1 Timutiyu 6:12 - Hanunuu

¹² Buwata nimu tugka sa kanmu makaya hampay ingatan nimu ti katutuuhanan tungkul sa kanta pagsarig una may kalaban bag-u makarubtan nimu ti tutuu pag buhi unman may katapusan. Kabay imaw pag buhi kay turunu Diyus. Nakan kawu kay pinili Diyus, pagka ipinakilala nimu mayad-mayad kanmu pagsarig sa mag-adnugan kayamuan tawu.

1 Timutiyu 6:12 Iomraidhean Croise

Kanta 63:8

Magpakarani aku sa kanmu, ag paghiyaptan nimu aku hampay balaw aku maunu.

Kabagawan 3:18

Mapalad ti tawu may kadunungan; ti kadunungan ikaayad ag ikalawig niya buhi.

Kanta ni Sulumun 3:4

Udwaya aku nikarayu ginan sa manga guwardiya, nakitan niku kang mahal. Hinagkung niku siya mahigpit, unman yi niku siya binul-iwan tugka sa nadara niku siya sa balay niku ina, ati sa sulud-sulud nu naan aku nabuu.

Isayas 44:5

May manga sumabi, ‘Aku sa Panginuun,’ may sumabi diman, ‘Aku linahi ni Hakub.’ May imaw diman mamauli marka sa kanda manga kamang pangaran Panginuun, ag ipaparihu kay sadili minsan sa nasakupan Israil.”

Sakaryas 10:5

Magkarausa ti manga nasakupan Huda ag bumaliw sida parihu sa marabisug pag manga sundalu tumalu sa kanda manga kalaban ga lutuk tatatataan sa dalan. Manlaban sida dahil kaibahan nida aku, ag taluhun nida ti manga manugkabayu.

2 Kurintu 6:7

sa magbagaw katutuuhanan hanggan sa kamaskihan Diyus. Kanmi matadlung pag ugali buhi imaw kanmi armas panlaban hanggan panangga.

2 Kurintu 9:13

Nu unman kamu may kabuyatan sa kanyu magpakaun sa kanda hanggan sa tanan tawu imaw yi ti puruyba sa kanda kuntay matinupadun kamu sa Mayad pag Barita ni Kiristu. Nakan siyun ginan dumayaw sida sa Diyus.

Diyuturunumiyu 26:3

Pag-atag kamu sa manughandug Balay Diyus magsirbi sa tunda pag udas ag pagsabi sa kanya, ‘Sa panab-anan inda pag handug, pagkilalan-un niku kainda pag sirang kuntay ti Panginuun nita Diyus imaw ti nagdara sa kangku sa inda pag daga kay itinaratu sa kanta manga ginurang iayaw sa kanta.’

Pilipus 1:30

Kamu hanggan aku minsan diman kita sa inda pag labanan kanyu nakitan kaybi sa kangku ag kanyu naalaman kang nalakawan taynguna.

Kulusas 3:15

Pagpasakup kamu kanyu tagipusuun sa kahusayan kay pakaun ni Kiristu. Kamu binutung Diyus sa inda pag kahusayan, hampay kamu magkabuu usa ka bilug. Kailangan kamu pagpasalamat sa Diyus.

1 Tisalunika 2:12

Pinabisug nimi kanyu nalub-anan, pinasulung ag binutung sa mag-ugali kang-ud sa kay magbantay Diyus, imaw ti nagpili sa kanyu hampay makatanggap kahuray sa kay kaharian hanggan kadayawan.

2 Tisalunika 2:14

Nakan kay binutung kamu Diyus pagka itinudlu nimi sa kanyu ti Mayad pag Barita hampay sa kanyu yi kay kadayawan nita Panginuun Hisu-Kiristu.

1 Timutiyu 1:18

Inda pag bilin kang pag-ipabahala duy Timutiyu sa kanmu angay sa manga ipinurupita kaybi tungkul sa kanmu, imaw ngani tigpabisug sa kanmu maglaban sa kadautan.

1 Timutiyu 1:19

Pangungud yi lang gid kawu sa kanmu pagsarig ag danga may pag-alalahanun kasalanan sa kanmu tagipusuun. Dahil may manga tawu unman pagpahalagaan nida kanda malumpiyu tagipusuun, nakan rinangga yi kanda pagsarig.

1 Timutiyu 4:14

Danga paghamnua nimu ti ipinakaun Ispiritu Banal sa kanmu angay sa ipinurupita katpung sa nagkupa manga manug-asiwa iglisya kanda kamang sa kanmu.

1 Timutiyu 6:13

Sa atubangan Diyus imaw ti gimpuunan tanan magkabuhi ag sa atubangan ni Kiristu Hisus imaw ti nagpatutuu mayad-mayad sa kay pagsarig sa pagdungugan ni Punsiyu Pilatu, kang pagsabihan duy kawu,

1 Timutiyu 6:19

Nu katida makatipun sida kayamanan sa pag-atubangun pag udas ag makatanggap sida tutuu pag buhi.

2 Timutiyu 1:9

Diyus ti nagribri ag nagpili sa kanta hampay kita kanya yi. Balaw dahil sa kanta sadili buwat nu unman angay ngap sa kay turunu ag pangaawa. Pagka udwaya linalang ti kalibutan daan di itinigana niya kay mayad nabubut-un sa kanta sa panab-anan ni Kiristu Hisus.

2 Timutiyu 2:2

Ti manga nadnugan nimu sa kangku sa atubangan mayamu manga manugpatingi kailangan kanmu waydi itudlu iintirga sa manga tawu magkaasahan magtudlu waydi sa iba.

2 Timutiyu 4:7

Lubus aku naglaban ga sa mag-urunahan. Nakaaput yi aku sa turunu niku palalagiwan. Iningatan niku ti katutuuhanan tungkul sa kang pagsarig.

Hibriyu 13:23

Kang pag-ibarita sa kanyu si Timutiyu balaw yi ati sa pirisuhan. Nu muli siya madali, kumuyug aku sa kanya asan tag.

Hibriyu 3:14

Kita kaibahan yi ni Kiristu nu marig-un kita pag magsarig ginan sa umpisa ag nu unman kita bumul-iw hanggan tugka sa katapusan.

Hibriyu 6:18

Ti sumpa kag ti taratu balaw magkauman ag dayu mahimu makapudil ti Diyus. Nakan kita ti manga nagdangup sa kanya, marig-un kita sa kanta maghingabut sa kay itinaratu.

1 Pidru 3:9

Danga gantihi daut ti tawu nu magbuwat daut sa kanyu. Danga niyu murahun ti magmura sa kanyu. Bagkus ngap idarangin niyu sida hampay papaladan sida Diyus. Dahil pinili kamu Diyus hampay makatanggap papalad ginan sa kanya.

1 Pidru 5:10

Pagka lumawuy kanyu ngalay-ngalay pag kakurian, pakan-an kamu Diyus kahustuhan hanggan karig-unan hampay udyi magkaanggihut. Siya ti gimpuunan tanan kaayadan, siya diman waydi ti nagpili sa kanyu hampay kamu may kabahagi waydi sa kay ud may katapusan pag kadayawan kaibahan ni Kiristu.

1 Huwan 2:25

Inda yi kay itinaratu sa kanta ni Kiristu, ti buhi unman may katapusan.

Hudas 1:3

Mahal niku pag manga patar-ari, kang gid mana gustu magsurat tag sa kanyu tungkul sa karibrihan nita tanan. Dapat ay pilit aku sumurat pumaanyu sa kanyu hampay kanyu ingatan ti katutuuhanan tungkul sa kanta pagsarig una may manga kalaban. Inda pag katutuuhanan kas-a lang ginan iinintirga sa manga napasakup sa Diyus.

Ipinakakit 3:3

Pag-isip-isipa gid nimu nu kabitay nimu natanggap ti kanmu nadnugan pag manga tudlu. Tupada nimu tida. Ampui yi patlikudi yi kanmu buwat kadautan. Nu unman kawu mimata, asan tag aku parihu ga mananakaw. Unman nimu alam ti udas niku pagras-ug sa kanmu.

Talaghusay 3:2

Binwat inda Panginuun hampay tudluan lumaban ti manga linahi Israilita balaw waya nakalakaw inda.