2 Pidru 1:1 - Hanunuu

¹ Inda ti may surat si Simun Pidru, kay panawuhun hanggan apustul ni Hisu-Kiristu. Inda pag surat atag ngani sa kanyu, sa manga nakatanggap mahalaga pag sarig parihu ga kanmi pag sarig. Ti Diyus Manugribri imaw yi ngani si Hisu-Kiristu, ti may pakaun sa kanta inda pag sarig angay sa kay katadlungan.

2 Pidru 1:1 Iomraidhean Croise

Isayas 12:2

Kawu pag Diyus kang Manugribri. Manarig aku sa kanmu ag balaw yi madala. Kawu, Panginuun, ti magpakaun kabisugan sa kangku, kawu kang karantahun. Kawu ngani ti nagribri sa kangku.”

Hirimyas 33:16

Ag tida diman pag udas maribri ti manga taga Huda, ag mangabuhi yi may kahusayan ti manga taga Hirusalim. Ti Hirusalim ingarnan, ‘Ti Panginuun Kanta Katadlungan.’ ”

Matiyu 10:2

Inda ti sampulu may duwa ka apustul kanda manga ngaran: un-an si Simun (imaw yi ti pagkumnun si Pidru), bag-u si Andiris kay patar-ari ni Simun, bag-u kay anak ni Sibidiyu si Santiyagu, hanggan kay patar-ari si Huwan,

Matiyu 4:18

Sa kay maglakaw sa saruy danaw Galiliya, nakitan ni Hisus si Simun, imaw ti pagkumnun si Pidru, hanggan kay patar-ari si Andiris. Manug-isda sida. Pag-itaplak nida kanda sarap sa danaw.

Lukas 1:47

Nakabaya kang tagipusuun sa Diyus, sa kang Manugribri.

Lukas 11:49

Nakan ngani magkun ti Diyus angay sa sadili kadunungan, ‘Sumugu aku manga purupita, manga manugtudlu sa kanda. Ti iba kanda matyun, kay iba unu-unuhun.’

Huwan 1:42

Bag-u kan Andiris tinaban si Simun tag sa kan Hisus. Nagbantay si Hisus sa kan Simun bag-u kay sinabi magkun, “Kawu si Simun, kan Huwan anak. Dapat ingarnan kawu Sipas.” (Kay usa ka ngaran Pidru. Una Sipas una Pidru parihu kay kahulugan tanang batu daka).

Huwan 12:26

Nu ti tawu magkaibug magbuwat kang buruwatun, kailangan siya pagkuyug sa kangku hampay una naan aku, ati diman siya sa kangku. Una hintay pag tawu nu tumupad siya sa kang buruwatun, dayawun siya niku Ama.”

Huwan 20:21

Sinabi maan ni Hisus sa kanda magkun, “Pagmay kahusayan duy kamu. Parihu sa kay nagsugu Ama sa kangku, katunda diman waydi pagsuguun niku kamu tabug sa manga tawu taga kalibutan.”

Binwat 15:14

Kis-ab itinultul ni Simun kay pangaawa Diyus sa manga balaw Hudiyu, nakan sa kabag-u kay pinili sida hampay sida hanggan kay yi waydi nasyun.

Ruma 1:1

Ti may surat inda si Pablu kay panawuhun ni Kiristu Hisus. Kay pinili aku Diyus hampay kay apustul, kay gid ibinukud hampay manudlu sa kay Mayad pag Barita Diyus.

Ruma 1:12

Ti gustu mana niku sabihun, hampay mag-arawatan kita sa ikarig-un nita sa kada usa dahil sa kanta pagsarig sa Diyus, una kangku, una kanyu.

Ruma 1:17

Dahil pagsabihun sa Mayad pag Barita nu kabitay pagkilalan-un Diyus ti tawu kuntay matadlung, tunda sa panab-anan lang pagsarig. Angay sa nisurat sa Banal Kasuratan magkun, “May buhi ti tawu pagkilalan-un Diyus kuntay matadlung dahil sa kay pagsarig sa Diyus.”

1 Kurintu 1:30

Pinausa yi kamu Diyus sa kan Kiristu Hisus. Siya ti binwat Diyus gimpuunan kadunungan nita hanggan katadlungan, ag pinablag para sa kanya. Irinibri yi kita sa kanta manga kasalanan.

1 Kurintu 15:9

Aku ngani ti pinakaababa sa manga apustul, unman aku may karampatan ingarnan apustul, dahil inunu-unu niku ti iglisya Diyus.

1 Kurintu 9:1

May makaampara aw lugud sa kangku? Bukun aw lugud aku apustul? Unman aw lugud nakitan niku si Hisus, kanta Panginuun? Unman aw kamu nakan nakatanggap sa Panginuun dahil kamu kang tinudluan?

2 Kurintu 4:13

May pagsabihun sa Banal Kasuratan magkun, “Magsarig aku, nakan magbagaw aku.” Angay sa kahulugan siti pag hampang tungkul sa pagsarig, magbagaw diman ngani kami, dahil kami hanggan may sarig.

2 Kurintu 5:21

Unman nakalakaw sa kasalanan si Kiristu. Dapat ay dahilan ngani sa kanta siya ngap nibilang sa makasalanan hampay nu kita magpakiusa sa kanya, mangyari yi ngap sa kanta ti katadlungan Diyus.

Galasya 2:8

Diyus ti nagpakaun karampatan sa kan Pidru hampay mag-apustul sa manga Hudiyu, imaw diman ti nagpakaun karampatan sa kangku hampay mag-apustul sa manga balaw Hudiyu.

Ipisu 3:5

Inda pag madalum pag katutuuhanan unman ipinaburayhaw sa manga tawu ati katpung kaybi pag udas. Dapat kainda kay ipinakilala yi Ispiritu Banal sa kay manga sakup niya, sa kay manga apustul, hanggan purupita.

Ipisu 4:11

Siya diman ti may ipinakaun sa manga tawu. Kay iba pinakan-an niya katungkulan sa pagka-apustul, ti manga iba sa pagkapurupita, ti iba sa magtudlu Mayad pag Barita, ti iba pinakan-an niya katungkulan hampay mag-alaga sa iglisya, ti iba hampay manugtudlu.

Ipisu 4:5

May usa lang ka Panginuun, usa lang ka sarig, usa lang ka tulbaw.

Pilipus 1:1

Inda ti may surat kami ni Pablu ni Timutiyu, kay manga panawuhun ni Kiristu Hisus, tabug sa tanan manga banal, sa manga magpakiusa sa kan Kiristu Hisus mag-uli asan sa banwa Pilipus hanggan sa manga manug-asiwa iglisya hanggan kanda manga kaawat.

Pilipus 1:29

Pinili diman kamu ag pinakan-an karampatan hampay magsirbi sa kan Kiristu, kay ibug sabihun balaw lang tugka sa magsarig sa kan Kiristu nu unman hanggan sa mag-agwanta para sa kanya.

Pilipus 3:9

ag hampay aku lubus magpakiusa sa kanya. Udyi aku pagkilalan-un Diyus kuntay aku matadlung dahil lang sa kang magtupad sa Kasuguan ni Muysis. Pagkilalan-un aku Diyus kuntay matadlung dahil aku magsarig sa kan Kiristu. Inda pag katadlungan ginan ngani sa Diyus dahil sa kang pagsarig.

2 Timutiyu 1:5

Dayu gid niku malimtan kanmu buu pagsarig, parihu sa kay pagsarig nimu idu ni Luida hanggan sa kay pagsarig nimu ina ni Yunisi. Alam niku una kawu katunda diman kanmu pagsarig.

Titu 1:1

Inda ti may surat si Pablu, kay panawuhun Diyus ag apustul ni Hisu-Kiristu. Sinugu aku hampay parig-unun ti pagsarig manga pinili Diyus ag hampay itudlu sa kanda ti katutuuhanan nita surundanun,

Titu 1:4

Inda kang surat tabug sa kanmu, Titu, dahil kawu kang pinagkaanak, usa kita sa kanta pagsarig. Pagsa kanmu ti papalad hanggan ti kahusayan ginan sa Diyus Ama ag ginan sa kan Kiristu Hisus, sa kanta Manugribri.

Titu 2:13

Paggagadun nita ti pihu gid mangyari aban, ti madayaw pag kaudasan nu mihayag si Hisu-Kiristu sa karaw-an niya kadayawan. Siya yi ngani kanta makamaskihan pag Diyus hanggan Manugribri.

Santiyagu 1:1

Aku si Santiyagu, kay panawuhun Diyus hanggan nita Panginuun Hisu-Kiristu. Ipadangat niku kang surat pangamusta sa kanyu sa sampulu may duwa ka linahi nangalat sa tuhay-tuhay pag nasyun, nu kabitay waydi kamu asan.

1 Pidru 1:1

Inda ti may surat si Pidru, kay apustul ni Hisu-Kiristu, tabug sa manga pinili Diyus nangalat-kalat nangulian sa manga daga Puntu, Galasya, Kapadusya, Asya hanggan sa Bitinya.

1 Pidru 1:7

Ti gintu kabay madi madaut di aban, pagtunawun nida sa apuy hampay makitan nu lunsay yi ngani gintu. Katida diman waydi kanyu pagsarig subra waya sa gintu kay kahalaga, pag-ipalakaw sa manga subuk hampay maalaman nu ngatay buu. Nu buu kanyu pagsarig, kamu aban bayaun, purihun hanggan dayawun ati katpung aban sa kay kaudasan nu mihayag si Hisu-Kiristu.

1 Pidru 2:7

Nakan ngani mahalaga si Kiristu sa kanyu sa manga may sarig. Dapat sa manga unman may sarig matupad inda pag Kasuratan magkun, “Ti batu dinayu manga manugpatindug balay, imaw yi ngap ti ipinakana mahalaga pag kalap.”

1 Pidru 5:1

Aku duy may paanyu sa manga manug-asiwa sa kanyu. Aku manug-asiwa diman ga kanyu. Nakitan niku kan Kiristu inagwanta pag manga kakurian. May kabahagi diman aku sa kadayawan arani yi ipaburayhaw aban.

2 Pidru 1:4

Sa katida pag paraan masyadu gid mahalaga kay manga itinaratu sa kanta hampay makaiwas kamu sa kadautan ginan sa kutub kahalayan sitay sa kalibutan, ag hampay hurayan kamu kay pagka-Diyus.

Hudas 1:1

Inda ti may surat si Hudas kay panawuhun ni Hisu-Kiristu, kay diman waydi patar-ari ni Santiyagu. Inda kang surat tabug sa kanyu duy, sa manga pagmayadun dahil sa kanyu pakiusa sa Diyus Ama. Kamu manga pinili Diyus ag kamu pag-ingatan ni Hisu-Kiristu.