1 Timutiyu 5:1 - Hanunuu

¹ Danga nimu pagkaransaha sa hampang ti manga lalaki gurangun man sa kanmu. Hampangun nimu sida may galang parihu sa kanmu maggalang sa kanmu ama. Isipa nimu pinagkapatar-ari ti manga kalay-awan lalaki.

1 Timutiyu 5:1 Iomraidhean Croise

Libitiku 19:32

Galanga niyu ti manga gurangun, galanga diman niyu aku kanyu Diyus. Aku ti Panginuun.

Matiyu 23:8

“Dapat kamu danga pagpaingarni maisturu. Dahil usa lang kanyu Maisturu, kamu tanan magtar-arian.

Binwat 14:23

Sa kada iglisya nagpili sida ni Pablu manga manug-asiwa para sa kanda. Bag-u nagpauray sida sa darangin, kanda iinintirga ti manga manug-asiwa sa Panginuun imaw kanda pagsarigan.

Binwat 15:4

Pagka rinmas-ug sa Hirusalim sida ni Pablu ni Birnabi hanggan kanda manga kaibahan, tinanggap sida iglisya hanggan manga apustul hanggan manga manug-asiwa iglisya bag-u itinultul nida ni Pablu sa kanda nu kabitay sida ginamit Diyus sa tanan niya buruwatun.

Binwat 15:6

Nagharampangan ti manga apustul hanggan ti manga manug-asiwa iglisya hampay kanda pag-adalan inda pag kakurian.

Binwat 20:17

Pagka siyun kami sa Militu, pinmasugu si Pablu tag sa Ipisu hampay kanda bul-un ti manga manug-asiwa iglisya ati.

Ruma 13:7

Ipakaun niyu sa kada usa ti dapat sa kanya. Pagbayad buhis hanggan manga lisinsiya sa manughiyaput buhis. Paggalang sa may karampatan galangun, pahalgai niyu ti dapat pahalgaan.

Galasya 6:1

Manga patar-ari, nu may naabutan kamu tawu magbuwat kasalanan, kailangan sa kanyu tunda ti manga tuludluan Ispiritu ti pagtadlung sa kanya, dapat pagmaalumanay kamu ti kada usa. Pagpasunaid sa kanyu sadili bilug barang kamu matuksu waydi.

Diyuturunumiyu 33:9

Nagpakakit sida daka pag unung sa kanmu kaysa kanda manga ginurang, manga patar-ari, hanggan manga kalay-awan. Sinunud nida kanmu bagaw, ag iningatan nida kanmu kasunduan.

1 Timutiyu 5:17

Pagkayamu nu magpakaun kamu sa manga manug-asiwa mayad kanda mag-asikasu, lalu sa manga manugbarita hanggan sa manga manugtudlu Bagaw Diyus.

1 Timutiyu 5:2

Galanga nimu ti manga gurangun pag babayi parihu sa kanmu ina. Pagpakiusa kawu sa manga kalay-awan babayi unman may lakay hangal-hangal ga kanmu diman manga patar-ari babayi.

Titu 2:2

Pagkumun kawu sa manga gurangun pag lalaki, pagmapinigilun sida, pagmahusay, pagmaalumanay kanda manga pag-iisip. Pag-ugali sida sa maayus angay sa kanda pagsarig, pag mapagmahal sida, pagmatiniisun.

Titu 2:6

Paanyui waydi nimu ti manga lalaki udwaya may idad dugay. Pagmapinigilun sida sa kanda sadili.

Santiyagu 3:17

Dapat ti may kadunungan ginan sa Diyus pihu marinu gid kay ugali, mairibgun siya sa kahusayan, maalumanay, mapinaangayun, maawaun, hanggan masipag sa mayad buwat, balaw mag-ihid, unman waydi magpabalhinguun.

Santiyagu 5:14

May magkasakit aw sa kanyu? Pabul-an niya ti manga manug-asiwa iglisya, hampay idarangin siya ag payidan lana sa ngaran Panginuun.

1 Pidru 5:1

Aku duy may paanyu sa manga manug-asiwa sa kanyu. Aku manug-asiwa diman ga kanyu. Nakitan niku kan Kiristu inagwanta pag manga kakurian. May kabahagi diman aku sa kadayawan arani yi ipaburayhaw aban.

2 Huwan 1:1

Inda ti may surat imaw ti manug-asiwa sa iglisya, atag sa kay pinili Diyus pag babayi hanggan sa kay manga anak. Lubus duy aku magmahal sa kanyu dahil sa kanta magpakiusa sa katutuuhanan ag balaw lang aku nu ud tunda ngap hanggan tanan pag manga nakakilala sa katutuuhanan.

3 Huwan 1:1

Inda ti may surat ti manug-asiwa sa iglisya atag sa kanmu duy Gayu. Kawu kang gid pagmahalun dahil sa kanta magpakiusa sa katutuuhanan.

Ipinakakit 4:4

Sa kay sangput diman tukawan hari pag nakitan niku ti duwapulu may upat ka tukawan takinan. May duwapulu may upat ka takinan ti matukawan siyun. May manga sulung sida malagti pag rutay ag pinasangbawan gintu pag manga sangbaw.