1 Timutiyu 5:5 - Hanunuu

⁵ Ti babayi buranday nu udyi may katawuhan, Diyus wadi kay pagsarigan, nakan ngani pirmi siya magdarangin sirang yabi maghagad kay pangailangan sa Panginuun.

1 Timutiyu 5:5 Iomraidhean Croise

Kanta 91:4

Dahanan niya kawu parihu sa pag-alaga manuk sa kay manga butu sa sirung niya manga pakpak. Sa kay katapatan, ingatan niya kawu ag apinan.

Isayas 12:2

Kawu pag Diyus kang Manugribri. Manarig aku sa kanmu ag balaw yi madala. Kawu, Panginuun, ti magpakaun kabisugan sa kangku, kawu kang karantahun. Kawu ngani ti nagribri sa kangku.”

Isayas 3:26

May manga maglulumian ag maghimanglaw sa manga puwirtahan banwa. Ag ti banwa miparihu sa babayi malubnangan sa daga, naduraan manga kasiyunan.

Isayas 49:21

Sumabi kawu sa kanmu sadili, ‘Si unu ti naglusad sa kanda para sa kangku? Nagkaramatay ti kayamuan niku manga nasakupan, nakan ngani nanhimanglaw aku. Ti iba sa kanda dinara bihag tag sa iba nasyun, usa-usa wadi aku. Nakan naan ginan tunda sida? Si unu ti nag-alaga sa kanda?’ ”

Isayas 50:10

Si unu sa kanyu ti may dala sa Panginuun ag magsunud sa pag-itudlu niya manugsirbi? Kailangan pagpaniwala siya sa Panginuun Diyus una sa dalan madulum unman may rayaw.

Isayas 54:1

Magkun ti Panginuun, “Pagkanta kawu Hirusalim, kawu ga babayi baug. Pagkanta kawu ag pagringgit sa kabayaan, kawu unman nakalakaw kakurian sa magpanganak. Dahil una yi tinayakan kawu nimu asawa, mas yumamu kanmu manga anak kaysa babayi kaibahan kay asawa.

Karukuan 1:13

Ginan sa langit nagpadara siya apuy ga sa nagsunug sa kang manga but-ul. Pinaulian niya suduk kang lakawan ag nasduk aku. Binwat niya aku maruku, mag-agwanta sa buu sirang.

Lukas 18:1

Itinultul ni Hisus sa kay manga tuludluan ti usa ka halimbawa, kay gustu sabihun kailangan sida magdarangin pirmi, danga maglubay kanda naisipan.

Lukas 18:7

Unman aw lugud awatan Diyus kay manga pinili hampay may matarung sida dahil magdangup sida sa kanya sirang yabi?

Lukas 2:37

Walumpulu may upat ka timpu siya buranday yi. Siyun yi gid sa Balay Diyus kay ulian. Pirmi gid magsamba sirang yabi, udyi maghandum karan-unun sa kay magdarangin.

Binwat 26:7

Imaw diman pag taratu ti pag-asahan sampulu may duwa ka linahi nita nasyun, nakan sida masipag gid sa kanda magsamba sa Diyus sirang yabi. Dahil sa kang mag-asa, Hari Agripa, sa tunda pag taratu, nakan aku idinimanda ngap manga Hudiyu.

Binwat 6:1

Ati katpung pagka amat-amat mayamu yi ti manga nagsarig sa kan Hisus nagriklamu ti manga Hilinista pag Hudiyu laban sa manga Hibriyu pag Hudiyu. Magkun sida ti manga Hilinista pag babayi buranday pagpabay-anan kunu unman pagpakan-an kanda pangailangan sa udas maghururayan sirang-sirang.

Binwat 9:39

Nagkuyug ngani si Pidru sa kanda. Pagka rinmas-ug siya sa Lida, dinara nida siya atag sa sulud-sulud sa ikadwa pag ugpu salug. Nagpakarani diman sa kan Pidru ti tanan manga babayi buranday, ipinakakit nida sa kanya ti rutay kay ipinaalu ni Durkas sa kanda kay di waya buhi.

Binwat 9:41

Hiniyaptan ni Pidru kay kamang bag-u kay inawatan si Tabita kay ipinatindug. Bag-u tinawag niya ti manga patar-ari lalu hanggan ti manga babayi buranday, ipinakakit niya sa kanda si Durkas nabuhi yi maan.

Ruma 1:12

Ti gustu mana niku sabihun, hampay mag-arawatan kita sa ikarig-un nita sa kada usa dahil sa kanta pagsarig sa Diyus, una kangku, una kanyu.

Ruma 1:5

Tinanggap nimi ginan sa kanya ti karampatan hampay kami apustul agud ti tanan nasyun butungun nimi sa pagsarig hanggan pagsunud sa kanya. Pagbuwatun nimi inda para sa kanya.

1 Kurintu 7:32

Dapat kang gustu pagkab-ul yi gid sa kanyu ti aburidu. Ti lalaki nu unman may asawa magpangabudlay sa manga buruwatun Panginuun, nu kabitay makatupad sa kagustuhan niya.

1 Kurintu 7:34

Pagtalinduwahun kay naisipan may sa buruwatun Panginuun, may sa kay asawa. Katida diman ti babayi unman may asawa ag ti daraga magpangabudlay sa buruwatun Panginuun, hampay ilubus niya kay kabisugan bilug hanggan naisipan sa Panginuun. Dapat ti babayi nu may asawa magpangabudlay maghanap kanda kabuhian nu kabitay makatupad sa kagustuhan niya asawa.

Ipisu 6:18

Tanan-tanan inda buwata niyu pag may darangin paghagad awat sa Panginuun. Pagdarangin kamu sa kada udas angay sa kay udyuk Ispiritu Banal. Nakan ngani pagpirmi gid kamu alistu, dag-apas kamu sa darangin sa tanan manga nasakup sa Diyus.

Pilipus 4:6

Danga kamu magkaarimputu sa una hintay pag bagay. Bagkus ngap pagdarangin kamu paghagad sa Diyus kanyu kailangan pag may pasalamat diman.

1 Timutiyu 2:1

Un-an sa tanan, pag-ipakihampang niku idarangin niyu ti tanan tawu. Ipaaput niyu sa Diyus kanyu manga darangin para sa kanda may tapil pasalamat.

1 Timutiyu 5:16

Ti mayad nu manga babayi magsarig sa Panginuun tig-alaga sa kanda katawuhan buranday hampay balaw saragpunun iglisya tunda pag manga buranday. Nu katida, ti awat iglisya tabug lang sa manga buranday udyi may katawuhan magsagpun.

1 Timutiyu 5:3

Pagmagalang kawu sa manga buranday babayi. Awatan nimu sida nu udyi may mag-asikasu sa kanda.

2 Timutiyu 1:3

Magpasalamat aku sa Diyus imaw kang pagsirbihan lubus parihu sa binwat niku manga ginurang. Magpasalamat ungud aku sa Diyus sa kada magkaisipan niku kawu sa kang magdarangin sirang yabi.

1 Pidru 3:5

Kaybi waya pag panahun katida pag rinu ti pinahalgaan manga babayi lubus sakup sa Diyus. Sida nagsarig gid sa Diyus ag nagpasakup diman sa kanda manga asawa.

Rut 2:12

Nakan papaladan mana kawu Panginuun dahil sa kanmu binwat. Mana laun pag pirimyu kanmu matanggap ginan sa Panginuun, ti Diyus Israil, kanmu darangpan.”