2 Pidru 1:17 - Hanunuu

¹⁷ Ipinakaun yi Diyus Ama sa kanya ti kadayawan hanggan kapurihan sa katpung may nagbagaw ginan sa mamaski pag kadayawan sa langit magkun, “Inda kang pagmahalun gid pag Anak, siya lubus kang pagkaawaan.”

2 Pidru 1:17 Iomraidhean Croise

Isayas 42:1

Magkun ti Panginuun, “Inda kang pag pabisugun pag manugsirbi. Pinili niku siya ag magbaya aku sa kanya. Asan sa kanya kang Ispiritu, ilantag niya ti katadlungan sa manga nasyun.

Isayas 53:10

Dapat nalub-anan Panginuun masaktan siya ag pakurianan. Una waya binuwat siya handug sa Panginuun hampay mabayadan ti kasalanan manga tawu, makitan niya kay manga linahi ag makatanggap siya malawig pag buhi. Ag sa panab-anan niya matupad ti nalub-anan Panginuun.

Matiyu 12:18

“Inda yi kang suruguun, siya kang gid pinili, kang gid pagmahalun, lubus kang pagbayaun. Ilubus niku sa kanya kang Ispiritu Banal, pihuun niya ti tanan nasyun tawu nu daut nu mayad.

Matiyu 17:3

Bigla nakitan nida sida ni Muysis ni Ilyas maghampang sa kan Hisus.

Matiyu 17:5

Sa kay di waya magbagaw hinamuyan sida masinay pag rurum. May nagbagaw ati ginan sa rurum magkun, “Inda kang pagmahalun pag Anak, siya lubus kang pagbayaun. Patingihi gid niyu siya.”

Matiyu 28:19

Nakan pag-ati kamu buwata niyu tuludluan niku ti tanan linahi tawu. Itulbaw niyu sida ipasakup sa ngaran Ama, Anak, hanggan Ispiritu Banal.

Matiyu 3:17

Bag-u may nagbagaw ginan sa langit magkun, “Inda kang pagmayadun gid pag anak, siya lubus kang pagbayaun.”

Markus 1:11

May nagbagaw ginan sa langit magkun, “Kawu kang pagmayadun pag Anak, sa kanmu aku lubus pag magbaya.”

Markus 9:7

Bag-u may rurum hinmamuy sa kanda, may nagbagaw ginan sa rurum magkun, “Inda kang pagmayadun pag Anak, patingihi gid niyu siya.”

Lukas 10:22

Ipinabahala niku Ama sa kangku ti tanan manga bagay. Unman may nakakilala sa Anak nu unman ti Ama lang. Unman waydi may nakakilala sa Ama nu unman ti Anak lang, hanggan una hintay ti piliun Anak hampay ipakilala sa kanya ti Ama.”

Lukas 3:22

Nagpakababa sa kanya ti Ispiritu Banal ga histuda kalampati. Bag-u may magbagaw ginan sa langit magkun, “Kawu kang pagmahalun pag Anak, kawu lubus kang pagbayaun.”

Huwan 10:15

parihu diman sa kay magkilala niku Ama sa kangku ag kang diman magkilala sa kang Ama. Handa diman aku mamatay tungkul sa kang manga karanidu.

Huwan 10:36

Ti Ama ti nagpili nagsugu sa kangku sitay tag sa kalibutan. Kabitay lugud masabi niyu aku lapastangan laban sa Diyus nu pagsabihun niku aku ti Anak Diyus?

Huwan 14:11

Pagpaniwala yi duy kamu sa kang pagsabihun magkun, aku minsan sa Ama ag ti Ama minsan sa kangku. Dapat nu unman magpaniwala kamu dahil sa kang pagsabihun, pagpaniwala yi gid kamu dahil sa kang manga binwat.

Huwan 14:6

Sinmagut si Hisus sa kanya magkun, “Aku ti dalan, ti katutuuhanan, ti buhi. Ginan lang sa kangku pag makaati ti tawu sa Ama.”

Huwan 17:21

Pag-idarangin niku sida hampay mirinsan sida tanan. Amang, pagminsan sida sa kanta parihu sa kanmu minsan sa kangku ag parihu sa kangku minsan sa kanmu. Pagkatunda diman, pagmirinsan sida sa kanta agud maniwala ti manga taga kalibutan kuntay kawu ti nagsugu sa kangku.

Huwan 20:17

Sinabi ni Hisus sa kanya magkun, “Danga duy paghiyapti nimu aku, dahil aku udwaya nakauli sa Ama sa langit. Dapat pag-ati kawu sa kang manga patar-ari, pagsabi sa kanda magkun, umuli yi aku sa kang Ama kanyu diman Ama, sa kang Diyus kanyu diman Diyus.”

Huwan 3:35

Ti Anak pagmahalun niya Ama nakan ipinasakup Ama ti tanan-tanan pag manga bagay sa kapangyarihan niya Anak.

Huwan 5:20

Dahil pagmahalun Ama ti Anak, ti tanan buruwatun Ama pag-ipakakit niya sa Anak. Ag lalu waya makamaskihan siyun pag manga buwat ti ipakakit Ama sa Anak agud kamu madulaw.

Huwan 5:26

Nu kabitay ti Ama may gimpuunan buhi, katunda diman ipinakaun niya sa Anak ti karampatan hampay may gimpuunan siya buhi.

Huwan 6:27

Danga kamu magbudlay tungkul lang sa karan-unun magkabangsiw. Pagmasigasid kamu hampay matanggap niyu ti karan-unun unman magkabangsiw, imaw ti makapakaun tutuu pag buhi unman may katapusan. Tunda ngani pag karan-unun ti ipakaun Anak Tawu sa kanyu dahil may tinanggap siya karampatan ginan sa Diyus Ama.”

Huwan 6:37

Una si unu pag tawu nu iinintirga Ama sa kangku, pumasakup ngani tunda sa kangku. Ti tawu nu pumasakup sa kangku balaw kang dayuun.

Huwan 6:39

Diyus ti nagsugu sa kangku hampay tupadun niku inda pag kagustuhan niya magkun, danga pagduraa niku una lang usa sa tanan manga tawu iinintirga niya sa kangku. Bagkus ngap buhiun niku sida uman sa katapusan panahun aban.

Ruma 15:6

hampay mirinsan kanyu magdayaw sa Diyus sa Ama nita Panginuun Hisu-Kiristu.

2 Kurintu 1:3

Kanta dayawun ti Diyus, ti Ama nita Panginuun Hisu-Kiristu, siya ti maawaun pag Ama, siya pag Diyus tigpakaun tanan maariwaya pag naisipan.

2 Kurintu 11:31

Bukun gid ungud aku magpudil. Tunda ungud alam di Diyus, imaw kay Ama Panginuun Hisus, dayawun kay ngaran hanggan aban.

Hibriyu 1:3

Ti Anak ti duag kadayawan Diyus. Parihu siya sa Diyus sa tanan bagay. Ti Anak diman ti mag-alaga sa tanan bagay sa kamaskihan niya bagaw. Pagka ihinanda niya kay kapatawadan sa manga tawu kasalanan bag-u tinmukaw siya ati sa langit baliwa sa sikun Diyus, minsan sa karampatan Diyus makamaskihan sa tanan.

2 Huwan 1:3

Pagsa kanta mana ti papalad, ti pangaawa hanggan ti kahusayan ginan sa kanta Diyus Ama hanggan kay anak, si Hisu-Kiristu, habang magkabuhi kita sa katutuuhanan hanggan pagmahal.

Hudas 1:1

Inda ti may surat si Hudas kay panawuhun ni Hisu-Kiristu, kay diman waydi patar-ari ni Santiyagu. Inda kang surat tabug sa kanyu duy, sa manga pagmayadun dahil sa kanyu pakiusa sa Diyus Ama. Kamu manga pinili Diyus ag kamu pag-ingatan ni Hisu-Kiristu.