2 Pidru 2:19 - Hanunuu

¹⁹ Bilang madi sida magsabi sa manga tawu kanda pagbutungun kuntay udyi kunu may umampara sa kanda kagustuhan, dapat sida yi ngap maaw ti panawuhun kalukuhan. Dahil ti tawu sumirbi sa una hintay tigsakup sa kanya.

2 Pidru 2:19 Iomraidhean Croise

Isayas 28:1

Kaawaawa ti Samarya, parihu sa sangbaw busang kayu kadayawan manga manuglangu pag takinan manga taga Israil. Ti banwa Samarya sa maabunda pag karatagan, dapat kay karinuan madura parihu sa busang magkarubay.

Hirimyas 23:9

Magkarunut kang tagipusuun dahil sa manga pudilun pag purupita. Pagtakigan hanggan kang manga but-ul, ga langu aku dahil sa banal pag tultulanun Panginuun laban sa kanda.

Libitiku 13:8

Nu ungud tutuu nan-amat kay garis, ipaalam maan manughandug kuntay mauring siya dahil may imaw siya magmaliw pag sakit sa lukub.

Huwan 8:34

Sinabi ni Hisus sa kanda magkun, “Ungud duy kang pagsabihun sa kanyu, panawuhun ngap kasalanan ti kada tawu magbuwat kasalanan.

Binwat 19:16

Bag-u dinuksulan sida tawu inapuan labang, nangaragpu talu sida. Nalkas kanda manga rutay, nangabiyagan sida nalagiw ati ginan pag balay.

Galasya 5:1

Linukat kita ni Kiristu hampay kita balaw yi panawuhun Kasuguan. Pagpakarig-un ngani kamu danga yi kamu magpasnu buwatun maan panawuhun.

Galasya 5:13

Manga patar-ari, pinili kamu hampay balaw panawuhun Kasuguan. Pagka kainda kamu balaw yi panawuhun, danga waydi pasibut-an yi lang niyu ti daut kagustuhan niyu naisipan. Kailangan ngap pasibut-an niyu kanyu pagmahal, hampay magsirirbihan kamu sa usa kag sa usa.

2 Timutiyu 2:26

Nu katunda marayawan kanda naisipan hampay makakalpas sa dit-ag diyablu imaw ti nagbutung sa kanda.

Titu 3:3

Nu kaybi waya kita diman nagsimray sa dalan, kurang kita sa intindi, manga palasupladu kita, ga panawuhun kita nita sadili kagustuhan naisipan hanggan tanan kalasi kasayahan. Ati katpung may ugali diman kita magkutub ag maghamnu galit ag pirmi kita kinagalitan manga iba. Nagkalagalitan diman kita sa usa kag sa usa.

1 Pidru 2:16

Kamu manga irinibri yi, dapat una kamu may karibrihan danga waydi niyu buwatun purun-an buwat daut, kailangan ngap pagga manga panawuhun Diyus kanyu ugali.

2 Pidru 1:4

Sa katida pag paraan masyadu gid mahalaga kay manga itinaratu sa kanta hampay makaiwas kamu sa kadautan ginan sa kutub kahalayan sitay sa kalibutan, ag hampay hurayan kamu kay pagka-Diyus.

2 Pidru 2:20

Nakaiwas yi sa kadautan kalibutan ti manga tawu nakakilala sa kan Hisu-Kiristu sa kanda Panginuun Manugribri. Dapat ay nu maraibgun maan sida sa daan pag ugali daut bag-u nu rargu napatalu, lalu man makuri kanda kahamtangan balaw lang ga sa kabag-u.