2 Pidru 2:17 - Hanunuu

¹⁷ Tunda pag manga manugtudlu pudilun parihu ga manga bubun nak-at, parihu sa manga rurum pag-ipayag durus. Hinandaan sida Diyus ulian sa basad piris pag dulum.

2 Pidru 2:17 Iomraidhean Croise

Hirimyas 14:3

Sinugu manga mayaman kanda manga panawuhun kuntay pagtaas danum. Nag-atag ngani sida sa manga bubun dapat ay unman may danum ati. Nakan nagbalik sida unman may sukad kanda manga sukadan, ag pinatumungan nida kanda ulu dahil sa masyadu pag kay-a.

Husyas 6:4

Dapat magkun ti Panginuun, “Israil hanggan Huda, hintay kang buwatun sa kanyu? Kanyu pagmahal sa kangku madali lang magkadura parihu sa anitay ngatay tun-ug sa surip.

Matiyu 22:13

Bag-u sinabi hari sa manga suruguun magkun, ‘Gapusa niyu kay manga lulud hanggan kamang bag-u iyamut niyu siya tag sa madlum sa luwas. Ati sida magnguruynguyan ag mangubut kanda manga ngipun.’ ”

Matiyu 25:30

Iyamut niyu atag sa luwas, atag sa kaduluman ti panawuhun unman may kasanyugan. Ati siya man-nguynguy ag mangubut kay manga ngipun.”

Matiyu 8:12

Dapat mayamu sa manga linahi ni Israil manga sakup mana sa kaharian Diyus tulakun ngap tag sa luwas sa kaduluman. Ati aban sida manlulumian ag man-ngararutan kanda manga ngipun.”

Ipisu 4:14

Bukun yi kita parihu ga manga anak di waya daradarahan sa una hintay ti pag-itudlu. Balaw kita parihu sa manga sarakyan sa dagat paglangkiangun humbak, pag-ipadpad durus. Udyi kita madaya manga tawu kay ibug daran-un kita tag sa kadautan.

Hibriyu 12:18

Balaw kamu ga manga Israilita kaybi sa kanda nagpakarani sa Bantud Sinai. Nakitan gid nida ati ti apuy maglabdab sa pingit pag kadudulman, nadnugan nida kay hagunung untug.

2 Pidru 2:4

Unman pinatawad Diyus ti manga anghil. Bagkus ngap pagka sida nagkasala iyinmut sida atabug sa kaabasad-basadan, pinirisu sida sa basad piris pag madlum hampay mag-alagad sa sintinsiya.

Hudas 1:6

Isipa diman niyu tunda pag manga anghil ti naglakbang sa kanda sadili kahamtangan. Tinayakan ngap nida kanda sadili kahamtangan. Sida ginapus Diyus tunda unman magkabugtas pag tarikada pinirisu sa masyadu kadudulman hanggan sa udway kaudasan sintinsiya.