Katunda diman kamu pag manga purupita, maghula lang kamu nu may kuwarta. Magsarig waya kamu awatan Panginuun, dahil magkun kamu, ‘Kaibahan di nimi ti Panginuun. Nakan unman may una hintay pag kadautan ti rumas-ug sa kanmi.’

Habakuk 3:3

“Kawu ti Banal pag Diyus rumas-ug ginan sa Timan ag sa Bantud Paran. Kanmu kamaskihan makitan sa kalangitan, nakan dayawun kawu manga tawu sa kalibutan.

Malakyas 1:10

Magkun ti Panginuun Makamaskihan, “Mana may usa sa kanyu sa manga manughandug ti tumalakup sa manga sabian niku Balay, hampay balaw yi kamu magpamakut unman may pulus pag apuy sa kang harandugan. Balaw niku tanggapun kanyu manga handug, dahil balaw aku magbaya sa kanyu.

Matiyu 23:14

“Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Pagtabuhun niyu ti kasiyunan manga buranday dapat magpadayaw-dayaw diman kamu sa kanyu magdarangin araba. Dahil sa katida lalu waya mabuyat aban pag parusa sa kanyu!

Lukas 18:8

Pagsabihun niku sa kanyu, madali gid siya umawat sa kanda hampay may matarung. Dapat nu bumalik aban ti Anak Tawu may mag-akitan aw nguna siya aban manga tawu magsarig sa kanya sitay sa babaw daga?”

Lukas 20:20

Nakan nag-alagad waya sida. Sinugu nida manga tawu kanda inupahan hampay mamabalhinguun pag paingana sa kan Hisus hampay pasalanun siya sa kay bagaw bag-u ipabahala nida siya sa kapangyarihan gubirnadur.

Lukas 22:47

Magbagaw di waya si Hisus, inda yi ti kadamlan tawu. Ti usa sa sampulu may duwa ka tuludluan, si Hudas ngani ti nag-iba sa kanda. Nagpakarani si Hudas sa kan Hisus hampay kay arkan.

Huwan 2:16

Sinabihan niya ti manga magpabili kalampati magkun, “Bul-a niyu tunda atay ginan. Danga yi niyu pagbuwata palingkihan ti balay niku Ama.”

Ruma 16:18

Ti katunda pag manga tawu unman magsirbi sa kan Kiristu sa kanta Panginuun, bagkus ngap pag-intindihun lang nida kanda sadili kailangan. Pagdayaun nida ti manga kurang sa kinaalman sa panab-anan marahusay ag mararinu nida pamagaw.

2 Kurintu 2:17

Balaw kami parihu sa iba, magkaibug sida pag may bayad sa kanda magtudlu Bagaw Diyus. Bagkus ngap kami magtupad sa kay isinugu Diyus magtudlu gid kay bagaw sa atubangan Diyus dahil sa kanmi magpakiusa sa kan Kiristu.

Diyuturunumiyu 24:17

“Pakan-an niyu matarung ti manga ilu hanggan ti manga balaw Israilita mag-ulian kaibahan niyu. Danga niyu pag bul-a ti kulimpay buranday babayi bilang pilinda sa kay utang.

Diyuturunumiyu 32:35

Nagbagaw siya, “Aku ti bumalus ag pumarusa sa kanda, dahil rumas-ug ti kaudasan miligsay gid sida. Arani yi rumas-ug kanda kadamhakan. Balaw yi inda dugay.”

1 Tisalunika 2:5

Alam diman waydi niyu sa kanmi pagtudlu kaybi balaw kami magpakakit-kakit lang sa atubangan manga tawu ag alam di Diyus sa kanmi pagtudlu kaybi unman diman waydi kami may pag-itagu ugali maramuun.

1 Tisalunika 5:3

Nu pagkumnun manga tawu, “Kita may kahusayan unman may pagkadalaan!” tunda ngap bigla pag mangyari ti kadamhakan. Dayu gid sida umiwas dahil inda mangyari parihu sa udas nu magpanamdam ti babayi manganak.

1 Timutiyu 3:3

Kailangan unman maraibgun siya sa irinmun makalangu, balaw diman arisgadu, kailangan pag maalumanay ngap siya, maraibgun sa kahusayan, danga maraibgun sa kuwarta.

1 Timutiyu 3:8

Tungkul maan sa manga magsirbi sa iglisya, kailangan sida mabuut pag manga tawu, danga pudilun, balaw marainum sa makalangu, balaw maraibgun sa kayamanan.

1 Timutiyu 6:5

ag aratwan manga tawu alangan kay pag-iisip ag unman magkilala sa katutuuhanan, manga maghantup kuntay ti surundanun sa ikayaman lang nida.

Titu 1:11

Kailangan sida amparahan sa kanda maglaban hanggan magdaya, dahil pagguluhun nida ti manga magtal-anakan. Basta sida sa kumakit lang kuwarta, pag-itudlu nida ti unman kailangan itudlu.

Titu 1:7

Kailangan gid unman may ikasabi sa manug-asiwa iglisya. Ti manug-asiwa iglisya imaw ti piniyaran buruwatun Diyus. Kailangan siya unman palabi-labihun, unman waydi arisgadu, balaw maglangu, balaw magalitun, balaw daluk,

1 Pidru 2:8

Ag “Ibinugtang ti usa ka batu karadayaanun, laun pagka batu kanda matalakpahan.” Ga nadayaan yi ngani sida, dahil unman sida naniwala sa Bagaw Diyus. Tunda yi ngani ti inalistu para sa kanda.

1 Pidru 5:2

Kang gid bilin sa kanyu alagaan niyu ti manada Diyus kay iinintirga sa kanyu. Tupada niyu kanyu buruwatun pag may maluag pag naisipan, balaw sa nalugusan kanyu kagustuhan. Dahil tunda ngani kay gustu Diyus. Tupada ngani niyu kanyu katungkulan danga magkaibug sa may pakasa, lalu ngap pag may kabayaan kanyu magsirbi.

2 Pidru 1:16

Dahil pagka kanmi ipinakilala sa kanyu ti kamaskihan nita Panginuun Hisu-Kiristu hanggan kay pagras-ug niya aban unman gid nimi itinudlu sa kanyu ti manga pinathaw lang pag tultulanun. Nakitan ngap nimi mata kay kamaskihan.

2 Pidru 2:1

Dapat kaybi may naglutaw diman sa nasakupan Israil manga pudilun pag purupita. Una sa kanyu may lumutaw diman aban manga pudilun pag manga manugtudlu. Itudlu nida sa lihim kanda salan pag manga adal, imaw tigdaut sa pagsarig manga tawu, pagdayuun nida ti Panginuun ti naglukat sa kanda. Nakan ngani bigla sida ipadamhak sa kamatayan.

2 Pidru 2:9

Ti Panginuun madunung magparibri sa manga lubus napasakup sa kanya nu may malakawan sida subuk. Madunung waydi siya sa manga unman matadlung hampay sida maparusahan hanggan sa udwaya udas sintinsiya.

Hudas 1:11

Madala gid kanda patabgan dahil naghuwad sida sa kay ugali ni Kain. Parihu sa kan Balaam sinukmahan nida ti kadautan basta may matanggap sida kuwarta. Parihu ga kan Kura, sa kanda maglaban sida midamhak aban.

Hudas 1:15

hampay ti tanan manga tawu pilahun ti daut ti mayad, ag hampay parusahan ti tanan unman magkilala sa Diyus, dahil sa tanan nida buwat daut ag dahil sa kanda magmuransa sa Diyus. Unman sida mag-alaala sa Diyus, unman diman magkadala sa kanya.”

Hudas 1:16

Tunda pag manga tawu maraibgun yi lang gid sa kasiyunan, manga mag-isip lunsay makuri, udyi mag-iblag kay naisipan ginan sa kay buwat daut pag kagustuhan, manga padayaw-dayawin, madunung magpalana magbagaw hampay mab-ul lang kanda pagkaibgan.

Hudas 1:4

Dahil may manga tawu napalakay sa kanyu unman sida sakup sa Diyus. Binaliktad ngap nida kay pakaun Diyus kaayadan bag-u ilinubus nida kanda buwat kalukuhan. Pagdayuun nida si Hisu-Kiristu kanta ngap Pangulu ag Panginuun. Kaybi di waya sinabi yi sa Banal Kasuratan magkun, may parusa nakahanda sa kanda.

Hudas 1:7

Isipa diman niyu ti banwa Suduma hanggan ti banwa Gumura ag kay manga kaarani pag banwa. Nagumun diman sida sa manga mahalay pag buwat hanggan sa kalukuhan nakan sida pinarusahan sa apuy unman may katabuhan, bilang ga usa ka paalaala sa tanan tawu.