2 Pidru 2:2 - Hanunuu

² Mayamu pag tawu sumunud aban sa kanda manga buwat makakaray-a, ag dahil sa kanda buwat daut puyaan yi ngap manga tawu ti mayad pag katutuuhanan ginan sa Diyus.

2 Pidru 2:2 Iomraidhean Croise

Gimpuunan 19:5

Tinawag nida si Lut ag pinaingana, “Naan yi kanmu manga manugsabang lalaki rinmas-ug taynguna pag yabi? Palwasan sida dahil gustu nimi sida ulidun.”

Kanta 18:21

Dahil pagsundun niku kanmu manga kagustuhan ag unman aku napablag sa kanmu, Panginuun niku Diyus.

Isayas 35:8

Magkaimaw laun pag baklayan sa pangawakawaan ag tida ingarnan, “Banal pag Baklayan.” Unman may makasalanan ngatay unman may namuangan ti makalakaw siti. Nu ud ti manga magsunud lang sa Panginuun.

Hirimyas 6:16

Inda waya ti pagsabihun Panginuun, “Pagtindug kamu sa pagsalakan dalan bag-u pagbantay kamu kaayad. Pagpaingana nu naan ti dalan ag mayad lakawan, bag-u ati kamu pag lumakaw. Ag magkaimaw kamu kahusayan. Dapat ay magkun kamu, ‘Dayu kami manlakaw siti.’

Matiyu 22:16

Nakan sinugu nida kanda manga tuludluan hanggan manga napakampi sa kan Hirudis, sinabi nida sa kan Hisus, “Maisturu, alam nimi kawu matinupadun. Pag-itudlu nimu ti buu katutuuhanan hampay tupadun manga tawu ti kagustuhan Diyus. Unman kawu magkadala una sa kantapu pag tawu, dahil kawu balaw may pag-apihun.

Matiyu 24:24

Dahil may pumabalhinguun aban kuntay siya yi ngani ti Pinili Diyus Manugribri pag Hari. May lumuwang manga pudilun pag purupita. Pumakakit sida manga makadululaw pag tanda hanggan manga lilingutan pag manga buwat hampay nu mahimu lang, patalangun nida hanggan ti manga pinili Diyus.

Matiyu 7:14

Dapat diit lang ti sabian ag makuri pag dalan tabug sa buhi, balaw mayamu pag tawu ti maglakaw siti pag dalan.”

Markus 12:14

Nag-ati sida sa kan Hisus bag-u kanda sinabi sa kanya, “Maisturu, alam nimi kawu matinupadun. Unman kawu magkadala una sa kantapu pag tawu dahil kawu balaw may pag-apihun. Alam nimi pag-itudlu nimu ti buu katutuuhanan hampay pagtupadun manga tawu ti kagustuhan Diyus. Angay aw nguna sa Kasuguan Diyus nu bumuhis ti tawu sa Pangulu Hari aw ngatay unman? Ngatay kailangan mamuhis kami, aw ngatay unman?”

Markus 13:22

Dahil may manga pumabalhinguun aban kuntay siya yi ngani ti Pinili Diyus Manugribri pag Hari ag may lumuwang manga pudilun pag purupita. Pumakakit sida manga makadululaw ag lilingutan pag tanda hampay nu mahimu lang patalangun nida hanggan ti manga pinili Diyus.

Huwan 14:6

Sinmagut si Hisus sa kanya magkun, “Aku ti dalan, ti katutuuhanan, ti buhi. Ginan lang sa kangku pag makaati ti tawu sa Ama.”

Binwat 13:10

bag-u kay sinabi magkun, “Kawu parihu sa diyablu kanmu ugali. Maglaban kawu sa tanan kaayadan, pasay yi sa kadayaan hanggan sa kalukuhan. Hayga lugud pirmi gustu nimu pagbaliwun kapudilan ti katutuuhanan tungkul sa Panginuun?

Binwat 14:2

Dapat may manga Hudiyu nagdayu sumarig sa kan Hisus. Pagka dugay inudyukan nida ti manga balaw Hudiyu hampay lumaban sa manga patar-ari.

Binwat 16:17

Magpakadasun tunda pag babayi suruguun sa kanmi ni Pablu magpakatawag magkun, “Inda pag manga tawu ti suruguun Diyus Makamaskihan sa tanan. Magtudlu sida sa kanyu nu kabitay kamu pag makakit karibrihan.”

Binwat 18:26

Una sa simbahan manga Hudiyu unman magkadala si Apulus magpaliwanag sa manga tawu. Pagka nadnugan nida ni Pirisila ni Akila kay paliwanag ni Apulus, tinaban nida siya tag sa kanda balay bag-u lalu waya malinaw pag ipinaliwanag nida sa kanya ti tungkul sa dalan Diyus.

Binwat 19:9

Dapat ti iba sa kanda maganit gid kanda tagipusuun, nagbugya sida maniwala. Sa atubangan kayamuan tawu nagbagaw waya sida daut tungkul sa ugali buhi kay itinudlu Panginuun. Nakan tinayakan yi lang sida ni Pablu. Tinaban niya ti manga nagsarig sa kan Hisus bag-u ati sa balay gadayan ni Tiranu nagpaliwanag siya sa manga tawu sirang-sirang.

Binwat 22:4

Inunu-unu niku ti manga magsunud sa inda pag bag-u ugali buhi, kang waya pinanmatay. Ipinapirisu niku sida una lalaki una babayi.

Binwat 24:14

Unman duy pag-itanggi niku kang magsamba sa Diyus nimi manga ginurang angay ngani sa surundanun kanda pagkumnun salan. Dapat ay magpatutuu diman aku sa tanan nipalat sa Kasuguan ni Muysis hanggan sa tanan isinurat sa Ribru manga Purupita.

Ruma 2:24

Nakan ngani nisurat sa Kasuratan magkun, “Ti ngaran Diyus pagpuyaan manga balaw Hudiyu dahil sa kanyu.”

1 Timutiyu 5:14

Nakan ngani nu sa kangku, mayad waya nu mangasawa maan ti manga buranday nu udwaya dugay kay idad hampay magkaanak bag-u nu alagaan nida kanda sadili magtal-anakan hampay unman may ikalibak ti manga maglaban sa kanta.

Titu 2:5

Pagpirmi sida maalumanay, pagmalinis kanda manga ugali, pagmasipag sa buruwatun sa sulud balay, pagkaayad kanda manga nabubut-un, pagpasakup sida sa kanda manga asawa hampay unman may pag-ilibak ti manga tawu laban sa Bagaw Diyus.

Titu 2:8

Pagpirmi gid hustu angay sa katutuuhanan ti kanmu pagsabihun hampay unman may ikasabi una si unu sa kanmu pagbagawun. Nu katida mangay-a kanta manga kalaban dahil unman may tultulun sida laban sa kanta.

1 Pidru 2:12

Kailangan pag may kaayusan kanyu ugali sa karaw-an manga unman magsarig sa Panginuun. Una abi kamu kanda pagbangdanan sa buwat daut, makitan di nida kanyu mayad pag buwat hampay dumayaw di aban sida sa Diyus nu kaudasan yi karas-ugan ni Kiristu.

2 Pidru 2:12

Dapat ay tunda pag pudilun pag manga manugtudlu parihu sa manga hayup simarun unman may buut, nianak sida hampay dakpun ag matyun. Ti manga bagay unman magkasalman nida imaw ngap ti kanda paglapastanganun, nakan parihu sa manga simarun hayup sida ipadamhak diman.

2 Pidru 2:15

Tinmalang sida ginan sa mayad pag dalan. Hinuwadan nida kan Biur anak si Balaam. Kinaibgan diman ni Balaam kay upa sa kay buwat kadautan.

2 Pidru 2:18

Palabi-labihun sida nu magbagaw dapat unman diman may kahulugan ti kanda pagsabihun. Kanda garamitun kanda daut pag kagustuhan naisipan hampay maudyukan bumalik maan sa kadautan ti manga bag-u lang magpakarayu sa manga tawu daut kay ugali.

2 Pidru 2:21

Mayad waya mana nu ud nataw-an nida ti matadlung pag dalan. Masyadu gid makuri ti tawu nu nataw-an niya ti banal pag kasuguan iinintirga sa kanya bag-u kay di maan tinayakan.

2 Pidru 2:7

Dapat irinibri niya si Lut dahil siya matadlung. Irinuku gid ni Lut ti mahalay pag ugali manga magbuwat kadautan.

Hudas 1:10

Dapat tunda pag manga tawu magmuransa ngap sa unman nida magkasalman. Ti manga bagay kanda yi nataw-an parihu ga manga hayup unman may buut, imaw yi kanda paggamitun sa ikadamhak nida.

Hudas 1:15

hampay ti tanan manga tawu pilahun ti daut ti mayad, ag hampay parusahan ti tanan unman magkilala sa Diyus, dahil sa tanan nida buwat daut ag dahil sa kanda magmuransa sa Diyus. Unman sida mag-alaala sa Diyus, unman diman magkadala sa kanya.”

Hudas 1:4

Dahil may manga tawu napalakay sa kanyu unman sida sakup sa Diyus. Binaliktad ngap nida kay pakaun Diyus kaayadan bag-u ilinubus nida kanda buwat kalukuhan. Pagdayuun nida si Hisu-Kiristu kanta ngap Pangulu ag Panginuun. Kaybi di waya sinabi yi sa Banal Kasuratan magkun, may parusa nakahanda sa kanda.

Hudas 1:7

Isipa diman niyu ti banwa Suduma hanggan ti banwa Gumura ag kay manga kaarani pag banwa. Nagumun diman sida sa manga mahalay pag buwat hanggan sa kalukuhan nakan sida pinarusahan sa apuy unman may katabuhan, bilang ga usa ka paalaala sa tanan tawu.

Ipinakakit 12:9

Ti laun pag daragun imaw yi ti pagkumnun gurangun pag ulay, kay ngaran diyablu, imaw ti pagkumnun si Satanas, imaw tigdaya sa bilug kalibutan. Ayinmut siya atag sa daga hanggan kay manga kakampi pag manga anghil ayinmut waydi.

Ipinakakit 13:14

Dinaya niya ti tanan tawu sa babaw daga dahil sa manga tanda ipinabuwat sa kanya sa atubangan usa ka hayup malangas. Nagarya niya ti manga tawu hampay bumwat tawu-tawu ga hayup malangas, imaw ti nabiyagan baladaw dapat nag-ayad di maan.

Ipinakakit 13:8

Sumamba sa kanya ti tanan tawu magkabuhi sa babaw daga, purya lang ti manga tawu kay ngaran nisurat yi sa ribru kabuhian ginan waya sa pagkalalang kalibutan. Tunda pag ribru kay apu ti Anak Karanidu imaw ti minatay.