2 Pidru 1:5 - Hanunuu

⁵ Nakan ngani pagpakasipag kamu hampay kanyu pagsarig dugangan niyu kaayadan, ti kaayadan dugangan niyu kaalaman,

2 Pidru 1:5 Iomraidhean Croise

Kanta 119:4

Panginuun, ipinakaun nimu sa kanmi ti kanmu manga surundanun hampay tupadun nimi inda may katapatan.

Kabagawan 4:23

Alagai kaayad kanmu isip, dahil nu hintay kanmu pag-isipun imaw diman kanmu buhi.

Isayas 55:2

Hayga niyu paggastusun kanyu kuwarta sa manga bagay bukun magkakaun? Hayga niyu pagtabuhun kanyu upa sa manga bagay bukun makapabusug sa kanyu? Pagpatingi kamu sa kangku ag makakaun kamu manga masarap pag karan-unun, ungud mabsug kamu.

Sakaryas 6:15

May manga tawu rumas-ug sa Israil ginan sa arayu pag rugar mangawat sa pagpatindug sa Balay Diyus Panginuun. Nu mangyari yi inda, maalaman niyu ti Panginuun Makamaskihan imaw ti nagpadara sa kangku tag sa kanyu. Ag mangyari gid inda nu sundun niyu mayad ti Panginuun niyu Diyus.

Lukas 16:26

May yangpas paman daka sa kanta tab-anan ginan sa kanmi tag sa kanyu. Nakan una may magkaibug mana dumipay dayu mahimu, una sitay ginan asan tabug, una asan ginan sitay tabug.’

Lukas 24:21

Dapat siya mana kanmi pag-asahan manuglukat sa nasyun Israil. Taynguna ikatlu paman pag sirang ati ginan pag nangyari.

Huwan 6:27

Danga kamu magbudlay tungkul lang sa karan-unun magkabangsiw. Pagmasigasid kamu hampay matanggap niyu ti karan-unun unman magkabangsiw, imaw ti makapakaun tutuu pag buhi unman may katapusan. Tunda ngani pag karan-unun ti ipakaun Anak Tawu sa kanyu dahil may tinanggap siya karampatan ginan sa Diyus Ama.”

1 Kurintu 14:20

Manga patar-ari, danga yi ga anak kanyu naisipan. Nu tungkul sa kadautan bay, pagga anak lapsag kamu. Dapat pagginurangun yi kanyu naisipan.

Ipisu 5:17

Pagmabut-anin kamu. Intindiha niyu nu hintay ti kagustuhan Panginuun.

Pilipus 1:9

Inda ngani kang darangin sa kanyu hampay kanyu pagmahal lalu waya dumaka, hampay mabut-anin kamu ag dumunung sa katutuuhanan Diyus.

Pilipus 2:12

Nakan ngani manga patar-ari, kailangan pagmasurundun kamu, lalu taynguna aku unman asan sa kanyu. Paggalang yi gid kamu sa Diyus, pagparargu hanggan sa ud mamhan kanyu karibrihan.

Pilipus 4:8

Inda waya manga patar-ari, kang pagsabihun sa kanyu. Ilubus niyu kanyu naisipan sa una hintay pag manga kaayadan sa ikadayaw manga iba. Nakan ngani pag-ugali yi kanyu naisipan sa manga lunsay tutuu, sa manga pagbayaun manga tawu, sa mahal, sa balaw may ikasabi, sa maalumanay pag-iisip, sa manga pagmahalun manga iba.

Kulusas 1:9

Nakan ngani pagka naalaman nimi inda, pirmi nimi pag-idarangin kamu sa Diyus hampay ilubus niya sa kanyu ti kang-ud pag kadunungan kay pakaun Ispiritu, hampay lalu niyu maintindihan kay kagustuhan Diyus.

Kulusas 2:3

Sa kanya pag nakapundu ti lubus mahalaga pag kadunungan hanggan kaalaman.

Hibriyu 11:6

Nu unman may sarig ti tawu, dayu mahimu siya lubus pagbayaun Diyus. Dahil nu ti tawu magpakarani sa Diyus kailangan siya magsarig kuntay may Diyus ag unman siya magpabaya sa manga maghanap sa kanya.

Hibriyu 12:15

Pagdahan kamu hampay unman may pumatlikud sa kanyu tanan sa kay pakaun Diyus karibrihan. Barang may magtubu ga ilamnun mapait sa kanyu bag-u miabay ti mayamu ngap pag patar-ari sumimray sa katutuuhanan.

Hibriyu 6:11

Daka mana kanmi gustu pagpakakit di gid ti kada usa sa kanyu kay kasipagan, danga magpanlubay hanggan sa katapusan, hampay matanggap niyu ti kanyu paghingabtun.

Huswi 7:3

Pagka nuli sida, magkun sida sa kan Huswi, “Unman kailangan man-gira kita tanan sa Hay, dahil pira-pira lang ti manga mag-uli ati. Pagpadara lang kawu 2,000 ngatay 3,000 tawu hampay man-gira ati.”

1 Pidru 3:7

Kamu waydi manga lalaki, pagpasunaid kamu sa kanyu sadili asawa dahil udyi ga lalaki kanda kaya. Parihu diman sa kanyu may karampatan sida sa buhi unman may katapusan kay ipinakaun Diyus sa kanyu. Nu katida kanyu ugali udyi may sumigaud sa kanyu darangin.

2 Pidru 1:10

Manga patar-ari, kamu kay manga tinawag ag manga pinili Diyus, nakan ngani pagpakarig-un kamu sa inda pag kahamtangan. Nu inda kanyu buwatun dayu kamu sumimray.

2 Pidru 1:11

Nu katunda, tanggapun kamu may kabayaan sa kay kaharian unman may katapusan ni Hisu-Kiristu, imaw kanta Panginuun ag Manugribri.

2 Pidru 3:14

Nakan ngani duy manga patar-ari, hanggan kamu mag-alagad waya, intindiha gid niyu kanyu ugali buhi hampay may kahusayan, unman may uring, ud may kadautan sa kay magbantay Panginuun.

2 Pidru 3:18

Pagparargu kamu, pagdaka sa kanyu kay kaayadan Diyus hanggan kanyu pagkilala sa kanta Panginuun Manugribri imaw yi ngani si Hisu-Kiristu. Sa kanya ti kadayawan taynguna una hanggan aban. Amin.