2 Pidru 1:12 - Hanunuu

¹² Madi alam niyu inda ag marig-un kamu sa katutuuhanan kanyu tinanggap, pirmi diman kang pagpaala-lahanan kamu tungkul sa inda pag manga bagay.

2 Pidru 1:12 Iomraidhean Croise

Binwat 16:5

Nakan magrig-un gid ti manga iglisya. Sirang-sirang magyamu waya gid ti manga magsarig sa kan Hisus.

Pilipus 3:1

Inda waya duy, manga patar-ari, kang mana sabihun sa kanyu, pagbaya kamu dahil sa kanyu pakiusa sa Panginuun. Una kas-a waya kang ulitun kang isinurat sitay, unman may makuri sa kangku. Dapat imaw ngap tigparig-un sa kanyu.

Kulusas 1:5

Dahil may pag-asa kamu makarubtan niyu ti manga inalistu para sa kanyu ati sa langit. Nasalman yi niyu ti tungkul sa pag-asahan niyu inda pagka itinudlu sa kanyu ti tutuu pag barita Diyus, imaw ti Mayad pag Barita.

Kulusas 2:7

Pagga may gamut tulusan kamu sa kanya ag isarig niyu kanyu buhi sa kanya. Pagpakarig-un kamu sa kanyu pagsarig angay sa itinudlu sa kanyu. Pagpirmi yi gid kamu pagpasalamat sa Diyus.

1 Timutiyu 4:6

Kawu ti mayad pag suruguun ni Kiristu Hisus nu itudlu nimu sa manga patar-ari inda pag manga bilin. Intindiha nimu ti Bagaw Diyus imaw ti makapakaun sarig sa kanmu tagipusuun ag imaw ti marinu pag tudlu kanmu diman waydi pagsundun.

2 Timutiyu 1:6

Nakan ngani pag-ipaalaala niku sa kanmu, danga paghamnua nimu ti pakaun Ispiritu kanmu tinanggap ginan sa Diyus, sa katpung kawu kinup-an niku kamang.

Hibriyu 10:32

Alalahanun niyu ti manga nangyari kaybi pagka kamu linmakaw yi sa karayawan Panginuun. Ati katpung mahigpit pag kakurian kanyu tiniisan dapat unman kamu nagpatalu.

Hibriyu 13:9

Danga ngani kamu magpadara sa manga tuhay-tuhay pag manga adal tawu nu balaw angay sa kanta pagsarig sa kan Kiristu. Mayad ngani nu parig-unun nita kanta naisipan sa karibrihan kay pag-ipakaun Diyus sa kay mayad nabubut-un kaysa kanta pagtupad sa manga bilin tungkul sa karan-unun. Ti manga tawu nu magtupad sa tunda pag manga bilin, unman diman nida mapakinabangan tunda.

1 Pidru 5:10

Pagka lumawuy kanyu ngalay-ngalay pag kakurian, pakan-an kamu Diyus kahustuhan hanggan karig-unan hampay udyi magkaanggihut. Siya ti gimpuunan tanan kaayadan, siya diman waydi ti nagpili sa kanyu hampay kamu may kabahagi waydi sa kay ud may katapusan pag kadayawan kaibahan ni Kiristu.

1 Pidru 5:12

Sa kang nagsurat inda sa kanyu aku inawatan ni Silbanu. Alam niku siya usa ka masarigan pag patar-ari. Sa inda ngani pag surat dag-ud dag-ud kang gustu pabisugun niku kanyu naisipan, ag kang diman pag-isabi sa kanyu inda ngani ti tutuu pag kaayadan kay ipinakaun Diyus. Dagkaanggihut kamu ginan sa inda pag pakaun kaayadan.

2 Pidru 1:13

Unman may gustu aku mag-apas kang magpaalaala sa kanyu hanggan aku buhi waya hampay unman malimtan niyu.

2 Pidru 1:15

Nakan kang buwatun waya tanan niku makaya hampay maalaala waya niyu pirmi inda pag manga bagay una aku aban namatay yi.

2 Pidru 3:1

Inda yi ngani duy manga patar-ari kang ikadwa pag surat tabug sa kanyu. Sa duwa ka surat niku inda pagpulawun niku kanyu mayad pag naisipan, pagpaala-alahanan niku kamu.

2 Pidru 3:17

Taynguna duy manga patar-ari, alam yi niyu kailangan kamu pagmaingat barang kamu patalangun manga daut pag tawu kanda tudlu unman may katutuuhanan. Nu katunda kamu marig-un di, dayu gid mapuil.

1 Huwan 2:21

Nakan aku nagsurat sa kanyu balaw tunda kuntay ud alam niyu ti katutuuhanan. Alam yi ngapu niyu ti katutuuhanan ag alam diman waydi niyu ti kapudilan balaw ginan sa katutuuhanan.

2 Huwan 1:2

Nakan katida dahil nangulian yi sa kanta ti katutuuhanan, sa kanta di gid, udyi may kaduraan hanggan waya aban.

Hudas 1:17

Dapat duy, mahal niku pag manga patar-ari, alalahana di niyu ti ipinurupita manga apustul nita Panginuun Hisu-Kiristu.

Hudas 1:3

Mahal niku pag manga patar-ari, kang gid mana gustu magsurat tag sa kanyu tungkul sa karibrihan nita tanan. Dapat ay pilit aku sumurat pumaanyu sa kanyu hampay kanyu ingatan ti katutuuhanan tungkul sa kanta pagsarig una may manga kalaban. Inda pag katutuuhanan kas-a lang ginan iinintirga sa manga napasakup sa Diyus.

Hudas 1:5

Una alam yi niyu, kang waya gustu ipaalaala inda sa kanyu kuntay irinibri Panginuun ti nasyun Israil ginan sa daga Ihiptu bag-u pagka dugay pinapas di niya ti manga unman nagsarig sa kanya.