2 Pidru 1:11 - Hanunuu

¹¹ Nu katunda, tanggapun kamu may kabayaan sa kay kaharian unman may katapusan ni Hisu-Kiristu, imaw kanta Panginuun ag Manugribri.

2 Pidru 1:11 Iomraidhean Croise

Kanta 145:13

Kanmu maghari hanggan aban. Panginuun, matinupadun gid kawu sa kanmu manga taratu, ag mapagmahal kawu sa tanan nimu linalang.

Kanta 36:8

Pagustu sida sa abunda pag karan-unun sa kanmu balay; pagpa-inmun nimu sida sa kanmu mahudmay pag danum.

Kanta ni Sulumun 5:1

Sinmulud aku sa kang gardin, sa mahal niku pag babayi. Tinipun niku kang mira hanggan manga pamanglu. Kinaun niku kang daykut ag nanginum kang intus hanggan gatas. Kamu pag manga magmalahalan, pagkaun kamu ag pag-inum.

Isayas 35:2

Manganta ag manringgit sa kabayaan ti pangawakawaan ga tawu, ag mamuklad ti mayamu pag busang. Bumaliw marinu inda parihu sa Bantud Libanun, ag mamurak inda abunda parihu sa karatagan Karmilu ag Sarun. Ag miburayhaw sitay ti kamaskihan ag kadayawan Panginuun nita Diyus.

Isayas 9:7

Unman may katapusan kay pagdumara mayad ag may kahusayan. Siya ti mumana kay kaharian ni Dabid. Parig-unun niya inda ag humari ti katadlungan ag ti katuwiran hanggan aban. Siguraduhun Panginuun Makamaskihan matupad inda.

Danyil 7:14

Kinilala siya ag pinakan-an karampatan maghari, ag sumirbi sa kanya ti tanan tawu sa tuhay-tuhay pag nasyun hanggan linahi, ag pamagaw. Parargu kay paghari sa unman may katapusan ag unman may makadaug sa kay kaharian.

Danyil 7:27

Bag-u iayaw sa banal pag manga nasakupan Kaabwat-abwatan pag Diyus ti pagdumara hanggan kapangyarihan sa manga kaharian buu kalibutan. Nakan humari sida hanggan aban, ag pasakup sa kanda ti tanan kaharian.

Matiyu 25:34

Kumumun ti Hari sa manga tawu sa sikun baliwa, ‘Abala duy kamu, kamu pinapaladan niku Ama. Manaha yi niyu ti kaharian inalistu para sa kanyu ginan waya sa kabag-u pagkalalang kalibutan.

Huwan 10:10

Unman sumitay tag ti mananakaw purya lang hampay manakaw, manmatay hanggan mamapas. Aku nagsitay hampay kang manga karanidu kumakit tutuu pag buhi udyi may kakurangan.

Ruma 2:4

Aw ngatay barang udyi pagpahalgaan nimu ti Diyus dahil siya mayad gid ag maagwantahun ag matiniisun. Unman aw lugud alam nimu kay pagmahal Diyus sa kanmu tigpakaun rugar hampay umampu kawu sa kanmu kasalanan?

1 Kurintu 15:24

Bag-u rumas-ug ti katapusan. Duraun niya ti tanan kaharian, ti pamahalaan, ti kapangyarihan, ag ipakaun niya ti kaharian sa Diyus Ama.

2 Kurintu 5:1

Magkaalaman diman nita nu madaut kanta bilug ga nangus turda, kita may ulian waya sa langit, balaw binwat tawu kamang, nu unman Diyus ngap ti may buwat.

Ipisu 3:20

Ti Diyus gid ti makabuwat subra man sa tanan nita mahagad ag maisip, dahil kay kamaskihan tig hari sa kanta.

1 Timutiyu 6:17

Sabihi nimu ti manga mayaman, danga magpalabaw-labaw. Danga sida magsarig sa kanda kayamanan dahil tunda magkadura di. Bagkus ngap pagsarig sida sa Diyus, imaw ti abunda pag manugpakaun tanan bagay sa ikabaya nita.

2 Timutiyu 4:18

Ti Panginuun diman ti makaparibri aban sa kangku sa tanan pag kadautan. Siya diman ti dumara sa kangku tag sa kay kaharian sa langit. Dayawun siya hanggan waya aban. Amin.

2 Timutiyu 4:8

Matanggap yi niku aban kang pirimyu sa kang nanalu. Panginuun ti matadlung pag talaghusay, imaw ti pumakaun kang pirimyu ati katpung pag kaudasan sa kay pagbalik niya aban. Balaw lang waydi aku ti makatanggap pirimyu. Makatanggap waydi kanda pirimyu ti tanan manga magmahal sa Panginuun, manga magpatigagad sa kay pagbalik niya aban.

Hibriyu 6:17

Katunda diman kay gustu Diyus ipakilala sa tawu sa makatanggap kay manga itinaratu niya pihu dayu mauman kay gayak. Nakan nagsumpa waya siya hampay udyi may alinlangan sida.

2 Pidru 1:1

Inda ti may surat si Simun Pidru, kay panawuhun hanggan apustul ni Hisu-Kiristu. Inda pag surat atag ngani sa kanyu, sa manga nakatanggap mahalaga pag sarig parihu ga kanmi pag sarig. Ti Diyus Manugribri imaw yi ngani si Hisu-Kiristu, ti may pakaun sa kanta inda pag sarig angay sa kay katadlungan.

2 Pidru 1:5

Nakan ngani pagpakasipag kamu hampay kanyu pagsarig dugangan niyu kaayadan, ti kaayadan dugangan niyu kaalaman,

2 Pidru 2:20

Nakaiwas yi sa kadautan kalibutan ti manga tawu nakakilala sa kan Hisu-Kiristu sa kanda Panginuun Manugribri. Dapat ay nu maraibgun maan sida sa daan pag ugali daut bag-u nu rargu napatalu, lalu man makuri kanda kahamtangan balaw lang ga sa kabag-u.

2 Pidru 3:18

Pagparargu kamu, pagdaka sa kanyu kay kaayadan Diyus hanggan kanyu pagkilala sa kanta Panginuun Manugribri imaw yi ngani si Hisu-Kiristu. Sa kanya ti kadayawan taynguna una hanggan aban. Amin.

Ipinakakit 3:21

Ti manalu pag tawu imaw ti makatukaw sa kang arani minsan sa kang karampatan maghari parihu diman waydi sa kangku. Dahil aku nanalu nakan matukawan aku kainda sa arani niku Ama minsan sa kay karampatan maghari.

Ipinakakit 5:10

Binwat nimu sida usa ka linahi hari, ag manga manughandug magsirbi sa balay nita Diyus. Sida humari sa babaw daga.”