2 Pidru 2:1 - Hanunuu

¹ Dapat kaybi may naglutaw diman sa nasakupan Israil manga pudilun pag purupita. Una sa kanyu may lumutaw diman aban manga pudilun pag manga manugtudlu. Itudlu nida sa lihim kanda salan pag manga adal, imaw tigdaut sa pagsarig manga tawu, pagdayuun nida ti Panginuun ti naglukat sa kanda. Nakan ngani bigla sida ipadamhak sa kamatayan.

2 Pidru 2:1 Iomraidhean Croise

1 Hari 22:6

Nakan ipinatawag ni Akab ti manga purupita — manga 400 sida tanan ag pinaingana, “Atabug aw kami sa Ramut Gilyad ngatay unman?” Sinmagut sida, “Sigi, paglakaw kamu, dahil papanaluhun kamu Panginuun!”

Pag-ighit 15:16

Tutuu, dalaun gid sida. Sa panab-anan nimu bantug pag kamaskihan, bumaliw sida ga batu unman makatandug, tugka sa makalawuy kanmu irinibri pag nasakupan, Panginuun.

Isayas 9:15

Kay ulu imaw ti manga takinan ag manga paggalangun pag tawu, kay ikug imaw ti manga pudilun pag purupita.

Hirimyas 29:21

Inda ti pagsabihun Panginuun Makamaskihan, ti Diyus Israil, tungkul sa kanda ni Akab kay anak ni Kulaya ag Sidikyas kay anak ni Maasiyas, “Nagbagaw sa kanyu kapudilan inda pag manga tawu sa ngaran niku. Nakan ngani ipakaun niku sida sa kan Hari Nabukudunusur sa Babilunya, bag-u sida kay ipamatay sa atubangan ngapu niyu.

Hirimyas 37:19

Naan yi ti manga purupita niyu naghula balaw girahun hari Babilunya inda pag banwa?

Hirimyas 6:13

“Ginan sa pinakapugri tugka sa darayawun, pararihu lang sida manga maramuun sa kuwarta. Una ti manga purupita ag manga manughandug manga manugdaya diman.

Karukuan 2:14

Ti manga barita niyu manga purupita bukun tutuu, unman may kabuluhan ag magpatalang sa kanyu. Unman nida itinultul kanmu kasalanan hampay balaw mana kawu mabihag.

Husyas 9:8

Bilang purupita, pag-ibahan aku niku Diyus sa paggiya sa kanyu manga taga Israil. Dapat una naan tag aku gustu niyu aku ipadamhak; parihu aku sa manuk kanyu pagkaibgan sudkun. Magkagalit sa kangku ti manga tawu sa Israil, ti pagkilalan-un Diyus kay ulian.

Mikas 2:11

Kanyu pagkaibgan pag manugbarita imaw ti manugbarita unman may pulus, maradaya, pudilun, ag kaindaay kay pagsabihun: ‘Umabunda kamu sa intus ag sa iba waya pag manga irinmun.’ ”

Mikas 3:11

Pagkampihan niyu sa hukuman ti manga magpakaun suhul sa kanyu. Ag kamu pag manga manughandug magtudlu lang nu pagbayadan. Katunda diman kamu pag manga purupita, maghula lang kamu nu may kuwarta. Magsarig waya kamu awatan Panginuun, dahil magkun kamu, ‘Kaibahan di nimi ti Panginuun. Nakan unman may una hintay pag kadautan ti rumas-ug sa kanmi.’

Mikas 3:5

“Inda waydi ti pagsabihun Panginuun tungkul sa manga purupita magdaya sa kay manga nasakupan, magtaratu mayad pag kahamtangan sa manga magsagpun sa kanda, dapat pagpadalaun nida sa kadamhakan ti dayu magsagpun sa kanda.

Malakyas 3:5

Magkun ti Panginuun Makamaskihan sa manga Israilita, “Rumas-ug aku hampay parusahan kamu. Kumastigus rargu aku sa manga manugsalumangka, sa manga magpanguragin, sa manga magkastigus sa pudil, sa manga maglugi sa mag-upa sa kanda manga manugtarabahu, sa manga mag-api sa buranday babayi ag sa manga ilu, hanggan sa manga magbaliwala sa karampatan manga balaw Israilita mag-ulian kaibahan niyu. Buwatun niku inda sa kanyu sa manga unman magsunud sa kangku.”

Matiyu 10:33

Dapat ti magtanggi sa kangku sa atubangan manga tawu, itanggi diman niku sa atubangan niku Ama sa langit.”

Matiyu 24:11

Mayamu aban ti pumabalhinguun kuntay purupita bag-u patalangun nida ti kayamuan.

Matiyu 24:24

Dahil may pumabalhinguun aban kuntay siya yi ngani ti Pinili Diyus Manugribri pag Hari. May lumuwang manga pudilun pag purupita. Pumakakit sida manga makadululaw pag tanda hanggan manga lilingutan pag manga buwat hampay nu mahimu lang, patalangun nida hanggan ti manga pinili Diyus.

Matiyu 24:5

Dahil mayamu ti sumitay mag-apu kang ngaran magsabi, ‘Aku ti Pinili Diyus Manugribri pag Hari.’ Mayamu kanda patalangun aban.

Matiyu 7:15

Magkun si Hisus, “Pag-aman kamu sa manga pudilun pag purupita. Magpakarani sida sa kanyu ga bilang karanidu kanda histuda dapat nu sa kay tutuu sida ga manga maisug pag simarun idu.

Markus 13:22

Dahil may manga pumabalhinguun aban kuntay siya yi ngani ti Pinili Diyus Manugribri pag Hari ag may lumuwang manga pudilun pag purupita. Pumakakit sida manga makadululaw ag lilingutan pag tanda hampay nu mahimu lang patalangun nida hanggan ti manga pinili Diyus.

Lukas 12:9

Dapat ti magtanggi sa kangku sa atubangan manga tawu, itanggi diman waydi siya Anak Tawu sa atubangan manga anghil Diyus.

Lukas 21:8

Bag-u nagsabi si Hisus magkun, “Pag-aman gid kamu sa unman gid kamu patalangun dahil mayamu ti sumitay mag-apu kang ngaran magkun, ‘Aku yi ngani. Inda yi ti kaudasan’ Danga kamu magsunud sa kanda.

Lukas 6:26

Kaawaawa kamu nu pagbayaun tanan tawu, dahil katida waydi binaya nida manga ginurang ti manga pudilun pag purupita.”

Ruma 16:18

Ti katunda pag manga tawu unman magsirbi sa kan Kiristu sa kanta Panginuun, bagkus ngap pag-intindihun lang nida kanda sadili kailangan. Pagdayaun nida ti manga kurang sa kinaalman sa panab-anan marahusay ag mararinu nida pamagaw.

1 Kurintu 11:19

Siguru pihu balaw parihu kamu tanan sa kanyu pagsarig, hampay burayhaw ngap sa kanyu ti manga ungud magsarig sa Panginuun.

1 Kurintu 6:20

dahil kamu binili yi sa halaga. Nakan gamitun niyu kanyu bilug sa ikadayaw sa Diyus.

1 Kurintu 7:23

Binili kamu Diyus sa daka pag halaga. Danga yi maghingbut kamu hampay panawuhun maan kaparihu tawu.

Galasya 2:4

Bilang madi may manga tawu magpabalhinguun kuntay manga patar-ari, kanda mana gustu turiun si Titu. Magpalakay-lakay waydi sida hampay sulayun nu kabitay kita irinibri ni Kiristu Hisus ginan sa Kasuguan ni Muysis. Kanda gustu kami buwatun panawuhun sa inda pag Kasuguan.

Galasya 3:13

Pagka inaku ni Kiristu ti saad sa kanta, kita linukat yi niya ginan sa saad Kasuguan. Dahil isinurat sa Banal Kasuratan magkun, “Sinaadan ti kada tawu ibinitay sa puun kayu.”

Galasya 4:17

Masipag mana tunda pag manga tawu sa kanyu, dapat balaw gid sa kaayadan kay turunu. Kanda gustu lang kamu mapakarayu ginan sa kangku hampay sa kanda pag pumasakup.

Galasya 5:20

ti magsamba sa diyus-diyusan, ti magpadaya, ti magkutub daut, ti magkagalit, ti mag-imun, ti magkaradat-an, ti maramuun, ti magkinanya-kanya yi isip, ti mag-arapinan,

Ipisu 1:7

Irinibri kita ni Kiristu sa panab-anan niya dugu, ag pinatawad yi kanta manga kasalanan. Ungud gid makadululaw kay mayad pag nabubut-un Diyus,

Ipisu 4:14

Bukun yi kita parihu ga manga anak di waya daradarahan sa una hintay ti pag-itudlu. Balaw kita parihu sa manga sarakyan sa dagat paglangkiangun humbak, pag-ipadpad durus. Udyi kita madaya manga tawu kay ibug daran-un kita tag sa kadautan.

Diyuturunumiyu 32:6

Kainda aw kanyu ibalus sa Panginuun? Manga paung-paung gid kamu ag kurang sa intindi. Balaw aw lugud siya kanyu Ama, ti naglalang sa kanyu?

Pilipus 3:19

Kanda aban ras-ugan sa kaparusahan sa impirnu, dahil kanda sadili kailangan imaw kanda pinagkadiyus. Ti kanda ikakay-a mana, imaw ngap ti pag-ipadayaw nida. Kanda paghingbutun ti manga bagay lang sitay sa babaw daga.

Kulusas 2:18

Danga kamu maniwala hampay kanyu pirimyu unman madura sa kanyu. Dahil may manga tawu gustu nida pilitan kamu sa lagat-lagat unman maghandum karan-unun hanggan sa magsamba sa manga anghil. Magpalabi-labi sida sa kanyu dahil sa kanda nakitan ginan kunu sa Diyus. Dapat unman sida may ipadayaw-dayaw dahil kanda ugali naisipan parihu lang ga tanan tawu.

Kulusas 2:8

Pag-aman kamu hampay balaw kamu madara kadunungan unman may kabuluhan pinathaw lang tawu, manga pinangawat ginurang, manga ugali kalibutan. Tunda pag kadunungan balaw ginan sa kan Kiristu.

1 Timutiyu 5:8

Una si unu nu balaw mag-asikasu sa kay manga katawuhan, lalu sa kay manga kasunu balay, kay tinalikdan yi kay pagsarig sa kan Kiristu, balaw di ngap ga manga unman waya nagsarig sa kan Kiristu.

2 Timutiyu 4:3

Dahil rumas-ug aban ti udas balaw yi patingihan manga tawu ti katutuuhanan pag tudlu. Bagkus ngap sundun nida kanda sadili kagustuhan. Manhanap sida manga manugtudlu balaw may iba itudlu nu unman ti kanda lang magustuhan manga manugpatingi.

Titu 1:11

Kailangan sida amparahan sa kanda maglaban hanggan magdaya, dahil pagguluhun nida ti manga magtal-anakan. Basta sida sa kumakit lang kuwarta, pag-itudlu nida ti unman kailangan itudlu.

Titu 3:10

Una si unu pag tawu tigpagulu tigpaaway sa manga iba tawu danga yi dap magpakiusa kawu sa kanya nu sinabihan nimu tugka sa ikadwa pag sabi.

Hibriyu 10:29

Pag-isip kamu nu kabitay kay kahigpit pag parusa ti isintinsiya sa tawu nu binul-an niya halaga ti Anak Diyus, ag nu kay linapastangan niya ti dugu ti itinalaghut sa taratu madi imaw ti naglumpiyu sa kanya, ag nu dinayu niya ti Ispiritu imaw tigpakaun kaayadan.

1 Pidru 1:8

Balaw duy nakitan niyu si Kiristu kaybi ginan, dapat malu kanyu minahal diman siya. Unman waya waydi nakitan niyu siya hanggan taynguna tugka, dapat kanyu ngap pagsarigan siya. Nakan ngani malapwasan diman sa kanyu tagipusuun kanyu kabayaan, balaw yi kaya mitultul tunda pag kabayaan.

2 Pidru 2:3

Manga maramuun sida, nakan magpabalhinguun sida sa kanda tudlu hampay sida pakan-an niyu kuwarta. Ginan waya sa kabag-u ihinanda yi ti sintinsiya sa kanda, alistu yi sumintinsiya.

1 Huwan 2:26

Isinurat gid ngani niku inda tabug sa kanyu tungkul sa manga tawu magkaibug pumatalang sa kanyu.

1 Huwan 4:1

Manga patar-ari, danga duy magpasnu kamu sa kada tawu mag-aku kuntay sa kanya ti Ispiritu Banal. Subuki dap niyu siya nu ngatay tunda pag Ispiritu ungud ngani ginan sa Diyus, aw ngatay unman. Dahil mayamu yi pag manga pudilun purupita naglinutaw sa kalibutan.

Hudas 1:18

Kaybi di waya sinabi yi nida sa kanyu magkun, “Nu sa uryan uryan aban pag panahun lumutaw ti manga palalibak, manga panawuhun ngani nida sadili daut pag kagustuhan, manga unman magkadala sa Diyus.”

Hudas 1:4

Dahil may manga tawu napalakay sa kanyu unman sida sakup sa Diyus. Binaliktad ngap nida kay pakaun Diyus kaayadan bag-u ilinubus nida kanda buwat kalukuhan. Pagdayuun nida si Hisu-Kiristu kanta ngap Pangulu ag Panginuun. Kaybi di waya sinabi yi sa Banal Kasuratan magkun, may parusa nakahanda sa kanda.

Ipinakakit 13:14

Dinaya niya ti tanan tawu sa babaw daga dahil sa manga tanda ipinabuwat sa kanya sa atubangan usa ka hayup malangas. Nagarya niya ti manga tawu hampay bumwat tawu-tawu ga hayup malangas, imaw ti nabiyagan baladaw dapat nag-ayad di maan.

Ipinakakit 2:13

Alam niku siyun pag mag-uli kawu sa ulian ni Satanas sa kay kaharian. Dapat marig-un di kanmu pagsarig sa kang ngaran. Balaw ipinaulam nimu kanmu pagsarig sa kangku madi minatay nida kang matinupadun pag suruguun si Antipas sa banwa nimu, sa ulian diman waydi ni Satanas.

Ipinakakit 2:9

Alam niku ti manga subuk kanmu nalakawan. Alam niku kawu pugri, dapat nu sa ungud mayaman ngap kawu. Alam diman niku kawu pagpuyaan manga tawu magpabalhinguun kuntay sida manga Hudiyu dapat nu sa ungud sida manga sakup ngap ni Satanas.

Ipinakakit 3:8

Alam niku kanmu manga buwat. Binukasan niku ti usa ka sabian sa kanmu katpungan. Unman may makasiradu tunda pag sabian. Alam niku diit diit lang kanmu kaya dapat sinunud nimu kang itinudlu ag unman nimu ipinaulam kanmu pagsarig sa kangku.

Ipinakakit 5:9

Nagkanta sida inda pag bag-u kanta magkun, “Kawu ti may karampatan magbuul sa kasuratan malulunan ag magbukas kay manga kula, dahil kawu ti minatay ag dahil sa kanmu dugu may linukat kawu manga tawu ginan sa kada linahi, pamagaw, banwa ag nasyun hampay sida manga sakup yi Diyus.

Ipinakakit 6:10

Magpamurus sida sa tawag magkun, “Panginuun, kawu ti makamaskihan, ti banal hanggan ti masarigan. Kabitay waya kadugay kami pag mag-alagad. Kapira waya pag sintinsiyahan nimu sa kaparusahan ti manga tawu mag-uli sa babaw daga dahil sa kanda nagmatay sa kanmi.”