1 Timutiyu 5:3 - Hanunuu

³ Pagmagalang kawu sa manga buranday babayi. Awatan nimu sida nu udyi may mag-asikasu sa kanda.

1 Timutiyu 5:3 Iomraidhean Croise

Hub 29:13

Pagpapaladan aku hirimatyanun pag manga tawu ti kang inawatan ag magbaya gid ti manga buranday babayi ti kang inawatan diman.

Hub 31:16

“Nu unman aku nangawat sa manga pugri hanggan sa manga buranday babayi magkakuri,

Kanta 146:9

pag-alagaan niya ti manga day-uhan, pag-awatan niya ti manga ulila ag manga buranday pag babayi, dapat pag-amparahun niya ti manga kagustuhan manga magbuwat daut.

Kanta 68:5

Ti Diyus, mag-uli sa kay banal pag Balay, mag-alaga sa manga ulila ag manug-apin sa manga buranday babayi.

Kanta 94:6

Ipinamatay nida ti manga buranday pag babayi, hanggan ti manga ulila, ag ti manga day-uhan.

Pag-ighit 20:12

“Galanga niyu kanyu ama ag ina hampay mabuhi kamu dugay sa pag-ipakaun niku pag daga sa kanyu.

Hirimyas 49:11

Dapat matayak sa kangku ti manga ilu niyu dahil aku ti mangalaga sa kanda. Ag ti manga naburanday niyu makasarig gid sa kangku.”

Matiyu 15:6

udyi kailangan siya maggalang sa kay ama sa kay ina. Dahil sa kanyu minana patayak layi kaumputan, unman yi ngap pagpahalgaan niyu ti Bagaw Diyus.

Matiyu 23:13

Sinabi ni Hisus, “Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Bilang ga tinalakpan niyu ti sabian hampay ti manga tawu dayu makasulud sa kaharian langit. Kamu dayu magsulud sa kaharian langit bag-u kanyu waya pag-amparahun ti manga magkaibug magsulud ati.

Lukas 2:37

Walumpulu may upat ka timpu siya buranday yi. Siyun yi gid sa Balay Diyus kay ulian. Pirmi gid magsamba sirang yabi, udyi maghandum karan-unun sa kay magdarangin.

Lukas 7:12

Pagka arani yi siya sa sanggaan banwa, nasulang niya ti babayi buranday manlubung sa kay usa-usa lang ka anak lalaki namatay. Mayamu ti nagkuyug manuglubung.

Huwan 1:47

Pagka nakitan ni Hisus si Natanail magpakarani sa kanya, sinabi niya tungkul sa kan Natanail magkun, “Tunda pag tawu tutuu gid Israilita. Unman gid siya maradaya.”

Binwat 6:1

Ati katpung pagka amat-amat mayamu yi ti manga nagsarig sa kan Hisus nagriklamu ti manga Hilinista pag Hudiyu laban sa manga Hibriyu pag Hudiyu. Magkun sida ti manga Hilinista pag babayi buranday pagpabay-anan kunu unman pagpakan-an kanda pangailangan sa udas maghururayan sirang-sirang.

Binwat 9:39

Nagkuyug ngani si Pidru sa kanda. Pagka rinmas-ug siya sa Lida, dinara nida siya atag sa sulud-sulud sa ikadwa pag ugpu salug. Nagpakarani diman sa kan Pidru ti tanan manga babayi buranday, ipinakakit nida sa kanya ti rutay kay ipinaalu ni Durkas sa kanda kay di waya buhi.

Binwat 9:41

Hiniyaptan ni Pidru kay kamang bag-u kay inawatan si Tabita kay ipinatindug. Bag-u tinawag niya ti manga patar-ari lalu hanggan ti manga babayi buranday, ipinakakit niya sa kanda si Durkas nabuhi yi maan.

Diyuturunumiyu 10:18

Pag-apinan niya ti karampatan manga ilu hanggan manga buranday pag babayi. Pagmahalun niya ti manga day-uhan mag-ulian sa Israil ag pagpakan-an niya sida karan-unun hanggan manga rutay.

Diyuturunumiyu 14:29

Iayaw niyu inda sa manga Libita (unman may minana daga), sa manga balaw Israilita, sa manga ilu, hanggan sa manga buranday pag babayi mag-ulian sa kanyu manga banwa hampay makakaun waydi sida ag mabsug. Nu buwatun niyu inda, papaladan kamu Panginuun niyu Diyus sa tanan niyu pagbuwatun.

Diyuturunumiyu 16:11

Ag pagbarayaan kamu sa atubangan Panginuun niyu Diyus sa rugar kay piliun nu naan pagdayawun siya. Pag-alaala kamu kaibahan kanyu manga anak, manga suruguun, manga Libita mag-uli sa kanyu banwa, manga balaw Israilita, manga ilu ag manga buranday pag babayi mag-uli sa kanyu banwa.

Diyuturunumiyu 16:14

Pagbaya kamu sa pag-alaala sa inda pag pista kaibahan kanyu manga anak, manga suruguun, manga Libita, manga balaw Israilita, manga ilu ag manga buranday pag babayi mag-uli sa kanyu banwa.

Diyuturunumiyu 27:19

“Saadan ti balaw magpakaun matarung sa manga balaw Israilita, sa manga ilu hanggan sa manga buranday babayi.” Bag-u sumagut ti tanan tawu, “Amin!”

1 Tisalunika 2:6

Unman nimi hiningbut kanyu pagdayaw una manga iba tawu pag pagdayaw.

1 Timutiyu 5:2

Galanga nimu ti manga gurangun pag babayi parihu sa kanmu ina. Pagpakiusa kawu sa manga kalay-awan babayi unman may lakay hangal-hangal ga kanmu diman manga patar-ari babayi.

Santiyagu 1:27

Kainda ay di ti pagkamatadlung ti kailangan ag pagbayaun nita Diyus Ama, nu ti tawu mag-awat sa manga ilu hanggan sa manga babayi buranday sa kanda kakurian, ag nu mainingatun siya sa kay sadili bilug hampay balaw madara sa daut pag ugali kalibutan inda.

1 Pidru 2:17

Galangun niyu ti tanan manga tawu, ag mahalun niyu ti manga patar-ari sa kan Kiristu. Pag-ugali kamu maggalang sa Diyus. Galangun diman niyu ti Pangulu Hari.

1 Pidru 3:7

Kamu waydi manga lalaki, pagpasunaid kamu sa kanyu sadili asawa dahil udyi ga lalaki kanda kaya. Parihu diman sa kanyu may karampatan sida sa buhi unman may katapusan kay ipinakaun Diyus sa kanyu. Nu katida kanyu ugali udyi may sumigaud sa kanyu darangin.