2 Pidru 2:11 - Hanunuu

¹¹ Dapat ay madi ti manga anghil lalu waya mabisug kanda kapangyarihan, unman sida magganti maisug bagaw, unman magsumbung sida sa Panginuun laban sa tunda pag manga pudilun pag manga manugtudlu.

2 Pidru 2:11 Iomraidhean Croise

Kanta 103:20

Dayawa niyu ti Panginuun, kamu pag makapangyarihan niya pag manga anghil magpatingi ag magsunud sa kay manga bagaw.

Kanta 104:4

Pagbuwatun nimu ti durus kanmu manga manugbarita, ag ti maglabdab apuy kanmu manga suruguun.

Danyil 6:22

Unman aku inunu manga liyun, dahil nagpadara kang Diyus manga anghil hampay hirumun ti bibig manga liyun. Binwat inda Diyus dahil alam niya matadlung kang buhi ag unman aku may nabwat daut laban sa kanmu.”

Markus 7:22

ti magpamabayi, ti magpanlalaki, ti maghirak, ti manga kadautan, ti magdaya, ti pasay daut pag kagustuhan, ti daut pag naisipan ginan sa kahirakan, ti manga magmuransa, ti palabi-labihun, ti kalukuhan.

2 Tisalunika 1:7

Kamu ti manga nag-agwanta pakan-an niya kahusayan hanggan kami sa kay pagbalik Panginuun Hisus ginan sa langit kaibahan niya kay manga makapangyarihan pag manga anghil.

Hudas 1:9

Sa kanda katpung magtalaluhan diyablu tungkul sa bangkay ni Muysis ti pangulu anghil si Mikail unman nagpanghas nagbangdan sa diyablu. Sinabi lang niya sa diyablu, “Tamyawun kawu Panginuun.”