2 Pidru 1:16 - Hanunuu

¹⁶ Dahil pagka kanmi ipinakilala sa kanyu ti kamaskihan nita Panginuun Hisu-Kiristu hanggan kay pagras-ug niya aban unman gid nimi itinudlu sa kanyu ti manga pinathaw lang pag tultulanun. Nakitan ngap nimi mata kay kamaskihan.

2 Pidru 1:16 Iomraidhean Croise

Malakyas 3:2

Dapat si unu lugud ti umagwanta sa sirang niya pagras-ug? Si unu lugud ti umagwanta nu manpakakit yi siya? Dahil parihu siya sa apuy magtunaw sa baul ngatay parihu sa sabun magpalagti. Lumpiyuhun niya ti manga manughandug manga lahi ni Libi parihu sa magtunaw pilak ag gintu, hampay bumaliw matadlung kanda buhi sa kanda maghandug sa Panginuun.

Malakyas 4:5

“Pagpatingi kamu! Bag-u rumas-ug ti madala gid pag sirang niku pagparusa, ipadara niku sa kanyu si Purupita Ilyas.

Matiyu 16:27

Dahil udyi dugay bumalik yi ti Anak Tawu may mamaski pag kapangyarihan niya Ama, kaibahan niya kay manga anghil. Ati katpung pag udas gantihan niya ti kada tawu angay sa kay binwat.

Matiyu 16:28

Ungud duy kang pagsabihun sa kanyu, ti iba sa kanyu sitay dayu mamatay hanggan sa udwaya makitan nida aku, ti Anak Tawu, humiyaput yi sa kay karampatan maghari.”

Matiyu 17:1

Pagka nakalawuy unum ka sirang, tinaban ni Hisus si Pidru hanggan sida ni Santiyagu ni Huwan magtar-ari. Sida upat nag-atag sa bantud abwat.

Matiyu 24:27

Nu kabitay ti kilat kay kabisug kay magbalagit ginan sa butlakan hanggan isalpan, katunda diman waydi kay pagsitay Anak Tawu.

Matiyu 24:3

Si Hisus ati sa bantud manga Ulibu. Sa kay matukawan siyun pagka unman may nakadnug iba, pinaingana siya niya manga tuludluan magkun, “Pagtultul duy kawu sa kanmi nu kapira nguna tunda pag mangyari. Hintay kay tanda aban nu arani yi kanmu pagbalik hanggan kay katapusan kalibutan?”

Matiyu 28:18

Nagpakarani si Hisus bag-u sinabi niya sa kanda magkun, “Ipinakaun sa kangku ti tanan karampatan sa langit hanggan sa babaw daga.

Markus 13:26

Bag-u makitan nida ti Anak Tawu rumas-ug padara sa rurum may daka pag kapangyarihan hanggan kadayawan.

Markus 14:62

Sinabi ni Hisus, “Aku ngani. Kainda ginan makitan niyu ti Anak Tawu matukawan baliwa sa sikun Diyus makamaskihan minsan sa kay karampatan. Rumas-ug siya padara sa rurum ginan sa langit.”

Lukas 1:2

Sinurat nida ga kanta diman nadnugan sa manga manugtudlu Bagaw Diyus, ag sa manga nakakit sa manga nangyari ginan sa kabag-u.

Lukas 9:43

Sida tanan naglingut sa daka pag kamaskihan Diyus. Sida tanan naglingut waya sa tanan pagbuwatun niya bag-u sinabi ni Hisus sa kay manga tuludluan,

Huwan 1:14

Nagpakatawu ti Bagaw, ag nangulian siya sitay sa kanta. Mayad gid kay nabubut-un ag lubus ipinakilala niya ti katutuuhanan tungkul sa Diyus. Nakitan nimi kay kadayawan kay tinanggap ginan sa Ama dahil siya ti Bugtung Anak.

Huwan 17:2

Dahil ipinasirung nimu ti tanan-tanan sa kapangyarihan Anak hampay pakan-an niya tutuu pag buhi unman may katapusan ti tanan tawu kanmu iinintirga sa kanya.

1 Kurintu 1:17

Dahil balaw aku sinugu ni Kiristu hampay magtulbaw sa tawu. Sinugu niya aku hampay manudlu sa Mayad pag Barita. Itinudlu ngani niku ti Mayad pag Barita, dapat balaw sa kadunungan lang niku bagaw, balaw diman sa karinu pamagaw angay sa tawu kadunungan, hampay unman mabul-an halaga kay kamatayan ni Kiristu sa kurus.

1 Kurintu 1:23

Dapat ay kanmi pag-itudlu si Kiristu ti nipaku sa kurus, nu sa manga Hudiyu imaw ngap kanda pag-ikadaut, nu sa manga balaw Hudiyu unman may kabuluhan siya.

1 Kurintu 1:7

Nakan kang-ud yi gid ti tanan pakaun Diyus kanyu natanggap hanggan sa kanyu mag-alagad waya sa kay pagras-ug nita Panginuun Hisu-Kiristu.

1 Kurintu 2:1

Manga patar-ari, sa kang nag-asan tabug sa kanyu hampay ibarita ti lihim gayak Diyus, unman aku naggamit madalum pag manga bagaw ngatay madalum pag manga kadunungan.

1 Kurintu 2:4

Sa kang nagtudlu sa kanyu, balaw aku naggamit makagararya pag manga bagaw agud kamu mabutung, nu unman pinatutuuhanan Ispiritu Diyus kang tudlu sa panab-anan niya kamaskihan,

1 Kurintu 5:4

Nu magtiripun kamu bilang ga minsan diman aku sa kanyu, tapil ti kapangyarihan nita Panginuun Hisus.

2 Kurintu 2:17

Balaw kami parihu sa iba, magkaibug sida pag may bayad sa kanda magtudlu Bagaw Diyus. Bagkus ngap kami magtupad sa kay isinugu Diyus magtudlu gid kay bagaw sa atubangan Diyus dahil sa kanmi magpakiusa sa kan Kiristu.

2 Kurintu 4:2

Dinayu nimi ti makakaray-a ag lihim pag manga buruwatun. Balaw kami magdaya, unman mag-uman kami Bagaw Diyus. Bagkus ngap ipinaburayhaw nimi ti katutuuhanan, nakan alistu kami pausisa una sa kantapu nu may pagkutubun sa atubangan Diyus.

Ipisu 4:14

Bukun yi kita parihu ga manga anak di waya daradarahan sa una hintay ti pag-itudlu. Balaw kita parihu sa manga sarakyan sa dagat paglangkiangun humbak, pag-ipadpad durus. Udyi kita madaya manga tawu kay ibug daran-un kita tag sa kadautan.

Pilipus 3:21

Gamitun niya kay kamaskihan hampay kanta malumuy pag ginhawa bag-uhun niya agud pumarihu sa kay sadili bilug may kadayawan. Tunda pag kamaskihan imaw diman kay paggamitun hampay masakup niya ti tanan pag manga bagay tabug sa kay sadili.

1 Tisalunika 2:19

Udyi kami may paggagadun masulung pag naisipan nu ud dahil lang hanggan sa kanyu, kamu yi lang ti puun nimi kabayaan. Kamu yi ti pinagkapirimyu sa kanmi panalu, kanmi idayaw sa atubangan Panginuun Hisus sa kay pagbalik niya aban!

2 Tisalunika 2:9

Lumuwang gid ti May Puun Kadautan may kapangyarihan ni Satanas. Nakan bumuwat diman ti May Puun Kadautan manga makadululaw pag tanda may daka pag kamaskihan hampay dumaya siya sa manga tawu.

1 Timutiyu 1:4

Danga yi sida maggaraw tunda pag manga suyut hanggan sa manga tultulanun aba ag listahan nida manga kaapu-apuhan. Siti ginan ti bulul-an arawayan, unman diman waydi sa ikatupad sa turunu Diyus. Tunda pag turunu matupad lang tawu nu siya may pagsarig.

1 Timutiyu 4:7

Danga pag-uyanga ti udas sa manga suyut angay lang sa kalibutan unman may kabuluhan. Bagkus ngap pangungud kawu kanmu bilug hanggan tagipusuun sa kanmu turunu marapasakup sa Diyus.

Titu 1:14

ag hampay dayi sida magpaniwala sa manga tultulanun basta-basta manga Hudiyu, danga waydi sida magpaniwala sa paanyu manga tawu magdayu sa katutuuhanan.

2 Pidru 2:3

Manga maramuun sida, nakan magpabalhinguun sida sa kanda tudlu hampay sida pakan-an niyu kuwarta. Ginan waya sa kabag-u ihinanda yi ti sintinsiya sa kanda, alistu yi sumintinsiya.

1 Huwan 4:14

Nakitan nimi ag kanmi pagpatutuuhanan kuntay sinugu Ama kay Anak hampay siya yi ngani ti Manugribri sa tanan manga tawu sa babaw daga.

Hudas 1:14

Ginan sa kan Adam nagkalinahi ti manga tawu kay ikapitu si Inuk. Kaybi di waya nagpurupita diman si Inuk tungkul sa katida pag manga tawu magkun, “Malu, pagbantay kamu, magras-ug ti Panginuun, kaibahan ti manga linibu-libu pag manga anghil Diyus,

Ipinakakit 1:7

Tandaan gid niyu, rumas-ug yi si Hisus padara sa rurum sitay tag. Makitan siya tanan tawu, hanggan ti nagharug sa kay habig kumakit diman sa kanya. Ti tanan nasyun sa babaw daga lumumi dahil sa kanya. Pihu gid katida ti mangyari. Amin.