1 Timutiyu 6:6 - Hanunuu

⁶ Nu sa ungud, tutuu daka kanta pakinabang nu magpasakup sa Diyus ag nu naanadan nita ti magbaya una sa kaalwanan una sa kakurian.

1 Timutiyu 6:6 Iomraidhean Croise

2 Hari 6:2

Nakan atabug kita sa Sapa Hurdan nu naan may mayamu pag puun kayu. Manmuwat kita ati ulian kanta tiripnan.” Magsabi si Ilisyu, “Hu, pag-atag yi kamu.”

Kanta 37:16

Ti diit pag magkaapu matadlung mas mayad waya kaysa mayamu pag kayamanan manga daut.

Kanta 84:11

Dahil kawu, Panginuun Diyus, parihu sa init magpakaun rayaw hanggan panangga makaalaga sa kanmi. Magpakaun kawu papalad hanggan kadayawan. Balaw nimu inirangan ti mayad pag manga bagay sa manga tawu magkabuhi matadlung.

Pag-ighit 2:21

Nagpasnu si Muysis mandayun sa balay ni Ruwil. Pagkadugay ipinaasawa ni Ruwil kay anak, si Sipura, sa kan Muysis.

Kabagawan 15:16

Mas mayad waya ti pugri maggalang sa Panginuun kaysa mayaman pudu kaguluhan.

Kabagawan 16:8

Mas mayad waya ti diit pag kasiyunan pinangabudlayan hustu kaysa mayamu pag kasiyunan ginan sa daut pag paraan.

Kabagawan 28:25

Ti makasadili pag tawu makapaumpisa lang sa kaguluhan, dapat ti tawu magsarig sa Panginuun umunlad.

Hirimyas 35:9

balaw diman kami namatindug manga balay, ag balaw diman kami nagkaimaw manga ubasan, ngatay manga tanman.

Lukas 12:15

Bag-u sinabi niya sa kanda, “Pag-ingat gid kamu, pag-aman kamu agud kanyu tagipusuun unman maramuun. Dahil ti tawu balaw kumakit buhi nu sa abunda lang pag kasiyunan.”

Lukas 3:14

Pinaingana siya manga sundalu magkun, “Ag kami, hintay ti dapat nimu buwatun?” Magkun si Huwan sa kanda, “Danga magbuul tawu kuwarta sa karagasyun, danga magparhug sa tawu. Pagmasulung kamu sa kanyu suhul kang-ud.”

Ruma 8:28

Alam nita sa tanan manga bagay ti Diyus minsan magbuwat sa manga magmahal sa kanya sa kanda ikaayad. Dahil sida pinili niya angay sa kay turunu.

2 Kurintu 4:17

Ti malpus-malpus pag kakurian kanmi paglakawan inda bilang ngalay-ngalay lang. Kay pakinabang aban imaw ti kaayadan unman may katapusan. Unman may tumimbang kakurian sa siti pag kaayadan.

Pilipus 1:21

Dahil nu para sa kangku si Kiristu kang tutuu pag buhi ag may pakinabang ngap nu aku mamatay.

1 Timutiyu 4:8

May pakinabang diman nu magpaantigu ti bilug. Dapat lalu waya may pakinabang nu mangungud kita kanta bilug hanggan tagipusuun sa kanta turunu marapasakup sa Diyus. Dahil nu katida kita pag mag-ugali, may patabgan di kita kaayadan balaw lang sa kainda pag buhi, lalu waya sa ikadwa pag buhi.

1 Timutiyu 6:8

Nakan ngani kailangan kita magbaya nu kita may karan-unun hanggan rutay.

Hibriyu 13:5

Danga kamu mag-ugali maraibgun sa kuwarta. Pagmasulung yi lang kanyu naisipan sa kanyu kahamtangan. Dahil Diyus diman ti may sabi magkun, “Una sa hintay ngarana balaw pakurangan niku kawu, una sa hintay ngarana unman gid pabay-anan niku kawu.”