1 Timutiyu 6:10 - Hanunuu

¹⁰ Dahil ti hangad sa kuwarta imaw ti gimpuunan tanan kadautan. Dahil may manga tawu maraibgun sa kuwarta nagsimray sa kanda pagsarig, nagpakaun sida kakurian sa kanda sadili buhi.

1 Timutiyu 6:10 Iomraidhean Croise

Gimpuunan 29:14

Magkun si Laban sa kanya, “Ungud gid magkadugu kita.” Pagkalawuy usa ka bulan kay magpirmaminti ni Hakub sa kanda ni Laban,

Gimpuunan 29:26

Sinmagut si Laban, “Balaw ugali sitay sa kanmi rugar ti mag-una mag-asawa kay arian kaysa panganay.

Gimpuunan 34:27

Bag-u sinaka diman iba waya ka anak ni Hakub ti banwa ag bin-ul ati ti manga kasiyunan. Binwat nida inda dahil inuringan ti pagkababayi nida patar-ari si Dina.

1 Hari 2:40

pinaulian niya tukawan kay asnu ag sinmakay, ag inmatag sa kan Akis sa Gat hampay hanapun kay duwa ka suruguun. Nakitan niya sida ag dinara pauli.

2 Hari 5:27

Dahil sa inda pag binwat nimu, kay sakit sa lukub ni Naaman misalin sa kanmu hanggan sa kanmu manga linahi hanggan aban.” Pag-ighit ni Gihasi ginan sa kan Ilisyu, nagkaimaw ngani siya dilikadu pag sakit sa lukub, ga burak yi kay kalagti kay lukub.

Kanta 32:10

Mayamu pag kakurian ti magkalakawan manga daut pag tawu, dapat ti magsarig sa Panginuun pagmahalun gid niya.

Kanta 62:10

Danga kamu magsarig sa magpanguwarta. Danga kamu magsarig may mab-ul kamu sa panab-anan panakaw. Una magdugang waya kanyu kayamanan, danga inda pagsarigi.

Kabagawan 1:19

Katunda ngani ti patabgan manga tawu mag-apu kasiyunan sa daut pag paraan. Mamatay sida sa katunda pag buruwatun.

Kabagawan 1:31

Nakan anihun niyu ti burak niyu manga pagbuwatun hanggan paggayakun daut.

Kabagawan 15:27

Ti tawu maramuun sa kayamanan sa daut pag paraan, magdara gulu sa kay magtal-anakan. Ti tawu balaw magtanggap suhul lumawig kay buhi.

Manugtudlu 2:19

Ag si unu ti nakaalam nu madunung inda pag tawu ngatay unman may intindi? Dapat una unu waya siya, siya diman ti mangapu sa tanan niku binudlayan sa buu niku kabisugan ag kadunungan. Unman diman inda may pulus!

Isayas 1:23

Kanmu manga takinan manga supakil ag kaibahan manga mananakaw. Gustu nida pirmi may upa, ag magpanhagad pamakaun. Balaw nida pag-apinan ti karampatan manga ulila ag balaw diman nida pagpatingihan ti manga buranday magdangup.

Isayas 56:11

Ga manga idu sida daluk ud magkabsug. Ti manga manugbantay Israil unman may intindi. Ti kada usa sa kanda magbuwat una lang hintay kanda gustu buwatun. Sadili lang ikaayad ti kanda pagpabalagan.

Isikil 13:19

Paglabagun niyu aku sa atubangan niku nasakupan dahil lang sa pira ka akup sibada ag pira ka bilug tinapay. Sa panab-anan niyu pamudil, pagkumnun niyu mamatay ti balaw dapat mamatay, ag pagkumnun diman niyu balaw mamatay ti dapat mamatay. Ag magpaniwala kang nasakupan sa kanyu kapudilan.

Isikil 16:33

Magpabayad ti manga babayi magpabili kanda bilug, dapat kawu inda imaw waya ti magpakaun pamakaun sa kanmu manga katagbu hampay magarya nimu sida pumakarani sa kanmu sa pag-ululidan.

Isikil 22:12

Ti iba magtanggap suhul hampay manmatay tawu, ti iba magpatubu labis-labis, hanggan magyaman dahil sa maramuun sa kuwarta. Nalimtan yi gid nida aku. Aku, ti Panginuun Diyus, ti magbagaw inda.

Mikas 3:11

Pagkampihan niyu sa hukuman ti manga magpakaun suhul sa kanyu. Ag kamu pag manga manughandug magtudlu lang nu pagbayadan. Katunda diman kamu pag manga purupita, maghula lang kamu nu may kuwarta. Magsarig waya kamu awatan Panginuun, dahil magkun kamu, ‘Kaibahan di nimi ti Panginuun. Nakan unman may una hintay pag kadautan ti rumas-ug sa kanmi.’

Malakyas 1:10

Magkun ti Panginuun Makamaskihan, “Mana may usa sa kanyu sa manga manughandug ti tumalakup sa manga sabian niku Balay, hampay balaw yi kamu magpamakut unman may pulus pag apuy sa kang harandugan. Balaw niku tanggapun kanyu manga handug, dahil balaw aku magbaya sa kanyu.

Matiyu 13:22

Tunda waydi pag nipamgas sa madugihan ipinahalimbawa sa tawu magpatingi sa Bagaw Diyus dapat makasadili siya sa manga bagay sa babaw daga, mairibgun yi siya sa manga kayamanan, nakan ti Bagaw Diyus udyi may rugar sa kay tagipusuun, udyi binmurak.

Matiyu 23:13

Sinabi ni Hisus, “Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Bilang ga tinalakpan niyu ti sabian hampay ti manga tawu dayu makasulud sa kaharian langit. Kamu dayu magsulud sa kaharian langit bag-u kanyu waya pag-amparahun ti manga magkaibug magsulud ati.

Matiyu 6:19

Magkun si Hisus, “Danga kamu magtipun kanyu kayamanan sitay sa babaw daga. Sitay may magdaut manga talagkumang una manga tayan, may magsulud manga mananakaw.

Markus 4:19

Dapat pagka dugay naabala sida sa manga bagay sa babaw daga. Mairibgun yi sida sa kayamanan, maghingbut waya sa iba manga bagay. Nakan ti Bagaw Diyus udyi may rugar sa kanda tagipusuun, udyi binmurak.

Diyuturunumiyu 16:19

Kailangan danga nida paglubaga ti matarung ag kailangan balaw sida may pagkampihan sa pagsintinsiya. Danga sida magtanggap suhul dahil ti suhul makabuta sa madunung hanggan sa matadlung, ag makapasalan sa kanda magpasya.

Diyuturunumiyu 23:18

Danga gid niyu pagdaraha sa Balay Panginuun niyu Diyus ti natanggap niyu pag kuwarta ginan sa tunda pag paraan hampay ibayad sa kanyu taratu sa Panginuun niyu Diyus, dahil pagkadat-an gid niya tunda.

Kulusas 3:5

Nakan kailangan matyun yi lang niyu ti kagustuhan niyu angay waya sa kalibutan, ti panguragin, ti manga mahalay, ti gamun sa kahalayan, ti daut pag manga hilig, ti mairibgun sa kasiyunan imaw diman ti usa ka kalasi panamba sa diyus-diyusan.

1 Timutiyu 3:3

Kailangan unman maraibgun siya sa irinmun makalangu, balaw diman arisgadu, kailangan pag maalumanay ngap siya, maraibgun sa kahusayan, danga maraibgun sa kuwarta.

1 Timutiyu 6:21

Dahil ti manga magpadunungun nagtalang ngap ginan sa kanda pagsarig sa kan Kiristu. Pagsa kanyu tanan ti papalad Diyus.

1 Timutiyu 6:9

Dapat ti tawu nu maghingbut sa yumaman, madara siya sa tuksu ga nasduk sa mayamu pag kadautan ag sa unman may kabuluhan pag manga paghangadun, imaw ti magdara sa kanya tabug sa kadamhakan.

2 Timutiyu 3:2

Ti manga tawu aban makasadili, maramuun sa kuwarta, palabi-labihun, yabang-yabangin, magpanmuransa, supladu sa gurangun, unman may pasunaid sa kay sadili, ag unman magpasakup sa Diyus.

2 Timutiyu 4:10

Dahil tinayakan yi aku ni Dimas. Ipinalabi di niya ti bagay sa kalibutan. Ati yi siya sa Tisalunika. Si Kirisinti nag-ati sa Galasya. Si Titu waydi ati sa Dalmasya.

Titu 1:11

Kailangan sida amparahan sa kanda maglaban hanggan magdaya, dahil pagguluhun nida ti manga magtal-anakan. Basta sida sa kumakit lang kuwarta, pag-itudlu nida ti unman kailangan itudlu.

Santiyagu 5:19

Manga patar-ari niku, nu may nagsimray sa kanyu ginan sa katutuuhanan ag nu may usa ka patar-ari nagbawi sa kanya,

Huswi 7:21

Sa manga bagay naagaw nita, may nakitan aku usa ka marinu pag rutay ginan sa Babilunya, pilak manga duwa ka kilu may tunga, ag usa ka barita gintu manga tunga kilu. Naibug gid aku sa inda pag manga bagay, nakan bin-ul niku. Ilinbung niku inda sa daga sa sulud niku turda. Ti pilak ati gid sa sirung.”

Hudas 1:11

Madala gid kanda patabgan dahil naghuwad sida sa kay ugali ni Kain. Parihu sa kan Balaam sinukmahan nida ti kadautan basta may matanggap sida kuwarta. Parihu ga kan Kura, sa kanda maglaban sida midamhak aban.

Ipinakakit 18:13

May paninda diman sida manga kaningay hanggan kamangyan, may mira, may kamangyan, may intus, manga langis, may arina hanggan tirigu, may baka, manga karanidu, manga kabayu, manga kalisa, hanggan may paninda diman sida manga panawuhun, manga buhi tawu.