1 Timutiyu 5:6 - Hanunuu

⁶ Dapat ti buranday nu mag-ugali sa parabayain, isipa yi lang siya ga namatay.

1 Timutiyu 5:6 Iomraidhean Croise

Gimpuunan 2:17

purya lang sa burak kayu magpakaun kadunungan nu hintay ti mayad ag ti daut. Dahil nu kan-un nimu tunda, sa tunda diman pag sirang pihu gid kawu mamatay.”

Kabagawan 29:21

Nu pagpasugtan lang nimu kanmu suruguun ginan sa anak waya siya, aban sa uryan bumaliw dahilan nimu siya.

Isayas 22:13

Bagkus ngap nanhandaan kamu ag nagbarayaan. Nangiyaw kamu manga baka ag karanidu, bag-u nangaran-an ag nanginuman. Magkun kamu, “Pagmasulung kita, mangaun ag manginum, dahil aldaw barang mamatay yi kita.”

Isayas 47:1

Magkun ti Panginuun, “Babilunya, manukawan kawu sa daga. Manukawan kawu unman may tukawan hari. Kawu parihu sa tugnaw pag babayi, balaw yi tawagun mabuut ag maalumanay.

Hirimyas 6:2

Dautun niku ti marinu pag banwa Hirusalim.

Karukuan 4:5

Ti manga tawu magkaun kaybi masarap karan-unun, magpanhagad wadi taynguna karan-unun sa manga tawu sa manga karsada. Ti manga nagdaka manga mayaman, magpunpun wadi taynguna karan-unun sa rayamtan paruk.

Matiyu 8:22

Dapat magkun si Hisus sa kanya, “Pagkuyug kawu sa kangku, ipiyar nimu sa unman may manga buhi ti lumubung sa manga namatay.”

Lukas 12:19

Bag-u sumabi sa kang sadili bilug, mayamu yi kang kasiyunan kinarinu sa kang butangan, kang-ud sa mayamu pag timpu. Magpahari aku kang bilug, kumaun, uminum, magbaya waya aku.’

Lukas 15:13

“Balaw yi dinmugay, tunda pag anak kap-usan nagpabili kay daga bag-u tinabu dinara kay kayamanan, rargu yi naglakaw tag sa arayu pag daga. Pagka ati ginastus lang niya kay kuwarta sa unman may kabuluhan.

Lukas 15:24

Dahil sitay kang anak tigbak, dapat nabuhi uman. Kabag-u nadura, dapat nakitan maan.’ Nakan nagbaya gid sida.

Lukas 15:32

Dapat kailangan kita magbaya gid ag masulung lubus, dahil sitay tigbak kanmu ari ag taynguna buhi yi maan. Sitay nadura ag kainda nakitan maan.’ ”

Lukas 16:19

Sinabi ni Hisus magkun, “May usa ngani ka tawu mayaman, kay rutay parihu sa rutay manga hari kay pagkarinu, masyadu gid marinu. Subra gid sa kanya kay karan-unun sirang-sirang.

Lukas 7:25

Kanyu nag-ati hintay ngani kanyu hinanap? Nanduaw lang aw kamu sa tawu marinu kay rutay? Ti manga may rutay marinu, kay kahamtangan masyadu aduk gid, ati kabay sida pag mag-uli sa balay manga hari.

Ipisu 2:1

Kamu pag manga patar-ari balaw Hudiyu, kaybi kamu manga tigbak dahil sa kanyu maglaban sa Diyus ag dahil sa kanyu kasalanan.

Ipisu 2:5

Una kaybi kita manga tigbak dahil sa kanta paglaban sa Diyus, dapat binuhi niya kita kaibahan ni Kiristu. Naribri kamu dahil lang sa kay mayad nabubut-un Diyus.

Ipisu 5:14

Dahil karayawan yi ngani tigpakilala sa tanan. Nakan ngani pagsabihun magkun, “Pag-imata yi kawu ginan sa katurugan, pagkabuhi yi kawu ginan sa kamatayan, rayawan yi kawu ni Kiristu.”

Diyuturunumiyu 28:54

Una waya ti mabuut ag maalumanay pag tawu unman yi may pangaawa sa kay patar-ari, sa kay pagmahalun pag asawa, hanggan sa kay nasawad pag manga anak.

Diyuturunumiyu 28:56

Una hanggan ti mabuut ag maalumanay pag babayi kaybi unman maglakaw nakaraprapa sa daga, bumaliw diman mairang sa kay pagmahalun pag asawa hanggan manga anak.

Kulusas 2:13

Kamu pag manga balaw Hudiyu, daan ga tigbak kamu sa kanyu tagipusuun dahil sa kanyu kasalanan ag dahil kamu balaw sakup sa Kasuguan, dapat binuhi uman kamu Diyus kaibahan ni Kiristu. Pinatawad yi kita sa kanta tanan pag manga kasalanan.

2 Timutiyu 3:6

Ti iba sa kanda, magsaka sa manga tawu balay. Paggaryahun nida ti manga babayi balaw masyadu kay buut, nalagum yi sa kasalanan, manga panawuhun sadili nida daut pag kagustuhan.

Santiyagu 5:5

Magpadayaw-dayaw kamu dahil kang-ud yi udyi may kurang kanyu kasiyunan sitay sa babaw daga. Nagtabul kamu parihu ga manga hayup iriyawun.

Ipinakakit 18:7

Nu kabitay siya magpadayaw-dayaw sa kay kayamanan ag magpalabaw-labaw, katunda diman ipakaun niyu sa kanya ti mahigpit pag kakurian hanggan karukuan bilang patimbang. Dahil pirmi pagpakaisip-isipun niya magkun, ‘Rayna yi gid aku tutuu, balaw aku buranday, udyi aku may malakawan karukuan hanggan waya aban.’

Ipinakakit 3:1

“Isurat nimu inda para sa anghil magbantay sa iglisya sa banwa Sardis: “Inda ti magsabi imaw yi ngani ti may pitu ka Ispiritu Diyus hanggan pitu ka pamgasan: Alam diman waydi niku kanmu pagbuwatun. Nu sa magbantay manga tawu kawu buhi dapat nu sa ungud kawu ga tigbak yi.

1 Samwil 15:32

Magkun si Samwil, “Daraha nimu sa kangku si Agag, ti hari manga Amalikita.” Nagpakarani may kahusayan si Agag sa kan Samwil. Mag-isip siya balaw yi siya matyun.