1 Timutiyu 6:4 - Hanunuu

⁴ tunda pag tawu magpadayaw-dayaw dapat unman may kadunungan. Naugalian yi waydi niya ti parairgu hanggan ti aratwan tungkul sa manga sanglitan, imaw ti pagpun-an durumtan, kagalitan, puruyaan hanggan magbarangdanan,

1 Timutiyu 6:4 Iomraidhean Croise

Kabagawan 13:7

May manga tawu magpabalhinguun mayaman, dapat pugri maaw. Ag may manga tawu magpabalhinguun pugri, dapat mayaman maaw.

Kabagawan 25:14

Ti tawu unman magtupad sa kay taratu parihu sa rurum ag durus unman magdara uran.

Kabagawan 26:12

Mas mayad waya ti patabgan kurang kay intindi pag tawu kaysa tawu mag-isip sa kay sadili madunung siya.

Isayas 58:4

Balaw ngani kamu maghandum karan-unun, dapat mag-arawayan diman kamu, magtalaluhan, ag magsuruntukan waya. Danga niyu isipun kanyu unman maghandum karan-unun taynguna makaawat hampay dungugun niku kanyu darangin.

Binwat 15:2

Sida ni Pablu ni Birnabi balaw napatalu sa mahigpit pag kalatadlunganan sa kanda. Nakan pagka dugay pinagkausahan nida kailangan umati sa Hirusalim sida ni Pablu ni Birnabi may kumuyug manga patar-ari taga Antiyukya hampay manhampang sa manga apustul hanggan sa manga manug-asiwa iglisya tungkul sa inda pag kakurian.

Binwat 18:15

Dapat kanyu dimanda maaw tungkul lang sa manga bagaw, manga ngaran hanggan tungkul sa manga Kasuguan sa kanyu sa manga Hudiyu. Nakan aku dayu maghusay sa kanyu sa katunda pag harampangan. Pagbahala yi kamu.”

Binwat 8:9

May usa ka lalaki kay ngaran si Simun. Kaybi waya ginan nagpadulaw-dulaw siya sa manga taga Samarya dahil sa kay salumangka. Pag-akuun niya siya may dunung.

Ruma 12:16

Pagkarausa kanyu nalub-anan. Danga kamu magpalabi-labi, bagkus ngap pagpakiusa kamu sa manga makuri kay kahamtangan. Danga pag-isipa niyu kanyu sadili kuntay kamu lang ti madunung.

Ruma 13:13

Pag-ugali sa mayad dahil sa karayawan yi kita, danga pag-abalaha ti udas sa maglangu, sa magulu pag kasulungan, danga pagpasibut-i ti sadili daut kagustuhan pagkatawu, una sa kahalayan, una sa irisgan, una sa hirirakan.

Ruma 14:1

Tanggapa niyu ti malumuy kay pagsarig, danga niyu pagtamyawa kay manga tun-anun.

Ruma 2:8

Dapat mahigpit pag galit kay ganti Diyus sa manga magbuwat kaguluhan, sa manga dayu magpaniwala sa katutuuhanan, bagkus naniwala di ngap sa kadautan.

1 Kurintu 11:16

Dapat nu may magkaibug magbirba sa kang sinabi inda, udyi aku may iba paanyu. Kami nakan hanggan tanan iba iglisya Diyus kainda diman kanmi ugali sa pagsamba.

1 Kurintu 11:18

Dahil un-an sa tanan naalaman niku nu kamu ti manga napasakup sa kan Hisus magtiripun, unman maaw magparaangayan kamu. Ag bilang ga magpasnu yi ngap aku.

1 Kurintu 3:18

Una hintay pag tawu danga magdaya sa kay sadili. Una sitapu sa kanyu tig-isip siya may kadunungan sitay sa kalibutan, pagkilala siya bukun ngap tutuu pag kadunungan tunda, hampay siya ngap dumunung.

1 Kurintu 3:3

Dahil una kainda kamu magpatingi waya sa kanyu sadili kagustuhan pagkatawu. Nu kamu maghirirakan hanggan magtalaluhan unman aw lugud kamu mag-ugali angay sa kanyu sadili kagustuhan pagkatawu? Unman aw lugud kanyu pagsundan ti manga kaugalian manga tawu magpatingi lang sa kanda sadili kagustuhan?

2 Kurintu 11:20

Pag-agwantahun di niyu una kamu buwatun suruguun, una kamu pagdayaun, una kamu pagsakupun nida, una kamu pagpalabi-labihan nida, una pagsampalun waya.

Galasya 5:15

Dapat nu kamu ga hayup magkaragtan magsiribaan, barang mapapas kamu.

Galasya 5:26

Danga kita palabi-labihun, maraaway, danga kita maghirirakan.

Galasya 6:3

Nu may magpainu-inu sa kay sadili kuntay siya mahalaga dapat unman diman waydi, dinaya ngap niya kay sadili.

Pilipus 1:15

Tutuu may manga tawu pag-ibarita nida si Kiristu dahil sa kanda maghirak hanggan mag-away. Dapat ti iba ginan ngap sa mayad pag naisipan kanda pag-ibarita si Kiristu.

Pilipus 2:14

Buwata niyu ti tanan pag manga bagay danga sa pilitan ag danga waydi sa barungbadu.

Pilipus 2:3

Danga makasadili lang kanyu turunu gayak, danga sa ikadayaw lang sa kanyu sadili. Bagkus ngap lubus pagparakumbabaan kamu sa usa kag sa usa, isipa niyu ti manga iba lalu mayad man sa kanyu sadili bilug.

Kulusas 2:18

Danga kamu maniwala hampay kanyu pirimyu unman madura sa kanyu. Dahil may manga tawu gustu nida pilitan kamu sa lagat-lagat unman maghandum karan-unun hanggan sa magsamba sa manga anghil. Magpalabi-labi sida sa kanyu dahil sa kanda nakitan ginan kunu sa Diyus. Dapat unman sida may ipadayaw-dayaw dahil kanda ugali naisipan parihu lang ga tanan tawu.

2 Tisalunika 2:4

Siya yi gid ti Manuglaban. Magpalabi-labi siya laban sa tanan pag-ingarnan manga tawu kuntay diyus hanggan sa tanan pag manga pagsambahun nida. Pagka dugay ipaabwat niya kay sadili, sumaka siya sa Balay Diyus, tumukaw siya ati akuun niya kuntay Diyus siya.

1 Timutiyu 1:4

Danga yi sida maggaraw tunda pag manga suyut hanggan sa manga tultulanun aba ag listahan nida manga kaapu-apuhan. Siti ginan ti bulul-an arawayan, unman diman waydi sa ikatupad sa turunu Diyus. Tunda pag turunu matupad lang tawu nu siya may pagsarig.

1 Timutiyu 1:7

Sida mana may gustu manudlu Kasuguan Diyus. Dapat ay unman magkasalman nida kanda pagsabihun, madi nu sa kanda lang hantup tutuu ngap ti kanda pag-itudlu.

1 Timutiyu 3:6

Kailangan diman waydi siya dugay yi kay magsarig sa Panginuun, barang siya magpalabaw-labaw bag-u rargu siya masintinsiyahan parihu sa diyablu.

2 Timutiyu 2:14

Paalalahanan nimu inda pag manga bagay sa kanmu manga tuludluan, bilini nimu sida balaw gustu Diyus mag-aratwan sida tungkul sa manga sanglitan. Unman may pulus tunda pag magpakatalaluhan, bagkus ngap tunda sa ikadamhak manga nakadnug.

2 Timutiyu 2:23

Amani nimu ti ud may kabuluhan pag dibati. Alam yi waydi nimu tunda ngani ti pagpun-an arawayan.

2 Timutiyu 3:4

Balaw lang tunda, paradaya waya sida, daluk-daluk, palabi-labihun, mahilig sa daut pag kasayahan, unman ngap pagpahalgaan nida ti Diyus.

Titu 3:9

Iwasan nimu ti manga dibati unman may pulus, ti manga tultulanun aba pag listahan nida manga ginurang, ti maglalabanan hanggan mag-arawayan tungkul sa Kasuguan. Dahil ti katunda unman makinabangan, unman diman may pulus.

Santiyagu 1:19

Manga mahal niku pag manga patar-ari, tandai niyu inda pag bagaw: kada tawu pagpaanad sa magpatingi, danga susun magsagut. Danga hanggan rargu magkagalit.

2 Pidru 2:12

Dapat ay tunda pag pudilun pag manga manugtudlu parihu sa manga hayup simarun unman may buut, nianak sida hampay dakpun ag matyun. Ti manga bagay unman magkasalman nida imaw ngap ti kanda paglapastanganun, nakan parihu sa manga simarun hayup sida ipadamhak diman.

2 Pidru 2:18

Palabi-labihun sida nu magbagaw dapat unman diman may kahulugan ti kanda pagsabihun. Kanda garamitun kanda daut pag kagustuhan naisipan hampay maudyukan bumalik maan sa kadautan ti manga bag-u lang magpakarayu sa manga tawu daut kay ugali.

Hudas 1:10

Dapat tunda pag manga tawu magmuransa ngap sa unman nida magkasalman. Ti manga bagay kanda yi nataw-an parihu ga manga hayup unman may buut, imaw yi kanda paggamitun sa ikadamhak nida.

Hudas 1:16

Tunda pag manga tawu maraibgun yi lang gid sa kasiyunan, manga mag-isip lunsay makuri, udyi mag-iblag kay naisipan ginan sa kay buwat daut pag kagustuhan, manga padayaw-dayawin, madunung magpalana magbagaw hampay mab-ul lang kanda pagkaibgan.

Ipinakakit 3:17

Pagsabihun nimu kuntay kawu mayaman, unman may kurang, may kang-ud kawu sa tanan bagay. Dapat unman nimu alam anung anung kaawaawa kawu masyadu, kapugrihan yi, ga lilus yi ag buta waya kawu.